GSTV

સોનું ખરીદવું હોય તો ઉતાવળ કરો, સરકારના અા નિર્ણયને પગલે વધશે ભાવ

સરકાર દ્વારા પાક માટે જાહેર કરવામાં આવેલી ઉંચી એમએસપીના કારણે ખેડૂતોની ખરીદીના કારણે આ વર્ષે બીજા છ મહિનામાં ભારતની સોનાની માંગમાં 25 ટકાનો વધારો થવાની સંભાવના છે. ભારત કિંમતી ધાતુનુ વિશ્વનું બીજુ સૌથી મોટુ ખરીદનાર છે. વાર્ષિક ધોરણે 800-900 ટન સોનાની ખપત રહે છે. છે. દેશની સોનાની માંગનો બે-તૃતિયાંશ ભાગ ગ્રામીણ વિસ્તારોનો હોય છે. એસોચેમ વર્લ્ડ ગોલ્ડ કાઉન્સિલના અહેવાલમાં જણાવવામાંઆવ્યુ છે કે સરકાર દ્વારા વિવિધ પાકોની ઉંચી એમએસપી આપવાનું જાહેર કરાતા ખેડૂતોની આવક સારી રહેશે, જેથી વર્ષના બીજા છ મહિનમાં સોનાની માંગમાં વધારો થવાની સંભાવના છે.

વિશ્લેષકોને અપેક્ષા છે કે આ વર્ષના બીજા છ મહિનામાં સોનાની માગમાં  25 ટકાનો વધારો થશે. ઉચ્ચ એમએસપીના કારણે સોનાના વેપારને વેગ મળવો જોઈએ, કારણ કે તેના કારણે ખેડૂતોના હાથમાં વધુ રોકડ આવશે, જે સોનાની માંગ માટે સારી સ્થિતિ છે. રિપોર્ટમાં જણાવવામાં આવ્યુ છે કે સોનુ ભારતમાં માત્ર લક્ઝરી વસ્તુ નથી પરંતુ ગરીબ લોકો પણ દેશમાં સોનાની ખરીદી  કરે છે. ગત વર્ષે કરવામાં આવેલ આઈસીઈ 360 સર્વેક્ષણનો  ઉલ્લેખ કરતા રિપોર્ટમાં કહ્યુ છે કે ભારતનાદરેક બે ઘરમાંથી એકે છેલ્લા પાંચ વર્ષોમાં સોનાની ખરીદી કરી છે. એકંદરે દેશમાં 87 ટકા ઘરોમાં પીળી ધાતુનો જથ્થો છે.

સૌથી ઓછી આવક મેળવનાર પરિવારો પાસે પણ થોડુંક ગોલ્ડ હોય છે. જો કે અમીર ભારતીયો ગરીબોની સરખામણીએ સોના પર વધુ ખર્ચ કરે છે. મધ્યમ આવક ધરાવતા વર્ગમાં સોનાની ખરીદી લગ્ન દરમિયાન જ કરવામાં આવે છે પરંતુ વધુ આવક ધરાવતા વર્ગ દ્વારા સોનાની ખરીદી ભેટ સોગાતો, વ્યક્તિગત ઉપયોગ, પૂજાકરવા કે ધનતેરસ જેવા તહેવારોએ કરવામાં આવે છે. ગરીબ અને ઓછી આવક ધરાવતા મધ્યમ વર્ગ માટે સોનુ આર્થિક સુરક્ષા તરીકે કાર્ય કરે છે. ગરીબ અને મધ્યમ વર્ગ તબીબી કટોકટીઓ અથવા નાણાકિય કટોકટીમાં ગોલ્ડ લોન લે છે. જે સૂચવે છે પૂરતો વિમો કે નાણાકિય બચતની ગેરહાજરીમાં સોનુએ વીમા તરીકેનુ કામ કરે છે તેમ રિપોર્ટમાં જણાવવમાં આવ્યુ છે.

Related posts

મોદી સરકારને ઘેરવાનો કોંગ્રેસે બનાવ્યો પ્લાન : સાંસદોને સસ્પેન્ડ કર્યા પછી બોલાવી આ બેઠક, સરકાર સામે મૂકશે આ 3 શરતો

Dilip Patel

ઈન્કમટેક્સ સાથે જોડાયેલા બીલને મળી સંસદમાં મંજૂરી, તમને થશે આ ફાયદાઓ

Karan

દેશના 138 કરોડ લોકોને કોરોના રસીના રૂ. 5000 કરોડ જોઈશે, પણ રસી એક માત્ર ઉપાય નથી

Dilip Patel
Do NOT follow this link or you will be banned from the site!