Last Updated on October 22, 2021 by Damini Patel
કેન્દ્રીય કેબિનેટે કેન્દ્રીય કર્મચારીઓ અને પેન્શનરોના ડીએમાં ત્રણ ટકાનો વધારો કરવાનો નિર્ણય લીધો છે. કેન્દ્રીય મંત્રીમંડળના આ નિર્ણયથી કેન્દ્ર સરકારના ૪૭.૧૪ લાખ કર્મચારીઓ અને ૬૮.૮૨ લાખ પેન્શનરોને લાભ થશે. આ માહિતી કેન્દ્રીય માહિતી અને પ્રસારણ પ્રધાન અનુરાગ સિંહ ઠાકુરે આપી હતી.
સરકારના આ નિર્ણયથી સરકારી તિજોરી પર વાર્ષિક રૂ. ૯૪૮૮ કરોડ રૂપિયાનો બોજ પડશે. આ અગાઉ જુલાઇમાં સરકારે ડીએ(મોંઘવારી ભથ્થા)ના વધારા પરનો બ્રેક દૂર કર્યો હતો અને ડીએ ૧૭ ટકાથી વધારી ૨૮ ટકા કરવાનો નિર્ણય લીધો હતો.
ઉલ્લેખનીય છે કે કોરોના મહામારીને ધ્યાનમાં રાખીને કેન્દ્ર સરકારે એક જાન્યુઆરી, ૨૦૨૦, એક જુલાઇ, ૨૦૨૦ અને એક જાન્યુઆરી, ૨૦૨૧નો ડીએમાં વધારો કર્યો ન હતો.
કેન્દ્રીય કર્મચારીઓને દિવાળીની ભેટ
મોદી સરકારે કેન્દ્રીય કર્મચારીઓને દિવાળીની ભેટ આપી છે. કેન્દ્રીય કેબિનેટની મળેલી બેઠકમાં કેન્દ્રીય કર્મચારીઓનું મોૅઘવારી ભથ્થું(ડીએ) અને પેન્શનર્સ માટેની મોંઘવારી રાહત(ડીઆર)માં વધારો કરવાનો નિર્ણય લેવામાં આવ્યો છે. ડીએ ૨૮ ટકાથી વધારી ૩૧ ટકા કરવામાં આવ્યો છે. જુલાઇ, ૨૦૨૧થી ૩૧ ટકા ડીએ ચૂકવવામાં આવશે.
ઉલ્લેખનીય છે કે સરકારી કર્મચારીઓના ડીએમાં વર્ષમાં બે વખત જાન્યુઆરી અને જુલાઇમાં વધારો કરવામાં આવે છે. આ અગાઉ જુલાઇ મહિનામાં કેન્દ્ર સરકારે ડીએના ત્રણ પેન્ડિંગ વધારા જાહેર કર્યા હતાં અને જાહેરાત કરી હતી કે એક જુલાઇ, ૨૦૨૧થી ડીએ ૧૭ ટકાને બદલે ૨૮ ટકા ચુકવવામાં આવશે. એટલે કે ડીએમાં એક સાથે ૧૧ ટકાનો વધારો કર્યો હતો. હવે સરકારે આજે એક જુલાઇ, ૨૦૨૧થી ડીએમાં વધુ ત્રણ ટકાના વધારાની જાહેરાત કરી છે ત્યારે જુલાઇ,ઓગસ્ટ અને સપ્ટેમ્બર મહિનાનો ડીએનો ત્રણ ટકાનો વધારો એરિયર્સ પેટે ચુકવવામાં આવશે.
Read Also
- Big Breaking / શું ગુજરાતમાં વેરિઅન્ટ ઓમિક્રોનની એન્ટ્રી? સાઉથ આફ્રિકાથી જામનગર પરત ફરેલો શખ્સ કોરોના પોઝિટિવ
- શાબાશ ગુજરાત! રાજ્ય બન્યું દેશનું સૌથી મોટું મેન્યુફેક્ચરીંગ હબ, મહારાષ્ટ્રને પછાડીને નંબર વન નો તાજ મેળવ્યો
- Jammu & Kashmir / યુએનએ કાશ્મીરીને મુક્ત કરવાની કરી માંગ, ભારતે લગાવી ફટકાર
- અમરેલી જિલ્લા વહીવટી તંત્ર દ્વારા વાવાજોડાને લઇ એલર્ટ, મા ચામુંડા નામની બોટ પાણીમાં ડૂબી પણ 8 ખલાસીઓનો આબાદ બચાવ
- અબજોપતિ એલન મસ્કે ટ્વીટરના નવા CEO પરાગ અગ્રવાલની સરમુખત્યાર સાથે કરી સરખામણી, નેટિઝન્સે લીધી મજા