GSTV
Home » News » સરકાર એક્શન મોડમાંઃ પાકિસ્તાનમાં ભારતીય હાઈકમિશનરને દિલ્હી બોલાવાયા

સરકાર એક્શન મોડમાંઃ પાકિસ્તાનમાં ભારતીય હાઈકમિશનરને દિલ્હી બોલાવાયા

વડાપ્રધાન મોદીએ પુલવામા હુમલા અંગે દુઃખ વ્યક્ત કરતા પાકિસ્તાન અને આતંકવાદી સંગઠનોને આકરી ચેતવણી આપી છે. પીએમ મોદીએ હુમલા અંગે નિવેદન આપતા જણાવ્યું હતું કે આતંકી જૂથોએ દેશ પર આ હુમલો કરીને ગંભીર ભૂલ કરી છે અને તેની તેમને ભારે કિંમત ચૂકવવી પડશે. તેમણે વધુમાં જણાવ્યું કે આ આતંકી હુમલા પછી લોકોનું લોહી ઉકળી ઉઠ્યું છે તે હું સારી રીતે સમજું છું.

જમ્મુ કાશ્મીરના પુલાવામામાં થયેલા આતંકવાદી હુમલા બાદ કેન્દ્ર સરકાર એક્શન મોડમાં આવી છે. સરકારે પાકિસ્તાનમાં નિયુક્ત ભારતીય રાજદૂત અજય બિસારિયાને સ્વદેશ પરત બોલાવ્યા છે. અજય બિસારિયા છેલ્લા ઘણાં સમયથી પાકિસ્તાનમાં રાજદૂત પદે નિયુક્ત હતા. સૂત્રોના જણાવ્યા પ્રમાણે ભારત પુલવામામાં થયેલા આતંકવાદી હુમલા બાદ સૌથી મોટી કાર્યવાહી કરવાની તૈયારીમાં છે.

પુલવામામાં થયેલા આતંકવાદી હુમલાની ઘટના બાદ કેન્દ્ર સરકારે ભારતમાં પાકિસ્તાનના રાજદૂત સોહેલ મહેમૂદને તેડુ મોકલ્યું. અને કેટલાક સવાલના જવાબ સોહેલ મહેમૂદ પાસેથી લેવામાં આવ્યા છે. સૂત્રોના જણાવ્યા પ્રમાણે ભારતે પુલવામામાં હુમલા અંગે રોષ વ્યક્ત કર્યો. ભારતે સોહેલ મહેમૂદને પાકિસ્તાનના આતંકવાદી સંગઠન જૈશ એ મહંમદ વિરૂદ્ધ કડક કાર્યવાહી કરવાની માગ કરી. મહત્વપૂર્ણ છે કે, પુલવામામાં સીઆરપીએફ પર થયેલા આતંકવાદી હુમવા બાદ ભારત સરકાર એક્શન મોડમાં આવી છે. હુમલાની ઘટના બાદ દિલ્હીમાં આવેલા પાકિસ્તાન હાઈકમિશનની સુરક્ષામાં પણ વધારો કરી દેવામાં આવ્યો.

Related posts

ઉત્તર પ્રદેશના મુખ્યમંત્રી યોગી આદિત્યનાથે જીવનમાં પહેલી વખત સેલ્ફી લીધી, સોશિયલ મીડિયા પર વાઈરલ

Mayur

ત્રણ તલાક, આર્ટિકલ 370 અને CAB, હવે આ મોટો નિર્ણય લેવાની તૈયારી કરી રહી છે કેન્દ્રની મોદી સરકાર

NIsha Patel

મોદીએ Tweet કરી NRC મુદ્દે શાંતિ જાળવવા એ વિસ્તારનાં લોકોને અપીલ કરી જ્યાં ઈન્ટરનેટ સેવા જ છે બંધ

Mayur
Do NOT follow this link or you will be banned from the site!