GSTV

દિલ્હીના મૌજપુરમાં CAAના વિરોધમાં હિંસા: 37 પોલીસકર્મીઓ ઘાયલ, 1 કોન્સ્ટેબલનું મોત

નાગરિકતા સુધારા કાયદાના વિરોધમાં દિલ્હીમાં ફરી એકવાર વિરોધ પ્રદર્શનમાં હિંસક બન્યું છે, ત્યારે નાગરિકતા સંશોધન અધિનિયમ કાયદાને પગલે વધેલી બબાલ બેકાબૂ બની ગઈ છે. CAA સામે થઈ રહેલા પ્રદર્શનમાં સમર્થકો અને વિરોધીઓ સામસામે આવી ગયા છે. સોમવારે દિલ્હીમાં મૌજપુરમાં જોરદાર પથ્થરમારા બાદ કેટલીક ગાડીઓને આગ ચાંપી દેવામાં આવી છે અને ભજપનપુરામાં એક પેટ્રોલપંપ સળગાવી દેવામાં આવ્યો છે. જેથી પોલીસે ભીડને કાબુમાં કરવા ટીયર ગેસ છોડવા પડ્યા હતા.

એક હેડ કોન્સ્ટેબલનું મોત

હાલમાં જાફરાબાદ, મૌજપુર, ચાંદબાગ, ભજનપુરા, અને કરાવલનગરમાં તણાવનો માહોલ સર્જાયો છે. મૌજપુરની હિંસામાં 37 પોલીસકર્મીઓ ઘાયલ થયા છે, શાહદરાના ડીસીપી અમિત શર્માને ગંભીર ઈજા પહોંચી છે જેથી તેમને સીટી સ્કેન માટે લઇ જવામાં આવ્યા છે. એક ACP ગોકુલપુરીને પણ હોસ્પિટલમાં દાખલ કરવામાં આવ્યા હતા, જેમનું સારવાર દરમિયાન મૃત્યુ થયું હતું. પોલીસે મૌજપુર, કર્દમપુરી, ચાંદ બાગ, યમુના વિહાર, ભજનપુરા અને દયાલપુર સહિત 10 વિસ્તારોમાં કલમ 144 લાગુ કરી દેવામાં આવી છે.

સીનિયર અધિકારીઓ ઘટનાસ્થળ પર

ગૃહમંત્રાલયના સૂત્રો મુજબ હાલમાં હાલત કાબૂમાં છે, પરંતુ આ ઘટનામાં એક પોલીસકર્મીનું મોત થયું છે. હાલમાં સીનિયર અધિકારીઓ ઘટનાસ્થળ પર પહોંચ્યા છે અને ગૃહમંત્રાલય સતત દિલ્હી પોલીસના સંપર્કમાં છે. જો કે, દિલ્હીના પોલીસ કમિશ્નર હાલમાં પોલીસ કંટ્રોલરૂમાં છે, જેઓ ઘટનાસ્થળ પર હાજર પોલીસ અધિકારીઓ પાસેથી સતત વિગતો લઇ રહ્યા છે. સીપી ગૃહમંત્રાલયના અધિકારીઓ સાથે મુલાકત કરી શકે છે. ઉલ્લેખનય છે કે, જાફરાબાદ અને તેની આસપાસના વિસ્તારોમાં ષડયંત્રપૂર્વક હુમલાઓ થયા છે.

80 ટકા દુકાનોમાં તોડફોડ કરાઈ

સાથે જ મુસ્તફાબાદમાં નેહરૂ વિહારમાં આમ આદમી પાર્ટીના નગરસેવક મોહમ્મદ તાહિર હુસેનના ઘરમાં ભીડે ભારે તોડફોડ કરી છે. મૌજપુરના મુખ્ય માર્કેટમાં પણ પ્રદર્શનકારીઓએ દુકાનોમાં તોડફોડ કરી છે. લગભગ 80 ટકા દુકાનોમાં તોડફોડ કરવામાં આવી છે.

અર્ધલશ્કરી દળ તૈનાત

ઉલ્લેખનીય છે કે, આ ઘટના દરમિયાન પ્રદર્શનકારીઓએ ઘણી ગાડીઓમાં આગ લગાવી હતી. મૌજપુરમાં એક ગોડાઉનમાં પણ આગ લગાવવામાં આવી. જ્યારે કે ભજનપુરામાં એક પેટ્રોલ પમ્પને પણ આગ લગાવાવમાં આવી. આ વિસ્તારમાં મોટી સંખ્યામાં પોલીસ અને અર્ધલશ્કરી દળોને તૈનાત કરવામાં આવ્યા. જ્યારે ડીએમઆરસીએ મૌજપુર અને બાબરપુર મેટ્રો સ્ટેશન બંધ કરાવી દેવામાં આવ્યા હતા.

READ ALSO

Related posts

યૌદ્ધાઓના વેતન કાપી સરકાર ન કરે અન્યાય, પ્રિયંકાએ યોગી સરકારની કાઢી ઝાટકણી

Ankita Trada

મોદી સરકારના મંત્રીની ફેંકમફેંક : આયુર્વેદ ચિકિત્સાથી સાજા થયા પ્રિન્સ ચાર્લ્સ, 24 કલાકમાં જ ખૂલી પોલ

Bansari

લોકડાઉન ખતમ થયા બાદ પણ આ રાજ્યમાં ફરજિયાત પહેરવું પડશે માસ્ક, આ લોકોને મફતમાં મળશે

Ankita Trada
Do NOT follow this link or you will be banned from the site!