GSTV
Home » News » 5 વર્ષમાં સરકાર 105 લાખ કરોડનું રોકાણ કરશે, વાયબ્રન્ટની જેમ 2020માં યોજાશે ગ્લોબલ સમિટ

5 વર્ષમાં સરકાર 105 લાખ કરોડનું રોકાણ કરશે, વાયબ્રન્ટની જેમ 2020માં યોજાશે ગ્લોબલ સમિટ

સરકાર આગામી પાંચ વર્ષમાં  ઇન્ફ્રાસ્ટ્રકચર પ્રોજેક્ટ માટે 105 લાખ કરોડ રૂપિયાનો ખર્ચ કરશે. ટાસ્ક ફોર્સની રિપોર્ટ જાહેર કરતાં પહેલાં એક પ્રેસ કોન્ફરન્સમાં નિર્મલા સીતારમને આ અંગેની વિગતો જાહેર કરી છે. સીતારમનના જણાવ્યા અનુસાર આ પ્રોજેક્ટ પાવર, હેલ્થ, રેલવે , શહેરી, સિંચાઈ અને ડિજિટલ સેક્ટર સાથે જોડાયેલા હશે. વર્ષ 2019ના છેલ્લા દિવસે નિર્મલા સીતારમને જાહેર કરેલા આ 105 લાખ કરોડના પ્રોજેક્ટથી સરકારી ખર્ચ વધવાની સંભાવના છે. જોકે, નાણામંત્રીની આ જાહેરાતથી ઇન્ફ્રાસ્ટ્રક્ચર સાથે જોડાયેલી કંપનીઓના વેપારમાં જોરદાર તેજી આવશે એ નક્કી છે. હાલમાં દેશમાં મંદીનો માહોલ છે. મોદી સરકાર આ માહોલને બદલવા માટે નીતનવા પ્રોજેકટો જાહેર કરી રહી છે. આજે વર્ષના છેલ્લા દિવસે પણ મોદી સરકારે નવા વર્ષની ભેટની જેમ 105 લાખ કરોડના પ્રોજેક્ટની જાહેરાત કરી છે.

ટાસ્ક ફોર્સે છેલ્લા 4 મહિનામાં 70 સ્ટેક હોલ્ડરની સલાહ લેવા માટે 70 બેઠકો આયોજિત કરી છે. દેશમાં પ્રથમવાર નેશનલ ઇન્ફ્રાસ્ટ્રક્ચર પાઈપલાઇન તૈયાર કરાઈ છે. દર વર્ષે એક વૈશ્વિક ગ્લોબલ ઇન્વેસ્ટર્સ સમીટ આયોજિત થશે. આ કાર્યક્રમ વર્ષ 2020ના બીજા છ માસિકમાં દેશમાં યોજાશે. પ્રધાનમંત્રી મોદીએ સ્વતંત્રતા દિવસના ભાષણ પર આગામી 5 વર્ષમાં દેશના બુનિયાદી ઢાંચામાં 100 લાખ કરોડ રૂપિયા નિવેશ કરવાની વાત કરી હતી. જે મોદીના સપનાને ટાસ્ક ફોર્સ રચી પૂરી કરવાની કોશિશ કરાઈ રહી છે. મોદી સરકાર કોઈ પણ સંજોગોમાં 5 ટ્રિલિયન ડોલરની ઇકોનોમી બનાવવા માટે પ્રયાસો કરી રહી છે.

  • 5 વર્ષમાં પૂરા થશે 105 લાખ કરોડના પ્રોજેક્ટ
  • 4 મહિનામાં 70 બેઠકો બાદ ટાસ્કફોર્સનો રિપોર્ટ જાહેર
  • 102 લાખ કરોડના પ્રોજેક્ટ કેન્દ્ર સરકારના હશે
  • 3 લાખ કરોડ રૂપિયાના પ્રોજેક્ટ રાજ્ય સરકારો નકકી કરશે

3 લાખ કરોડ રૂપિયાના પ્રોજેક્ટ રાજ્ય સરકારો નકકી કરશે

5 વર્ષમાં પૂરા થશે 105 લાખ કરોડના પ્રોજેક્ટ પૂરા કરવાનો સરકારે લક્ષ્યાંક રાખ્યો છે. 4 મહિનામાં 70 બેઠકો બાદ ટાસ્કફોર્સનો રિપોર્ટ જાહેર થયો છે. 102 લાખ કરોડના પ્રોજેક્ટ કેન્દ્ર સરકારના હશે જ્યારે 3 લાખ કરોડ રૂપિયાના પ્રોજેક્ટ રાજ્ય સરકારો નકકી કરશે. ગુજરાતની વાયબ્રન્ટ સમીટની જેમ વર્ષ 2020ના બીજા છ માસિકમાં એક મીટ યોજાશે.

જે સ્ટેક હોલ્ડર બાબતે સરકાર વાત કરી રહી છે એમાં મંત્રાલય, રાજ્ય સરકાર, ઇન્ફ્રાસ્ટ્રક્ચર કંપનીઓ, ડેવલપર અને બેન્ક વગેરે સામેલ છે. જેમાં કેન્દ્રનો હિસ્સો 39 ટકા, 39 ટકા રાજ્યનો હિસ્સો અને 22 ટકા ખાનગી ક્ષેત્રનો હિસ્સો હશે. ખાનગી ક્ષેત્રનો હિસ્સો વર્ષ 2025માં વધારીને 30 ટકા સુધી લઇ જવાનો સરકારનો પ્લાન છે. આમાંથી 43 ટકા પ્રોજેક્ટ પર કામગીરી શરૂ થઈ ગઈ છે.

ઇન્ફ્રાસ્ટ્રકચર પ્રોજક્ટમાં રોકાણ માટે એક ટાસ્ક ફોર્સની રચના કરવામાં આવી હતી. સપ્ટેમ્બરમાં આર્થિક સચિવના નેતૃત્ત્વમાં એક ટાસ્ક ફોર્સની રચના કરવામાં આવી હતી.  એ સમયે નાણા પ્રધાને આશા વ્યક્ત કરી હતી કે આગામી કવાર્ટરમાં જીડીપીના આંકડા વધુ સારા રહેશે. જોકે, તેમની આશાઓ પરિપૂર્ણ થઈ નથી. ચાલુ નાણાકીય વર્ષ જુલાઇ-સપ્ટેમ્બરના બીજા કવાર્ટરમાં જીડીપી વિકાસ દર ઘટીને ૪.૫ ટકા થઇ ગયો છે. જે ૬ વર્ષની નીચલી સપાટીએ છે. પ્રથમ કવાર્ટરમાં જીડીપી પાંચ ટકા હતો. તેમણે જણાવ્યું હતું કે સરકાર જીએસટીને વધુ સરળ બનાવશે.

READ ALSO

Related posts

આ મહિલાના હાથમાં છે અમેરિકાની પરમાણું તાકાત, ભારત સાથે છે ખાસ સંબંધ

Nilesh Jethva

દિલ્હી હિંસાને લઈને અમિત શાહે બોલાવી ઇમરજન્સી બેઠક, ટ્રમ્પના રોકાણ સ્થાનેથી માત્ર 20 કિમીના અંતરે ભડકી છે હિંસા

Nilesh Jethva

વિદેશી મીડિયામાં ટ્રમ્પનો ભારત પ્રવાસ : ‘મોદીએ ટ્રમ્પ માટે પસંદ કર્યો તેમનો પહેલો પ્રેમ’

Nilesh Jethva
Do NOT follow this link or you will be banned from the site!