ઇલેક્ટ્રિક વ્હીકલ સ્ટાર્ટઅપ કંપની Greenvolt Mobility હવે તેની ઇલેક્ટ્રિક બાઇક મન્ટિસને ધીમે ધીમે સમગ્ર દેશભરમાં લોંચ કરવાની તૈયારી કરી રહી છે. કંપનીએ આ બાઇકનું નામ ‘નો ચાલાને’ રાખ્યું છે. કંપની 22 ડિસેમ્બરે મુંબઇમાં અને 5 જાન્યુઆરી 2020 માં બેંગલુરુમાં મંટીસને લોન્ચ કરવા જઈ રહી છે.
જો તમારે આ ઇલેક્ટ્રિક બાઇક ખરીદવાની છે, તો પ્રી બુકિંગ શરૂ થઈ ગયું છે. ઓનલાઇન બુકિંગ કંપની દ્વારા 999 રૂપિયામાં કરવામાં આવી રહી છે. મુંબઇ, બેંગ્લોર અને અન્ય શહેરોમાં આ ઇલેક્ટ્રિક બાઇકનું પ્રી-બુકિંગ કરનારા ગ્રાહકો માટે કંપની લોન્ચ સમયે ખાનગી પરીક્ષણ સવારી કરવા જઇ રહી છે. કંપની તરફથી મળતી માહિતી મુજબ આ ઇલેક્ટ્રિક બાઇક જાન્યુઆરીમાં જ પૂણે, દિલ્હી, હૈદરાબાદ અને ચેન્નઇમાં લોન્ચ કરવામાં આવશે. કંપનીનું કહેવું છે કે આ ઇલેક્ટ્રિક બાઇક સસ્તી તેમજ પ્રદૂષણ મુક્ત પણ છે, જેની ભારતમાં સૌથી વધુ જરૂર છે.
જો તમે ગ્રીનવોલ્ટ મન્ટિસનું પ્રી-બુક કરો છો, તો તમારે 34,999 રૂપિયા ચૂકવવા પડશે. પરંતુ જો તમે તેને ડીલર પાસેથી ખરીદો છો, તો તેની કિંમત વધશે અને રૂપિયા 37,999 થશે. જ્યારે હાલમાં કંપની તમામ શહેરોમાં ડીલરશીપને એક્ટિવેટ કરવામાં રોકાયેલી છે. ગ્રીનવોલ્ટ તેના ડીલર નેટવર્ક દ્વારા ફેબ્રુઆરી માસમાં બધા પસંદ કરેલા મેટ્રો શહેરોમાં સ્ટુડિયો આઉટલેટ્સ અને સર્વિસ સેન્ટરો ખોલશે. ખાસ વાત એ છે કે મન્ટિસ ઇલેક્ટ્રિક બાઇક ચલાવવા માટે લાઇસન્સ, પીયુસી અથવા નોંધણી જરૂરી નથી.
જો તમે ફિચર વિશે વાત કરો, તો તેમાં 250wattની મોટર અને કંટ્રોલર આપવામાં આવ્યું છે. ગ્રીનવોલ્ટે મન્ટિસને ઇન-હાઉસ ડિઝાઇન અને બનાવ્યો છે. તેમાં પ્રદાન કરેલી લિથિયમ-આયન બેટરી દૂર કરી શકાય તેવું છે, એટલે કે તેને દૂર કરી ચાર્જ કરી શકાય છે.
એકવાર સંપૂર્ણ ચાર્જ થયા પછી મેન્ટિસ ઇલેક્ટ્રિક 50 કિ.મી. સુધી ચાલી શકે છે. કંપનીના જણાવ્યા મુજબ, બેટરીને સંપૂર્ણ ચાર્જ કરવામાં 2.5 કલાક લાગે છે. મેન્ટિસ પોર્ટેબલ બેટરીનું વજન 2.5 કિલો છે, જે કોઈપણ ઘરેલું પાવર સોકેટથી ચાર્જ કરી શકાય છે.
READ ALSO
- ભાગ્ય દર્પણ: આવી હસ્ત રેખા ધરાવતા લોકોને ક્યારેય નથી નડતી આર્થિક સમસ્યાઓ
- ધર્મલોક : જો આ વસ્તુ હશે ઘરમાં તો આવશે સમૃદ્ધી, લક્ષ્મીને કરશે આકર્ષિત
- સુલેમાની અમેરિકા વિશે અપમાનજનક વાતો કરી રહ્યો હતો એટલે જ મારવાનો આદેશ આપવો પડ્યો
- સૂકી ખાંસીથી એક જ દિવસમાં મળશે રાહત, અજમાવી જુઓ આ ઘરેલૂ ઉપચાર
- ‘કાશ્મીરમાંથી 370ની કલમ હટાવી શકે તો આ કેમ નહીં ?’ કહી કર્ણાટક અને મહારાષ્ટ્ર બોર્ડરનો વિવાદ શિવસેનાએ અમિત શાહ પર ઢોળી દીધો