Last Updated on November 27, 2021 by pratik shah
યુનેસ્કોના સ્ટેટ એજ્યુકેશન રિપોર્ટ -૨૦૨૧ મુજબ સમગ્ર ભારતમાં ૧.૧૦ લાખ સ્કૂલો એક જ શિક્ષકથી ચાલે છે અને જેમાં ગુજરાતમાં ૧૨૭૫ પ્રાથમિક સ્કૂલો એવી છે કે જેમાં એક જ શિક્ષક છે.ગુજરાતમાં સરકારના આંકડા મુજબ ૩૨ હજારથી વધુ સરકારી પ્રાથમિક સ્કૂલો છે અને સરકારના દાવા મુજબ ૭૦૦થી વધુ સરકારી પ્રાથમિક સ્કૂલોમાં એક જ શિક્ષક છે. માનવ અધિકાર આયોગે પણ નોંધ લેતા ગુજરાત સરકાર પાસે એક જ શિક્ષક હોવા મુદ્દે ખુલાસો માંગ્યો છે.
યુનેસ્કો દ્વારા તાજેતરમાં નો ટીચર ,નો ક્લાસ – સ્ટેટ ઓફ ધ એજ્યુકેશન રિપોર્ટ ફોર ઈન્ડિયા ૨૦૨૧ નામનો રિપોર્ટ જાહેર કરવામા આવ્યો હતો.જેમાં ભારતની તમામ પ્રકારની સ્કૂલોમાં ક્લાસરૃમ ની સ્થિતિ, શિક્ષકોની સંખ્યા, શિક્ષકોની લાયકાત સહિતની તમામ બાબતો અંગે છણાવટ કરવામા આવી છે. આ રિપોર્ટ મુજબ સમગ્ર દેશમાં ૧૫,૫૧,૦૦૦ સ્કૂલોમાંથી ૧,૧૦,૯૭૧ સ્કૂલોમાં એક જ શિક્ષક છે અને જેમાં રાજ્યવાર અપાયેલા આંકડા મુજબ ગુજરાતમાં કુલ ૫૪૫૮૧ સ્કૂલોમાંથી ૧૨૭૫ સ્કૂલોમાં એક જ શિક્ષક છે
એટલે કે ૧૨૭૫ સ્કૂલો સિંગલ ટીચર સ્કૂલોની શ્રેણીમાં છે.જેમાંથી ૮૭ ટકા તો ગ્રામ્ય વિસ્તારો કે જ્યાં ખરેખર શિક્ષકોની વધુ જરૃર હોય ત્યાં જ એક શિક્ષકથી ચાલે છે. આ રિપોર્ટ મુજબ રાજ્યમાં કુલ ૪,૦૧,૯૩૯ શિક્ષકો છે,જેમાંથી ૬૬ ટકા ગ્રામીણ વિસ્તારોમાં ફરજ બજાવે છે. આ રિપોર્ટ મુજબ ગુજરાતની બે ટકા સ્કૂલોમાં એક જ શિક્ષક છે અને જે અન્ય રાજ્યોની સરખામણીએ ખૂબ જ ઓછુ પ્રમાણ છે.કારણકે દેશમાં સૌથી વધુ ૨૧ હજાર સ્કૂલો મધ્યપ્રદેશમાં એક જ શિક્ષકથી ચાલે છે આ ઉપરાંત મહારાષ્ટ્ર, આસામ,બિહાર, આંધ્રપ્રદેશ,ઝારખંડ,કર્ણાટક સહિતના રાજ્યોમાં ગુજરાતની સરખામણીએ ખૂબ જ જ મોટી સંખ્યામાં એક જ શિક્ષક ધરાવતી સ્કૂલો છે.
જો કે માનવ અધિકાર આયોગ દ્વારા સરકારના આ રિપોર્ટને ગંભીરતાથી લેવાયો છે અને આ બાબતની નોંધ લેતા સુઓમોટો કરતા આયોગે ગુજરાત સરકારના શિક્ષણ વિભાગ પાસેથી ખુલાસો પણ માંગ્યો છે. આ અંગે સરકારના શિક્ષણ વિભાગના અધિકારીનુ કહેવુ છે કે રાજ્યમાં ૩૨ હજારથી વધુ સરકારી પ્રાથમિક સ્કૂલા છે અને જેમાંથી ૭૦૦ જેટલી સ્કૂલોમાં એક જ શિક્ષક છે.૭૧ સ્કૂલો એવી છે કે જેમાંથી ૫૭ સ્કૂલોમાં ૨૦ કરતા પણ ઓછી સંખ્યા હોવાથી એક શિક્ષકથી કામગીરી ચાલે છે અને બાકીની ૧૪ સ્કૂલો અન્ય ગુ્રપ સ્કૂલથી દૂર હોવાથી તથા જે તે સંલગ્ન ગુ્રપ સ્કૂલમાં વધના શિક્ષકો ન હોવાથી શિક્ષકોની કામગીરી ફેરફારથી વ્યવસ્થા થયેલ નથી.માનવ અધિકાર દ્વારા વિવિધ રાજ્યો કે જ્યાં એક શિક્ષક ધરાવતી સ્કૂલો છે તે રાજ્યોમાં સુઓમોટો કરીને ખુલાસો માંગવામા આવ્યો છે અને આ બાબતે આયોગને જવાબ રજૂ કરી સ્પષ્ટતા પણ કરી દેવાઈ છે. યુનેસ્કોના રિપોર્ટમાં સરકારી,ખાનગી,ગ્રાન્ટેડ પ્રાથમિક,માધ્યમિક અને ઉચ્ચ માધ્યમિક સહિતની તમામ સ્કૂલોને આવરી લેવાઈ છે.
READ ALSO
- કેન્દ્રીય બજેટ / બજેટમાં બેંકોમાં મૂડી ઠાલવવા અંગે જાહેરાતની સંભાવના ઓછી, ગયા વર્ષે NPAમાં થયો ઘટાડો
- મહિન્દ્રાએ હીરો ઈલેક્ટ્રિક સાથે કરી ભાગીદારી, એક વર્ષમાં કરશે 10 લાખથી વધુ ઇલેક્ટ્રિક વાહનોનું ઉત્પાદન
- સુરત / છેલ્લા 15 દિવસમાં કોરોનાના કેસોમાં આવ્યો મોટો ઉછાળો, વિદ્યાર્થીઓ પણ મોટી સંખ્યા થઈ રહ્યા છે સંક્રમિત
- મોટા સમાચાર/ ખુલ્લા બજારમાં મળતી થશે કોવેક્સિન અને કોવિશિલ્ડ, સરકારની એક્સપર્ટ કમિટીની ભલામણ
- વિધાનસભા ચૂંટણીની તૈયારી / ગુજરાત યુથ કોંગ્રેસે જનરલ સેક્રેટરીઓને સોંપી મહત્વપૂર્ણ જવાબદારી, જુઓ કોણ ક્યા કરશે સંગઠન માટે કામ