પબ્લિક સેક્ટર એનર્જી એફિશિયન્સી સર્વિસીસ લિમિટેડ એટલે કે ઇઇએસએલ વિજળીના બિલ પર બચત કરવાના આશયથી ટૂંક સમયમાં ગ્રામીણ ઉજાલા યોજના શરૂ કરવા જઈ રહી છે. આ અંતર્ગત રૂ .10 ની કિંમતમાં ગ્રામ્ય વિસ્તારના પરિવારોને 3 થી 4 LED બલ્બનું વિતરણ કરવામાં આવશે. આનાથી દેશભરના લગભગ 15 કરોડ ગ્રામીણ પરિવારોને લાભ થશે.
50 કરોડ LED બલ્બનું થશે વિતરણ
માહિતી આપતાં કંપનીના મેનેજિંગ ડિરેક્ટરએ જણાવ્યું હતું કે, ઉર્જા મંત્રાલય અંતર્ગત એનટીપીસી, આરઈસી, પીએફસી અને પાવરગ્રિડની સંયુક્ત સાહસ કંપની ઇઇએસએલની યોજના હેઠળ 50 કરોડ LED બલ્બનું વિતરણ કરવામાં આવશે. તેમણે જણાવ્યું હતું કે તેનાથી 12,000 મેગાવોટ વીજળી બચાવાનો અંદાજ છે.
આ ઉપરાંત વાર્ષિક 5 કરોડ ટન કાર્બન ઉત્સર્જનમાં પણ ઘટાડો થશે. ઉજાલા પ્રોગ્રામ અંતર્ગત કંપનીએ LED બલ્બ દીઠ 70 રૂપિયાના દરે અત્યાર સુધીમાં 36 કરોડથી વધુનું વિતરણ કર્યું છે, જો કે ગ્રામીણ વિસ્તારોમાં ફક્ત 20 ટકા બલ્બનું વિતરણ કરવામાં આવ્યું છે. બાકીના 80 ટકા બલ્બ શહેરી વિસ્તારોમાં વહેંચવામાં આવે છે.
બદલામાં આપવા પડશે 3 LED બલ્બ
તેમણે માહિતી આપી કે ટૂંક સમયમાં ગ્રામીણ ઉજાલા કાર્યક્રમ શરૂ થશે. તેની રૂપરેખા પર કામ ચાલી રહ્યું છે. આ અંતર્ગત દરેક પરિવારમાં 10 રૂપિયાના ભાવે ત્રણથી ચાર LED બલ્બ આપવામાં આવશે. આ યોજના આગામી ત્રણથી છ મહિનામાં દેશના તમામ ગામોમાં લાગુ કરવામાં આવશે. આ કાર્યક્રમ માટે કેન્દ્ર અથવા રાજ્ય સરકારો તરફથી કોઈ સબસિડી લેવામાં આવશે નહીં. EESL દ્વારા જ ખર્ચ કરવામાં આવશે.
કંપનીના ડાયરેક્ટરએ કહ્યું કે આ અંતર્ગત જો આપણે કુટુંબ દીઠ ત્રણ એલઈડી બલ્બ આપીશું તો તેના બદલે ત્રણ જૂના બલ્બ લેવામાં આવશે. અમે તેમને એકત્રિત કરીશું,તેનાથી અમે દેખરેખ રાખીશું કે કેટલા બલ્બ આવે છે અને તે કેટલા વર્ષ જુના છે. આ બલ્બ્સ પછી નાશ કરવામાં આવશે. આ બધું યુનાઇટેડ નેશન્સની મંજૂરી હેઠળ થશે, આ માટે કંપનીને કાર્બન સર્ટિફિકેટ મળે છે.
તેમણે કહ્યું કે વિકસિત દેશોમાં આ પ્રમાણપત્રોની માંગ છે. તે દેશોમાં તે આ પ્રમાણપત્રો વેચશે અને LED બલ્બની કિંમત વસૂલ કરશે. કંપનીના ડિરેક્ટરએ જણાવ્યું હતું કે દેશભરના ગામોમાં 50 કરોડ LED બલ્બના વિતરણથી 12,000 મેગાવોટ વીજળીના ઉત્સર્જનમાં ઘટાડો થશે, ઉપરાંત ગ્રાહકોના વીજળીના બિલમાં 25 થી 30 હજાર કરોડ રૂપિયાની વાર્ષિક બચત થશે.
Read Also
- Solar Highway / દેશના આ રાજ્યમાં બની રહ્યો છે પહેલો સોલર એક્સપ્રેસ વે, જાણો શું છે ખાસ વાત
- India Vs South Africa Series: ભારતીય ટીમના પ્રવાસથી ક્રિકેટ સાઉથ આફ્રિકા થશે માલામાલ
- તેલંગાણાના નવા સીએમ રેવંત રેડ્ડી KCRને મળવા હોસ્પિટલ પહોંચ્યા
- છત્તીસગઢના નવા મુખ્યમંત્રી પર લાખો રૂપિયાનું દેવું, જાણો તેમની પાસે કેટલી છે સંપત્તિ
- લખતરના ઢાંકી પમ્પીંગ સ્ટેશન પાસે માથું અને હાથ-પગ વગરનો કોહવાયેલો મૃતદેહ મળી આવ્યો