GSTV
Gujarat Government Advertisement

હોર્સ ટ્રેડીંગ : 24 ધારાસભ્યોનો આરોપ કે ગહેલોત સરકારને ગબડાવવા ભાજપ રચી રહી છે કાવતરું

Last Updated on July 11, 2020 by Karan

રાજસ્થાનમાં કોંગ્રેસના લગભગ બે ડઝન ધારાસભ્યોએ આરોપ લગાવ્યો છે કે ભારતીય જનતા પાર્ટી (ભાજપ) રાજ્યની લોકોએ ચૂંટેલી અશોક ગેહલોત સરકારને પૈસાના જોરે ગબડાવવા માંગે છે. શુક્રવારે મોડીરાતે જારી કરાયેલા સંયુક્ત નિવેદનમાં કોંગ્રેસના આ ધારાસભ્યોએ આ આરોપ લગાવ્યો છે. સંયુક્ત નિવેદનમાં લખનસિંહ, જોગેન્દ્રસિંહ અવના, મુકેશ ભાકર, ઇન્દ્ર મીના, વેદપ્રકાશ સોલંકી, સંદીપ યાદવ વગેરે સહિત 24 ધારાસભ્યોના નામ આપવામાં આવ્યા છે. આ નિવેદન વિધાનસભાના ચીફ વ્હિપ, ડો.મહેશ જોશી અને ડેપ્યુટી ચીફ વ્હિપ મહેન્દ્ર ચૌધરીની સહીઓ દ્વારા જારી કરાયું છે.

સંયુક્ત નિવેદનમાં કોંગ્રેસના ધારાસભ્યોએ આરોપ લગાવ્યો છે કે ભાજપ કોરોડોનો વેપાર અને અન્ય ભ્રષ્ટ યુક્તિઓ દ્વારા કોંગ્રેસ સરકારને અન્ય રાજ્યોની જેમ ગબડાવવા કાવતરૂં ચરી રહી છે. આ ધારાસભ્યોએ ભાજપની લોકશાહી વિરોધી ભ્રષ્ટ રીતરસમો ગણાવી હતી.

કોંગ્રેસે કહ્યું છે કે, પ્રજાએ અમને ચૂંટીને જવાબદારી સોંપી છે. જેની વિરૃદ્ધ જઈને ભાજપ ભ્રષ્ટ રીતો અપનાવી રહી છે. અમારી પાસે સ્પષ્ટ માહિતી છે કે ભાજપના ટોચના લોકો આ ષડયંત્રમાં સામેલ છે. જે કોંગ્રેસના ધારાસભ્યોને ગેરમાર્ગે દોરવાનો પ્રયાસ કરી રહ્યા છે. ધારાસભ્યો અને અન્ય લોકોને વિવિધ પ્રકારની લોભ, લાલચ આપીને સમર્થન આપે છે. કોંગ્રેસ અને રાજ્યમાં સમર્થન આપતા તમામ ધારાસભ્યો આવા પ્રયાસોને સફળ થવા દેશે નહીં.

રાજસ્થાન પોલીસના સ્પેશિયલ ટાસ્ક ફોર્સ એસઓજીએ શુક્રવારે હોર્સ ટ્રેડીંગ અને ચૂંટાયેલી સરકારને અસ્થિર કરવાના આરોપ હેઠળ કેસ નોંધ્યો હતો. રાજ્ય વિધાનસભાના કુલ 200 ધારાસભ્યોમાં કોંગ્રેસના 107 ધારાસભ્યો છે અને ભાજપ પાસે 72 ધારાસભ્યો છે. કોંગ્રેસને રાજ્યના 13 માંથી 12 અપક્ષ ધારાસભ્યોનું સમર્થન પણ છે.

રાજસ્થાનમાં જૂન મહિનામાં યોજાયેલી રાજ્યસભાની ત્રણ બેઠકોની ચૂંટણીઓ પૂર્વે સત્તાધારી કોંગ્રેસે કેટલાક ધારાસભ્યો પર લાલચ આપવાનો આરોપ લગાવ્યો હતો. પાર્ટી દ્વારા વિશેષ ટાસ્ક ફોર્સને ફરિયાદ કરવામાં આવી હતી. મુખ્ય પ્રધાન અશોક ગેહલોતે કહ્યું હતું કે રાજ્યના ધારાસભ્યોને લાલચ, ઓફર, લાંચ માટે કરોડો રૂપિયાની રોકડ જયપુર ભાજપ દ્વારા ખસેડાઇ રહી છે.

Gujarat Government Advertisement

Related posts

ખુશખબર / કોરોના સામેની લડાઈમાં ભારતને મળશે વધુ એક વિદેશી હથિયાર, ફાઇઝરના CEOએ આપી મહત્વપૂર્ણ જાણકારી

Zainul Ansari

મોટા સમાચાર / રાજ્યના શિક્ષણ વિભાગનો મહત્વનો નિર્ણય, 6 લાખ વિદ્યાર્થીઓને થશે ફાયદો

Zainul Ansari

કોરોના: સરકાર દ્વારા ડેલ્ટા પ્લસને ‘વેરિએન્ટ ઓફ કન્સર્ન’ જાહેર કરાયો, દેશમાં 22 દર્દીઓ મળી આવ્યા

Vishvesh Dave
Do NOT follow this link or you will be banned from the site!