GSTV
Gujarat Government Advertisement

બેકાબુ કોરોના / રાજ્યમાં સંક્રમણ વધતા CM રૂપાણી જશે રાજકોટ, સમગ્ર પરિસ્થિતિનો તાગ મેળવશે

Last Updated on April 8, 2021 by Dhruv Brahmbhatt

ગુજરાતમાં સતત કોરોના સંક્રમણ વધી રહ્યું છે ત્યારે સુરત અને અમદાવાદની હાલત સૌથી વધારે ખરાબ છે. વાત કરીએ છેલ્લાં 24 કલાકની તો છેલ્લાં 24 કલાકમાં રાજ્યમાં નવાં ૩૫૭૫ કેસ અને ૨૨ મોત નોંધાયા છે. ૧૧ ઓગસ્ટ પછી પહેલીવાર ગુજરાતમાં ૨૨ મોત નોંધાયા છે. એમાંય સૌથી વધુ અમદાવાદમાં ૮૨૩, સુરતમાં ૮૧૯, રાજકોટમાં ૪૯૦ અને વડોદરામાં ૪૫૭ કેસ નોંધાયા છે. ત્યારે મહાનગરો ઉપરાંત નાના શહેરોમાં પણ હવે કોરોનાનું સંક્રમણ અનિયંત્રિત થયું છે જેને કારણે હવે લોકોમાં ફફડાટ ફેલાઇ ગયો છે.

શનિ-રવિ લોકડાઉન કરવાની ચેમ્બર ઓફ કોમર્સની માંગ

એવામાં કેટલાંક શહેરોમાં તો લોકો લોકડાઉનની માંગ કરી રહ્યાં છે તો કેટલાંક ગામડાંઓએ તો સ્વૈચ્છિક લોકડાઉન પણ જાહેર કરી દીધું છે. રાજકોટની વાત કરીએ તો રાજકોટમાં વધી રહેલા કોરોનાના કેસ વચ્ચે ચેમ્બર ઓફ કોમર્સે શહેરમાં લોકડાઉન લાગુ કરવાની માંગ કરી છે. રાજકોટમાં કોરોનાના કેસની સંખ્યા સતત વધી રહી છે. જેથી શહેરમાં શનિ અને રવિવારે લોકડાઉન લાગુ કરવું જોઈએ. આ ઉપરાંત રાત્રીના 10થી સવારના 6 વાગ્યા સુધી લોકડાઉન કરવું જોઈએ. ચેમ્બર ઓફ કોમર્સે 20 વર્ષથી વધુ વયના લોકોને પણ રસી આપવાની માંગ કરી છે. એ સંદર્ભે ગુજરાતના મુખ્યમંત્રી વિજય રૂપાણી આવતી કાલે શુક્રવારના રોજ રાજકોટ જશે. જ્યાં તેઓ સમગ્ર પરિસ્થિતિનો તાગ મેળવશે.

રાજકોટની સિવિલ હોસ્પિટલમાં કોરોનાનો ખૌફનાક મંઝર

ઉલ્લેખનીય છે કે, રાજ્યના રાજકોટમાં પણ ભયાનક સ્થિતિ સર્જાઈ હતી. રાજકોટની સિવિલ હોસ્પિટલમાં કોરોનાનો ખૌફનાક મંઝર જોવા મળી રહ્યો છે. સિવિલમાં સરેરાશ દર કલાકે એક દર્દીનું મોત થઇ રહ્યું છે. ત્યારે એક પુત્રીએ મોતને ભેટેલા તેમના પિતાનું મોઢું છેલ્લી વખત જોવા માટે જિદ કરતા હોસ્પિટલમાં હૃદયદ્રાવક દ્રશ્યો સર્જાયા હતા. પુત્રીની સામે જ તેમના પિતાનો મૃતદેહ હતો.

પરંતુ પુત્રીને ફક્ત એક મિનિટ માટે જ પિતાના છેલ્લી વખત દર્શન કરવા મળ્યા હતા. જેના કારણે પુત્રીએ એવું કલ્પાંત કર્યું કે ભલભલા કઠણ કાળજાના માનવી પણ પીગળી જાય. રાજકોટમાં કોરોનાની સ્થિતિ દિનપ્રતિદિન કાબુ બહાર જઈ રહી છે અને સંક્રમણ સ્ફોટક પરિસ્થિતિમાં ફેલાઈ રહ્યું છે.

કેસ

૨૪ કલાકમાં કોરોના થવાથી ૨૪ વ્યક્તિઓનાં મોત નીપજ્યાનું સત્તાવાર ચોપડે નોંધાયું

૨૪ કલાકમાં કોરોના થવાથી ૨૪ વ્યક્તિઓના મોત નીપજ્યાનું સત્તાવાર ચોપડે નોંધાયું છે જ્યારે સ્મશાનોમાં અંતિમક્રિયા માટે મનપાએ કંટ્રોલરૂમ ખોલવો પડયો છે તો આ માટે પણ વેઈટીંગ છે. તો કોરોના પોઝિટિવ કેસો આજે બપોરે ૧૨ સુધીમાં ૧૮૦ અને સાંજ સુધીમાં ૩૯૫ નોંધાયા છે. ટેસ્ટ બુથ પર લાંબી કતારો આજે પણ જારી રહી હતી.

સૌરાષ્ટ્ર

છેલ્લાં સપ્તાહથી મૃત્યુમાં અત્યંત ચિંતાજનક વધારો

હજુ એક માસ પહેલા માર્ચના આરંભે શહેરમાં કોરોના નિયંત્રણમાં હતો અને એક પણ મૃત્યુ નોંધાતા ન હોતા. પણ છેલ્લાં સપ્તાહથી મૃત્યુમાં અત્યંત ચિંતાજનક વધારો થયો છે. અર્થાત્ એક વર્ષની સારવારનો અનુભવ છતાં તબીબો જીવ બચાવી શકતા નથી. મૃત્યુ પામનારામાં યુવાનોની સંખ્યા પણ ચિંતાજનક છે. શહેરમાં ડેડબોડી લઈ જતી શબવાહિની અને દર્દીને હોસ્પિટલે લઈ જતી એમ્બ્યુલન્સના સતત આંટાફેરા જોઈને લોકોમાં ભયનું મોજુ ફરી વળ્યું છે અને કોરોના ફરી એક વાર ટોક ઓફ ધ ટાઉન બન્યો છે.

READ ALSO :

Gujarat Government Advertisement

Related posts

રસીકરણ/ દુનિયાને વેક્સિનનું દાન કરનાર ભારતમાં વેક્સિનના ડોઝ ખૂટ્યા, વિદેશી આયાતને ક્લિનિકલ ટ્રાયલ વિના મંજૂરી આપવા મજબૂર

Harshad Patel

કોરોનાનું સંક્રમણ વધતા AMCનો મોટો નિર્ણય, જમાલપુર અને વાસણા APMC શનિ-રવિ સંપૂર્ણ બંધ રહેશે

Pravin Makwana

મોરવાહડફ પેટાચૂંટણી: 11 વાગ્યા સુધીનું મતદાન 19.40 ટકા નોંધાયું, કોરોનાકાળમાં ફિક્કુ રહ્યુ મતદાન

Pravin Makwana
Do NOT follow this link or you will be banned from the site!