હિન્દુ પંચાગ અનુસાર આ વખતે કેસરી નંદન હનુમાનનો જન્મોત્સવ 19 એપ્રિલ 2019ને શુક્રવારના રોજ ઉજવવામાં આવશે. ખાસ વાત એ છે કે આ દિવસે હનુમાનજીનો જન્મ બે ખાસ નક્ષત્રોમાં થઇ રહ્યો છે. વર્ષો બાદ બની રહેલા આ પ્રકારના જ્યોતિષ નક્ષત્રને ભક્તો માટે શુભ માનવામાં આવે છે. તેવામાં જો તમે આર્થિક તંગીમાંથી છુટકારો મેળવવા માંગતા હોય અથવા તો કોઇ મનોકામના પૂરી કરવા માંગતા હોય તો આ દિવસે શુભ મુહુર્તમાં આ રીતે કરો સંકટમોચન હનુમાનજીની પૂજા.
હનુમાન જયંતીનું શુભ મુહુર્ત
હનુમાન જયંતિ પર આ વખતે ખાસ જ્યોતિષ નક્ષત્ર યોગ બની રહ્યાં છે. પ્રથમ ચિત્રા અને બીજુ ગજકેસરી યોગ. પંચાંગ અનુસાર 18 એપ્રિલની રાતે 9 વાગીને 23 મિનિટે ચિત્રા નક્ષત્રનો પ્રારંભ થશે. આ નક્ષત્ર 19 એપ્રિલની સાંજે 7 વાગીને 19 મિનિટ સુધી રહેશે. જ્યારે બીજો નક્ષત્ર ગજકેસરી સૂર્યોદયથી પ્રારંભ થશે. આ બંને નક્ષત્રો વચ્ચે જ કેસરી નંદન ભગવાન હનુમાનનો જન્મ થશે.
આ રીતે કરો હનુમાનજીની પૂજા
હનુમાનજીનું પૂજન અભિજિત મુહુર્તમાં કરો.
ઉત્તર-પૂર્વ દિશામાં બાજઠ પર લાલ કાપડ પાથરો.
હનુમાનજીની સાથે શ્રી રામના ફોટોની સ્થાપના કરો.
હનુમાનજીને લાલ અને શ્રી રામજીને પીળા ફૂલ અર્પણ કરો.
લાડુઓ સાથે તુલસી અર્પિત કરો.
પહેલા શ્રી રામનો મંત્ર ‘રામ રામાય નમ:’નો જાપ કરો.
તે પછી હનુમાજીનો મંત્ર ‘ઓમ હં હનુમંતે નમ:’નો જાપ કરો.
આર્થિક લાભ અને દેવા મુક્તિના ઉપાય
હનુમાજી સામે ચમેલીના તેલનો દીવો પ્રગટાવો.
હનુમાજીને ગોળનો ભોગ લગાવો.
તે બાદ હનુમાન ચાલીસાનો 11 વાર પાઠ કરો.
શક્ય હોય તો આ દિવસે મિષ્ટાન્નનું દાન કરો.
મનવાંચ્છિત ફળ મેળવવા માટે આ રીતે ઉઠાવો શુભ નક્ષત્રોનો લાભ
હનુમાન જયંતી પર બનવા જઇ રહેલા ચિત્રા અને ગજકેસરી નક્ષત્રને ખૂબ જ શુભ માનવામાં આવે છે. આ દરમિયાન હનુમાન ચાલીસાના પાઠ કરવાથી વ્યક્તિને અત્યંત શુભ ફળ મળી શકે છે. આ ઉપરાંત સુંદરકાંડ અને હનુમાન બાહુકના પાઠ પણ ફળદાયક હશે.
Read Also
- પેટાચૂંટણી : ગુજરાતમાં મોટાભાગની બેઠકો પર સરકાર સામે એન્ટિઇન્કમ્બસીનો માહોલ, ભાજપ ખાટલા બેઠકો કરશે
- VIDEO: હરખમાંને હરખમાં પ્રપોઝ કરવા પહોંચ્યો યુવક, અચાનક મનના માણિગારનું મહિલાએ થોબડૂ ફેરવી નાખ્યું !
- આ રીતે બનાવો ‘ગ્રિલ્ડ વેજી ટોફૂ સેન્ડવિચ’, મિનિટોમાં જ થઈ જશે તૈયાર
- અમેરિકામાં હવે બૅન નહી થાય TikTok, આ છે કારણ
- વેપારીઓએ હવે 1 ઓક્ટોબરથી છૂટક મીઠાઈઓ પર લખવી પડશે એક્સપાઈરી ડેટ