GSTV
Home » News » ગુજરાત માટે ખુશખબર : બંગાળની ખાડીમાં વરસાદી સિસ્ટમ સક્રિય, અા તારીખથી પડશે વરસાદ

ગુજરાત માટે ખુશખબર : બંગાળની ખાડીમાં વરસાદી સિસ્ટમ સક્રિય, અા તારીખથી પડશે વરસાદ

દક્ષિણ ગુજરાત અને સૌરાષ્ટ્ર માટે રાહતના સમાચાર છે. દક્ષિણ ગુજરાત અને સૌરાષ્ટ્રમાં આગામી ત્રણ દિવસ સામાન્ય વરસાદની આગાહી હવામાન વિભાગ દ્વારા કરવામાં આવી છે. બંગાળની ખાડીની પરની વરસાદી સિસ્ટમ ગુજરાતમાં સક્રિય થઈ છે. જેને કારણે 16 અને 17 ઓગષ્ટે દક્ષિણ ગુજરાત અને સૌરાષ્ટ્રમાં ભારે વરસાદ પડી શકે છે. જોકે જે રીતે દરિયો તોફાની બન્યો છે તે જોતા આગામી 48 કલાક સુધી દરિયો ન ખેડવાની માછીમારોને સુચના આપવામાં આવી છે. ઉલ્લેખનીય છે કે રાજ્યમાં અત્યાર સુધીમાં 56 ટકા વરસાદ વરસ્યો છે. તેમ છતા રાજ્યના અમદાવાદ સહિતના સંખ્યાબંધ જિલ્લાઓમાં હજુ પણ જરૂરિયાત કરતા ઓછો વરસાદ વરસ્યો છે.

અડધો ઓગસ્ટ પૂર્ણ થવા આવ્યો છે તેમ છતા મેઘરાજા હજુ પણ મન મુકીને વરસતા નથી. જેથી રાજ્યના ડેમોની સ્થિતિ વિકટ થતી જાય છે. રાજ્યના કુલ ૨૦૩જળાશયોમાં બે લાખ બે હજાર ૮૩૯ MCFT પાણી છે. જે કુલ સંગ્રહ શકિતના ૩૬.૪૪ ટકા જેટલો થાય છે. સરદાર સરોવર ડેમમાં એક લાખ ૩૧ હજાર ૯૧૮ MCFT પાણી છે. જે કુલ સંગ્રહશકિતના ૩૯.૪૯ ટકા જેટલો થાય છે. તો ઉત્તર ગુજરાતના ૧૫ જળાશયોમાં ૩૧.૮૬ ટકા, મધ્ય ગુજરાતના ૧૭ જળાશયોમાં ૪૭.૪૧ ટકા, દક્ષિણ ગુજરાતના ૧૩ જળાશયોમાં ૩૩.૧૫ ટકા, કચ્છના ૨૦ જળાશયોમાં ફક્ત ૯.૫૭ ટકા અને સૌરાષ્ટ્રના ૧૩૮ જળાશયોમા ૪૪.૫૧ ટકા જેટલું પાણી છે.

પાણીની આવકની વાત કરીએ તો સરદાર સરોવરમાં ૪ હજાર ૧૬૭ કયુસેક, વણાકબોરીમાં ૬ હજાર ૫૦૦ કયુસેક, દમણગંગામાં ૬ હજાર ૭૧૦ કયુસેક, કડાણામાં ૧ હજાર ૬૭૫ કયુસેક અને રાવલ જળાશયમાં ૧ હજાર ૧૫૯ કયુસેક પાણીની આવક છે. તો વણાકબોરીમાંથી ૩૦૦ કયુસેક, દમણગંગામાંથી ૭૯૭ કયુસેક અને કડાણા જળાશયમાંથી ૯ હજાર ૨૦૦ કયુસેક પાણીની જાવક છે.

કુલ 203 જળાશયો

2,02,839 MCFT પાણી

કુલ સંગ્રહશક્તિનું 36.44 ટકા પાણી

સરદાર સરોવર ડેમ

1,31,918 MCFT પાણી

કુલ સંગ્રહ શક્તિનું 36.44 ટકા પાણી

જળાશયોની રાજ્યમાં સ્થિતિ

ઉત્તર ગુજરાત       15 જળાશયો            31.68 ટકા પાણી

મધ્ય ગુજરાત       17 જળાશયો           44.71 ટકા પાણી

દક્ષિણ ગુજરાત     13 જળાશયો            33.15 ટકા પાણી

કચ્છ                     20 જળાશયો           9.57 ટકા પાણી

સૌરાષ્ટ્ર               128 જળાશયો           44.51 ટકા પાણી

Related posts

યુવકને ફસાવીને પહેલા બનાવ્યા શારીરીક સંબંધ, પછી વિડીયો બનાવીને કર્યું એવું કે…

GSTV Desk

આફ્રિકા સ્ટાઈલમાં વિકસાવેલા જંગલ સફારીથી લઈને ઈકો ટુરિઝમ સુધીના પ્રોજેક્ટની પ્રધાનમંત્રીએ લીધી મુલાકાત

Mayur

સોશિયલ મીડિયા પર શુભકામનાઓનું ઘોડાપુર : Tweeter પર પ્રધાનમંત્રીનો જન્મદિવસ 10માંથી 7માં ટ્રેન્ડ

Mayur
Do NOT follow this link or you will be banned from the site!