GSTV
India News ટોપ સ્ટોરી

Heavy Snowfall : હિમાચલ પ્રદેશમાં ભારે હિમવર્ષા, 700 રસ્તાઓ બ્લોક તો ટ્રેકિંગ પર નીકળેલાં 2 યુવકોનાં મોત

હિમાચલ પ્રદેશમાં ભારે હિમવર્ષા (Heavy Snowfall) નાં કારણે સ્થિતિ ભારે વણસી છે. રાજ્યમાં જ્યાં 4 નેશનલ હાઇવે સહિત 700 થી વધુ રસ્તાઓ બંધ કરી દેવામાં આવ્યાં છે, ત્યારે ટ્રેકિંગ પર નીકળેલા 4 મિત્રોમાંથી 2નાં મોત નિપજ્યાં છે. રવિવારનાં મોડી રાત્રે ભારે હિમવર્ષા બંને ઇજાગ્રસ્તોને ધર્મશાળાની હોસ્પિટલમાં ખસેડવામાં આવ્યાં.

snowfall

ઘાયલ લોકો હોસ્પિટલમાં સારવાર હેઠળ

એએસપી કાંગડા પુનીત રઘુએ માહિતી આપી હતી કે, 4 છોકરાંઓ ટ્રેકિંગ માટે ગયા હતા અને મોડી સાંજ સુધી તેઓ પરત આવ્યાં ન હોતાં. આ અંગેની માહિતી મળતાં જ વિપરિત પરિસ્થિતિમાં શોધખોળ વધુ તેજ કરવામાં આવી. ત્યારે આગલા દિવસે એટલે કે, રવિવારનાં રોજ 2 છોકરાંઓની લાશ મળી અને અન્ય બે ગંભીર હાલતમાં જોવા મળ્યાં. કારણ કે ઊંચી જગ્યાએથી ખીણમાં પડવાનાં કારણે તેઓને વધારે ઇજા થઇ. જો કે, બંનેની હાલત વધારે સ્થિર છે અને તે ઘાયલ લોકોની હોસ્પિટલમાં હાલમાં સારવાર ચાલી રહી છે.

કાંગડાનાં ડીસી નિપુણ જિંદલએ જણાવ્યું કે, સ્લેટ ગોદામ નજીક 16, 17 અને 18 વર્ષની ઉંમરનાં 4 છોકરાઓ શનિવારનાં રાતથી જ લાપતા હોવાનું માનવામાં આવી રહ્યું છે. શોધખોળ અને બચાવ દળે લાપતા યુવકોને શોધી કાઢ્યાં છે. પરંતુ આ ક્ષેત્રમાં સતત થઇ રહેલી ભારે હિમવર્ષાનાં કારણે તેઓને નીકાળવામાં ભારે પડકારોનો સામનો કરવો પડી રહ્યો છે.

snowfall

જમ્મુ-શ્રીનગર નેશનલ હાઈવે પર ભૂસ્ખલન થવાના કારણે મોટી સંખ્યામાં વાહન ચાલકો ફસાયા

જમ્મુ કાશ્મીરમાં પણ હિમવર્ષાના કારણે જનજીવન પ્રભાવિત થયું છે. તો બીજી તરફ ભારે હિમવર્ષાથી 1,500થી વધારે રસ્તાઓ બંધ થયા છે. આ સાથે વીજળી અને પાણી પુરવઠાની સેવાને પણ અસર થઈ છે. જમ્મુ-શ્રીનગર નેશનલ હાઈવે પર ભૂસ્ખલન થવાના કારણે મોટી સંખ્યામાં વાહન ચાલકો ફસાયા. ખરાબ હવામાનના કારણે  વિમાન સેવાને પણ અસર થઈ છે. સતત હિમવર્ષાના કારણે હાઈવે પર અનેક વાહન ચાલકો ફસાયા છે. તો બીજી તરફ રસ્તા પરથી બરફ હટાવવા માટે તંત્ર પણ યુદ્ધના ધોરણે કામ કરી રહ્યું છે. હવામાન વિભાગના જણાવ્યા પ્રમાણે 25 જાન્યુઆરી બાદ કાશ્મીર ખીણ સહિત રાજ્યમાં ઠંડીનું પ્રમાણ ઘટી શકે છે.

REAd ALSO :

Related posts

સુરત / કડોદરા ચાર રસ્તા પરથી સબસિડીવાળું યુરિયા ભરેલી ટ્રક પકડાઈ, 10 લાખનો મુદ્દામલ જપ્ત

Nakulsinh Gohil

અમદાવાદ /  11.82 લાખના ડ્રગ્સ સાથે બે ભાઈઓ સહિત ત્રણની ધરપકડ

Nakulsinh Gohil

દુનિયાના આ દેશોને થાય છે અઢળક આવક, લોકોએ એક પણ રુપિયાનો ભરવો પડતો નથી ટેકસ

GSTV Web Desk
GSTV