Last Updated on August 29, 2020 by Bansari
રાજ્યમાં આજે કેટલાક વિસ્તારોમાં ભારે વરસાદ વરસી શકે છે. હવામાન વિભાગે આજે ઓરેન્જ એલર્ટ જારી કર્યુ છે. જેથી રાજ્યના અમુક વિસ્તારોમાં ભારે વરસાદ વરસી શકે છે. તો આવતીકાલે એટલે કે 30 તારીખે હવામાન વિભાગે યલો એલર્ટ જારી કર્યુ છે. તો 31 તારીખે હળવાથી મધ્યમ વરસાદની આગાહી હવામાન વિભાગે કરી છે.
હવામાન વિભાગે કરી છે આવી આગાહી
મહત્વપૂર્ણ છેકે બંગાળની ખાડીમાં સર્જાયેલા લો પ્રેશરને કારણે સૌરાષ્ટ્ર તેમજ રાજ્યના કેટલાક જિલ્લાઓમાં ભારે વરસાદની આગાહી હવામાન વિભાગે કરી છે. જેના ભાગરૂપે આજથી 3 દિવસ માટે માછીમારોને દરિયો ન ખેડવાની સૂચના અપાઇ છે.
ગુજરાતમાં અત્યારસુધી મોસમનો ૧૦૦%થી વધુ વરસાદ નોંધાઇ ચૂક્યો છે. જોકે, આગામી 3 દિવસ દરમિયાન રાજ્યના અનેક જિલ્લાઓમાં વરસાદનો વધુ એક રાઉન્ડ આવે તેની પૂરી સંભાવના છે.
આ જિલ્લાઓમાં ભારેથી અતિભારે વરસાદની સંભાવના
હવામાન વિભાગે જણાવ્યું છે કે, ‘ઉત્તર છત્તીસગઢ અને તેને સંલગ્ન પૂર્વ મધ્ય પ્રદેશમાં લો પ્રેશર સર્જાયું છે. આ ઉપરાંત દક્ષિણપૂર્વ પાકિસ્તાન અને તેની આસપાસ સાયક્લોનિક સર્ક્યુલેશન સર્જાયું છે. જેના પગલે શનિવારે વલસાડ-નવસારી-દમણમાં અતિ ભારે-દાહોદ-સુરત-તાપી-ડાંગ-જૂનાગઢ-ગીર સોમનાથમાં ભારે, રવિવારે સુરત-નવસારીમાં અતિભારે-આણંદ-ભરૃચ-વડોદરા-ભાવનગર-બોટાદ-જૂનાગઢ-રાજકોટ-અમરેલીમાં ભારે જ્યારે સોમવારે આણંદ-ખેડામાં અતિભારે-ભાવનગર-અમરેલીમાં ભારે વરસાદ પડી શકે છે. ‘
અમદાવાદમાં આજે સરેરાશ મહત્તમ તાપમાન ૩૨.૭ જ્યારે હવામાં ભેજનું પ્રમાણ ૭૭% નોંધાયું હતું. હવામાન વિભાગની આગાહી પ્રમાણે અમદાવાદમાં બે દિવસ હળવાથી મધ્યમ ઝાપટાં પડશે. હવામાન અંગે આગાહી કરતી ખાનગી સંસ્થાના મતે અમદાવાદમાં સોમવાર સુધી છૂટાછવાયા ઝાપટાં પડી શકે છે.
Read Also
- કોરોનાની બીજી લહેરનો કહેર / શું ફરી દેશમાં લોકડાઉન લાગશે?, PM મોદીએ રાજ્યોના CM સાથે કરી વાતચીત
- વિદેશ મંત્રી અને સ્વાસ્થ્ય મંત્રી રાજીનામું આપી દે, દેશમાં હાહાકાર અને પીએમ કરી રહ્યા છે નવા ઘરમાં ગૃહ પ્રવેશની તૈયારી: કોંગ્રેસ
- જનહિતલક્ષી નિર્ણય / રાજ્યના તમામ ધારાસભ્યોએ કોરોનાની સારવાર માટે ઓછામાં ઓછાં 50 લાખની ગ્રાન્ટ ફાળવવાની રહેશે
- લંપટ ગુરૂ/ એક જ પરિવારની 3 સહિત 4 મહિલાઓ પર બળાત્કાર, આ કારણે આધ્યાત્મિક ગુરૂનો ભેદ ખૂલ્યો
- ભરૂચ/ વેલ્ફેર કોવિડ હોસ્પિટલમાં આગનો મામલો, નિવૃત જસ્ટિસ ડી એ મહેતાના તપાસ પંચની રચના
