GSTV

રૂપાણી સરકારને રાહત : કોરોનામાં દોડાદોડી અને સાવચેતી ફળી, તમે નહીં માનો પણ હવે આટલા જ છે એક્ટિવ કેસ

Last Updated on May 27, 2020 by Ankita Trada

ગુજરાતમાં કોરોના મહામારીનો આંક ભલે 15 હજાર નજીક જઈ રહ્યો હોય પરંતુ રિકવરી દરમાં છેલ્લા એક સપ્તાહમાં ખૂબ જ સારો વધારો થયો છે. ગુજરાતમાં આજે વધુ નવા 361 કેસ નોંધાતા કુલ આંક 14829 થયો છે. જ્યારે આજે વધુ 27 લોકોના મોત થતાં કુલ મોતનો આંક પણ 915 થયો છે. ગુજરાતમાં કોરોના સંક્રમણના આંક વધવા સાથે સાજા થનારાની સંખ્યામાં પણ વધારો એ ગુજરાત માટે સારી બાબત છે. ગુજરાતમાં આજે 500થી વધારે લોકોને ડિસ્ચાર્જ અપાયું છે. આજે એક જ દિવસમાં 503થી વધુ લોકો સાજા થયા છે.

ગુજરાતમાં અત્યાર સુધી 7137 લોકો સાજા થયા છે. જે રાજ્યમાં અત્યાર સુધી નોંધાયેલા કેસના 48.12 ટકા રિકવરી દર થયો છે. ગુજરાતમાં હવે એક્ટિવ કેસ કરતાં રિકવરી થયેલ આંક ઊંચો થયો છે. અત્યાર સુધી રાજ્યમાં એક્ટિવ કેસનો આંક સતત ઊંચો રહેતો હતો આજે 500થી વધુ લોકો સાજા થતાં આ આંક નીચો ગયો અને રિકવરી આંક ઊંચો આવ્યો છે. રાજ્યમાં અત્યારે 6777 કેસ એક્ટિવ છે. જે કુલ કેસના 45.70 ટકા થાય છે. ગુજરાતમાં અત્યાર સુધી 915 લોકોના મોત પણ થયા છે. જે અત્યાર સુધીના આંકના 6.17 ટકા લોકોના મોત પણ થયા છે. આમ ગુજરાતમાં નોંધાયેલા કુલ પોઝીટીવ કેસના 54.29 ટકા કેસ ક્લોઝ થઈ ચૂક્યા છે. રાજ્યમાં હજુ પણ 45.70 ટકા એક્ટિવ કેસ છે.

રાજ્યના 73 ટકા પોઝીટીવ અને 81 ટકા મોત અમદાવાદમાં નોંધાયા

ગુજરાતમાં સૌથી વધુ સંક્રમણ અમદાવાદમાં છે. અમદાવાદમાં આજે વધુ 251 કેસ આવતા આંક 10841 પર પહોંચ્યો છે. ગુજરાતના કુલ 73 ટકા કેસ અમદાવાદમાં નોંધાયા છે. જ્યારે રાજ્યના 81 ટકા મોત અમદાવાદમાં થયા એ પણ હકિકત છે. અમદાવાદમાં સૌથી વધુ 436 લોકો સાજા થયા છે. તો રાજ્યમાં આજે વધુ 503 દર્દીઓએ કોરોનાને મ્હાત આપતા ડિસ્ચાર્જ અપાયું છે. રાજ્યમાં રિકવરી દરમાં વધારો થયો છે. રાજ્યમાં અત્યાર સુધી 1.89 લાખ ટેસ્ટિંગ કરાયા છે. રાજ્યમાં કોરોના સંક્રમણના કેસ ભલે વધે પરંતુ સાજા થનારાની સંખ્યામાં વધારો મળ્યો તે ગુજરાત માટે એક સારી બાબત બની છે.

Read Also

Related posts

ઉંઘતુ તંત્ર / અમદાવાદના આ વિસ્તારમાંથી હજુ સુધી નથી દૂર કરાઇ જર્જરિત ટાંકી, દુર્ઘટના સર્જવવાની ભીતિ

Zainul Ansari

ભવિષ્યવાણી / દેશમાં ચાલુ મહિને ત્રાટકી શકે છે કોરોનાની ત્રીજી લહેર, નિષ્ણાતોએ આ અંગે આપી મોટી ચેતવણી

Zainul Ansari

જુનાગઢ / પ્રજાના 22 કરોડ રૂપિયાના ખર્ચે બનાવેલા રોડ-રસ્તા દોઢ મહિનામાં સ્વાહા, ‘ભ્રષ્ટાચાર મુક્ત કોર્પોરેશન’ ફક્ત નારો

Zainul Ansari
Do NOT follow this link or you will be banned from the site!