GSTV
Home » News » લુબાનથી છૂટકારો મળ્યો તો તિતલી વાવાઝોડું અાવ્યું, 48 કલાકની અાવી અાગાહી

લુબાનથી છૂટકારો મળ્યો તો તિતલી વાવાઝોડું અાવ્યું, 48 કલાકની અાવી અાગાહી

અરબી સમુદ્રમાં સર્જાયેલું લુબાન વાવાઝોડુ ગુજરાતના સમુદ્ર તટથી દૂર ઓમાન અને યમન તરફ આગળ વધી રહ્યું છે. જો કે બીજી બાજુ બંગાળની ખાડીમાં તિતલી નામનું વાવાઝોડુ આકાર લઇ રહ્યું છે. જેથી સૌરાષ્ટ્રના વાતાવરણમાં અચાનક પલટો આવ્યો છે અને ઘણા સ્થળોએ વીજળીના કડાકા ભડાક સાથે ધોધમાર વરસાદ વરસ્યો છે. જેમાં ગીર સોમનાથ જિલ્લાની વાત કરીએ તો ભારે પવન સાથે વરસાદ વરસ્યો છે. જેના કારણે ખેડૂતો માટે તેમના પાકને લઇને ચિંતાનું મોજું ફરી વળ્યુ છે. હવામાન વિભાગના રિપોર્ટ અનુસાર ચક્વાત 24 કલાકમાં અતિ તિવ્ર બનતાંની સાથે જ તીતલી નામ અપાશે. ભારત પર 2 વાવાઝોડાનો ખતરો ઉભો થયો છે. લુબાન અોમાન તરફ ધકેલાયું છે પણ તેની અસર ભારતના હવામાન વિભાગ પર પડી રહી છે. હવે બંગાળની ખાડીમાં બીજું વાવાઝોડું ઉભું થયું છે.

 

  • ગુજરાતથી દૂર સરક્યું અરબી સમુદ્રમાં સર્જાયેલું લુબાન વાવાઝોડું
  • બંગાળની ખાડીમાં અાકાર લઈ રહ્યું છે તિતલી નામનું વાવાઝોડું
  • 24થી 48 કલાકમાં ગુજરાતમાં હળવાથી ભારે ઝાપટાની શક્યતા
  • કેટલાક સ્થળોઅે ગાજવીજ સાથે વરસી શકે છે વરસાદ

તિતલી અોડિશામાં ટકરાય તેવી સંભાવના છે. જેને પગલે ખાનાખરાબી થવાની સાથે બિહાર અને ઉત્તર પ્રદેશ સુધી વરસાદ પડશે. ભારે પવનના કારણે ખેડૂતોને પાકના નુકસાનની ભીતિ સતાવી રહી છે. વર્ષ 2010 બાદ પ્રથમવાર દેશના પૂર્વ અને પશ્વિમ વિસ્તારમાં અેક સાથે ચેતવણી અાપવામાં અાવી છે. અાંધ્ર પ્રદેશ, બંગાળ અને અોડિશા સહિત નોર્થ ઇસ્ટના રાજ્યોને અા તિતલી વાવાઝોડાની સૌથી વધારે અસર થશે. અા વાવઝોડું 80 કિલોમીટરની ઝડપે ફૂકાય તેવી સંભાવના વ્યક્ત કરાઈ છે. અામ ગુજરાતમાં હવામાન વાદળછાયું રહેવાની સાથે ઠંડીનો ચમકારો વધી શકે છે. માછીમારોને દરિયામાં ન જવા અેલર્ટ અાપી દેવાઈ છે.

આગામી 24થી 48 કલાકમાં ગુજરાતના કેટલાક વિસ્તારોમાં ભારે પવન તેમજ ગાજવીજ સાથે હળવાથી ભારે ઝાપટારૂપી વરસાદ વરસી શકે છે.  બીજી તરફ સમુદ્રમાં ભારે પવન ફુંકાઇ રહ્યો છે. તેમજ દરિયો તોફાની હોવાથી હવામાન વિભાગે માછીમારોને દરિયો ન ખેડવા સૂચના આપી છે. ઓમાન નજીક સમુદ્રમાં લો પ્રેશર સર્જાતા ધીમી ગતિએ વાવાઝોડું ઉદભવી રહ્યું છે અને આ વાવાઝોડું અરબી સમુદ્રમાં આગળ વધી રહ્યું છે. આગામી 12 ઓક્ટોબરે અમદાવાદ સહિત ગુજરાતમાં ભારે વરસાદ પડી શકે છે. અપર એર સરક્યુલેશનની સ્થિતિ સર્જાયેલી છે તેના કારણે દેશના દરિયાકાંઠાના વિસ્તારોમાં વરસાદ થવાની આગાહી હવામાન વિભાગ દ્વારા કરવામાં આવી છે.  હવામાન વિભાગ હજુ ગુજરાતમાં લુબાનની અસરથી ગુજરાતમાં વરસાદ પડી શકે છે તે બાબતે જો અને તોની સંભાવનાઅો દર્શાવી રહી છે.

સમુદ્રમાં ઉભી થયેલી વાવાઝોડા અને વરસાદની સંભાવનાને ધ્યાને લઈ ભરૂચ જિલ્લાનું વહીવટી તંત્ર પણ સાબદુ થઈ ગયુ છે. ભરૂચ, જંબુસર, વાગરા અને હાંસોટ તાલુકામાંથી દરિયામાં માછીમારી કરવા જતાં માછીમારોને દરિયામાં માછીમારી કરવા નહીં જવાનો આદેશ કરવામાં આવ્યો છે. વાવાઝોડાના કારણે કાંઠા વિસ્તારો તેમજ વાગરા, હાંસોટ અને જંબુસર તાલુકાના દરિયા કાંઠાના ગામોના લોકોને સાવધ રહેવા માટે પણ વહીવટી તંત્ર તરફથી સુચના અપાઈ છે. અામ ભારતમાં હવે 8 વર્ષ બાદ  પ્રથમવાર 2 વાવાઝોડા સક્રિય થયા છે. જેને પગલે ચોમાસા બાદ ખેડૂતોને ફરી વાવાઝોડાને પગલે નુક્સાન ભોગવવું પડશે. હાલમાં કાપણીની સિઝન ચાલી રહી છે ત્યારે અા વાવાઝોડાનો કમોસમી વરસાદ ખેડૂતોને ભારે નુક્સાન પહોંચાડશે. બીજી તરફ ગરબાના રસિકો માટે અા સમાચારો વિલન બનીને અાવી રહ્યાં છે. અાવતીકાલથી જ નવરાત્રિ શરૂ થઈ રહી છે. જેના પગલે ગુજરાતમાં ભારે ઉત્સાહનો માહોલ છે. રસિકોને સૌથી મોટો ભય અે વરસાદનો છે. અાગામી દિવસોમાં જો અને તોના સમીકરણો વચ્ચે વરસાદ વરસી શકે તેવી સ્થિતિ વધારે છે.

 

Related posts

રાજ્ય મહેસુલ કર્મચારી મહામંળ દ્વારા તેમની પડતર માંગણીઓને લઈ સરકાર સામે ચઢાવી બાંયો

Path Shah

લોકસભા ચૂંટણીમાં કારમી હારનો સામનો કરનારી કોંગ્રેસે હવે પેટાચૂંટણીની તૈયારી શરૂ કરી

Path Shah

વિશ્વની સૌથી મોટી બેવરેજ કંપનીએ CCDનો હિસ્સો ખરીદવાની તૈયારી બતાવી

Path Shah
Do NOT follow this link or you will be banned from the site!