GSTV
Home » News » પાછલા ચાર વર્ષમાં ઘર ખરીદવું થયુ મોંઘુ, RBIના સર્વેમાં થયો ખુલાસો

પાછલા ચાર વર્ષમાં ઘર ખરીદવું થયુ મોંઘુ, RBIના સર્વેમાં થયો ખુલાસો

છેલ્લા ચાર વર્ષોમાં ઘર ખરીદવું ઘણું મુશ્કેલ બની ગયું છે. ભારતીય રિઝર્વ બેન્ક (RBI)ના એક સર્વેમાં જણાવવામાં આવ્યું છે કે, આ દરમિયાન ઘર લોકોનું ઘર ખરીદવાનું સપનું તેમની પહોંચથી ઘણું દૂર થયું છે. મુંબઈમાં તો વધુ કિંમતો વધી છે. રિઝર્વ બેન્ક, 2010થી ક્વાર્ટર આધારે 13 શહેરોમાંથી પસંદગી પામેલ બેન્કો અને હાઉસિંગ ફાઈનાન્સ કંપનીઓ દ્રારા કરવામાં આવેલ હોમ લોન પર રહેણાંક પ્રોપર્ટી પ્રાઈસ સર્વેલન્સ સર્વે (RAPMS) ચલાવી રહ્યું છે.

રિઝર્વ બેન્કે ગુરૂવારે સર્વે જારી કરતા જણાવ્યું કે, છેલ્લા ચાર વર્ષમાં ઘર લોકોની પહોંચથી દૂર થયુ છે. આ દરમિયાન મકાનના કિંમતથી આવક (HPTI) ગુણોત્તર માર્ચ, 2015ના 56.1થી વધીને માર્ચ, 2016માં 61.5 થઈ ગયો છે. એટલે કે, આવકની તુલનામાં મકાનોની કિંમત વધી છે. વિવિધ શહેરોની વાત કરીએ તો, મુંબઈમાં ઘર ખરીદવું સૌથી વધુ મુશ્કેલ અને ભુવનેશ્વરમાં ઘર ખરીદવું સરળ છે.

સર્વે અનુસાર, આ દરમિયાન સરેરાશ લોનથી આવક (LTI) ગુણોત્તર પણ 3જી માર્ચ, 2015થી માર્ચ, 2019માં 3.4 થઈ ગયો છે, જે ઘરના લોકોની પહોંચથી દૂર હોવાની પુષ્ટી કરે છે. સર્વેમાં જણાવાયું છે કે, સરેરાશ લોનથી મૂલ્ય (LTV) ગુણોત્તર 67.7થી 69.6 ટકા થઈ ગયું છે, જે દર્શાવે છે કે, બેન્ક હવે વધુ જોખમ ઉઠાવવા લાગી છે. LTVથી તાત્પર્ય હાઉસિંગ લોન પર ક્રેડિટ રિસ્ક છે.

સર્વેમાં એક અન્ય નિષ્કર્ષ એ નીકળ્યો છે કે, સરેરાશ EMIથી આવક (ETI) ગુણોત્તર છેલ્લા બે વર્ષમાં વધુ અથવા ઓછું સ્થિર બનેલ છે. આ લોનની પાત્રતા બાબતે જણાવે છે. જો કે, અન્ય શહેરોની તુલનાએ મુંબઈ, પુના અને અમદાવાદે વધુ ઉંચી સરેરાશ ETI નોંધાવી છે. આ અભ્યાસ મુંબઈ, ચેન્નાઈ, દિલ્હી, બેંગલુરૂ, હૈદરાબાદ, કલકત્તા, પુના, જયપુર, ચંદીગઢ, અમદાવાદ, લખનૌ, ભોપાલ અને ભુવનેશ્વરમાં કરવામાં આવ્યો હતો.

READ ALSO

Related posts

PMC કોભાંડ : RBI પ્રતિબંધ મૂકે તે પહેલાં જ અધિકારીઓએ 70 કરોડ ઉપાડી લીધા

Mayur

કપડા શું ઉતાર્યા મળવા લાગી ઢગલાબંધ એડલ્ટ ફિલ્મની ઑફર, આ એક્ટ્રેસે કર્યો ચોંકાવનારો ખુલાસો

Bansari

‘રેપથી બચવા મહિલાઓ કોન્ડમ સાથે રાખે અને સહયોગ આપે’ ડિરેક્ટરનું વિવાદાસ્પદ નિવેદન, આ એક્ટ્રેસે ઝાટકી નાંખ્યો

Bansari
Do NOT follow this link or you will be banned from the site!