હાર્દિક પટેલને જે જગ્યાએથી લોકસભાની ટિકિટ મળવાની હતી હવે તે જગ્યા પર કોંગ્રેસે મુળુભાઈ કંડારિયાને મેદાનમાં ઉતાર્યા છે. મૂળ કંડારિયા કોંગ્રેસ માટે સાંસદ ઉમેદવાર તરીકે નવો ચહેરો છે. હાર્દિકે રાહુલ ગાંધીની ઉપસ્થિતિમાં કોંગ્રેસનો હાથ પકડ્યો ત્યારે ચર્ચાઓ હતી કે પૂનમ માડમ સામે પાટીદાર અનામત આંદોલનનો ચહેરો ધરાવતા હાર્દિક પટેલને મેદાને ઉતારવામાં આવશે. પણ હાર્દિક પર ચાલી રહેલા કેસના કારણે તમામ સમીકરણો ઉલટા પડી ગયા.
જેના પરિણામે હાર્દિકની અવેજીમાં બીજુ નામ વિક્રમ માડમનું ચર્ચાય રહ્યું હતું. જેથી કાકા અને ભત્રીજી સામ સામે હોવાની વાતો થઈ રહી હતી. પણ વિક્રમ માડમ સામે પૂનમ માડમ મજબૂત ઉમેદવાર હોવા ઉપરાંત અગાઉ પણ તેમને હરાવી ચૂક્યા હોવાથી કોંગ્રેસે તેમના નામ પર ચોકડી મારી દીધી. અને આજે જાહેર થયેલી યાદીમાં નવા ચહેરા મૂળુ કંડારિયાને ઉતારવામાં આવ્યા છે.
બીજી તરફ પૂનમ માડમની જગ્યાએ રિવાબાને ઉતારવાની પણ સોગઠાબાજી ચર્ચાય હતી. પણ આખરે ઉમેદવાર તરીકે પૂનમ માડમને જ ઉતારવામાં આવ્યા હતા. હવે જામનગરની ધરતી પર પૂનમ માડમની સામે મૂળુ કંડારિયાનો જંગ કેવો રહેશે તે જોવું રહેશે. કારણ કે એક તરફ માડમ જીતના મજબૂત દાવેદાર માનવામાં આવી રહ્યા છે તો બીજી તરફ કુંડારિયા જીતશે કે નહીં તે 23 મેના રોજ જ ખ્યાલ આવી જશે.
54 વર્ષીય મૂળુ કંડારિયા ખેડૂત પરિવારમાંથી આવે છે અને સૌરાષ્ટ્ર યુનિવર્સિટીમાંથી બીએ ગ્રેજ્યુએશન કરેલું છે. આ સિવાય લેન્ડ ડેવલપર સાથે સંલગ્ન છે. મૂળુ કંડારિયા 2012માં વિધાનસભાની ચૂંટણીમાં હારી ગયા હતા.
READ ALSO
- બરોડા ક્રિકેટ એસોસિએશનની 83મી એજીએમમાં લેવાયા આ મહત્વપૂર્ણ નિર્ણય
- સફાઈ/ ખોટી રીતે બ્રશ કરવાથી જલ્દી પડી જશે આપના દાંત, જાણો યોગ્ય રીત
- કોરોનાનું સંક્રમણ વધતા અમદાવાદ બાદ આ શહેરમાં રાત્રીના 10 વાગ્યા બાદ બજારો બંધ રાખવાનો લેવાય શકે છે નિર્ણય
- બદલો તમારી જીવનશૈલી/ જો તમારે પણ મોર્નિંગ હૈબિટ્સમાં સામેલ છે આ આદતો, તો તમે પણ થઈ શકો છો જલ્દી વૃદ્ધ
- હવામાન વિભાગની આગાહીને પગલે રાજ્યના અનેક વિસ્તારમાં છવાયો વરસાદી માહોલ