Last Updated on February 21, 2021 by Karan
મધ્ય પ્રદેશનું ઈંદોર પોતાની ભાગદોડભરી જિંદગી ઉપરાંત ખાવા-પીવાની વિવિધતાને લઈને પણ પ્રખ્યાત છે. ઈંદોરની મુલાકાતે આવનારી દરેક વ્યક્તિ એક વખત સરાફા ચોપાટી જરૂર જાય છે. ખાવા-પીવાના શોખીનો માટે આ જગ્યા સ્વર્ગથી ઉતરતી નથી જ્યાં ઈંદોરની મશહૂર વાનગીઓનો રસાસ્વાદ પણ માણી શકાય છે.
કુલ્ફી ઉપરાંત શરીર પર લદાયેલા સોનાના ઘરેણાઓને લઈને પણ પ્રખ્યાત
સરાફા બજારમાં એક વ્યક્તિ પોતાની કુલ્ફી ઉપરાંત શરીર પર લદાયેલા સોનાના ઘરેણાઓને લઈને પણ પ્રખ્યાત છે. 62 વર્ષીય નટવર નેમા સરાફા બજારમાં કુલ્ફી ફાલુદા અને ગજકની દુકાન ધરાવે છે. સરાફા બજારમાં આવનારા લોકો તેમના કુલ્ફી ફાલુદાની જયાફત માણે જ છે પરંતુ તેમના સાથે સેલ્ફી લેવાનું પણ નથી ભૂલતા. ગોલ્ડમેન નટવર ગ્રાહકોને કુલ્ફી વેચવાની સાથે શરીર પર અડધા કિલો કરતા પણ વધારે સોનું પહેરે છે જેને જોઈ લોકો દંગ રહી જાય છે.
પિતાએ સરાફા બજારમાં આ દુકાનની શરૂઆત કરી હતી
નટવરના કહેવા પ્રમાણે તેમના પિતાએ સરાફા બજારમાં આ દુકાનની શરૂઆત કરી હતી અને ધીમે-ધીમે તેમણે આ દુકાન સંભાળી લીધી હતી. પોતાના સોના સાથેના લગાવની વાત કરતા તેમણે જણાવ્યું કે, સરાફા બજારમાં સોના-ચાંદીનો વેપાર થાય છે અને માટે તેઓ પહેલેથી જ સોનાથી આકર્ષિત રહ્યા છે.
દાંત તૂટી ગયો ત્યારે તેમણે નવો દાંત પણ સોનાનો જ નખાવ્યો
સૌ પ્રથમ તેમણે સોનાની વીંટી પહેરવાથી શરૂઆત કરી હતી અને બાદમાં ચેન વગેરેનો ઉમેરો કરતા અડધા કિલોથી વધારે સોનું પહેરવા લાગ્યા હતા. તેઓ સોનાની બાલી, વીંટીઓ, ગળામાં અઢળક ચેન, સોનાના કડા અને બ્રેસલેટ વગેરે પહેરે છે. તેમને સોનાથી એટલો લગાવ છે કે જ્યારે તેમનો દાંત તૂટી ગયો ત્યારે તેમણે નવો દાંત પણ સોનાનો જ નખાવ્યો હતો.
મુખ્યમંત્રી શિવરાજસિંહ ચૌહાણ અને તેમના પત્ની સાધના સિંહે પણ નટવર નેમાની કુલ્ફી ખાધેલી
અનેક નેતાઓ અને સેલિબ્રિટી પણ તેમની દુકાને કુલ્ફીનો આનંદ માણવા પહોંચી જતા હોય છે. ભાજપના રાષ્ટ્રીય મહાસચિવ કૈલાશ વિજયવર્ગીય તો ઈંદોરના જ રહેવાસી છે અને સહપરિવાર અનેક વખત આ દુકાને જોવા મળે છે. તે સિવાય ભાજપના પ્રવક્તા સાંબિત પાત્રા, ભૈયાજી જોશી, મુખ્યમંત્રી શિવરાજસિંહ ચૌહાણ અને તેમના પત્ની સાધના સિંહે પણ નટવર નેમાની કુલ્ફી ખાધેલી છે. ઈંદોરના સરાફા બજારમાં આખો દિવસ સોના-ચાંદીનો વેપાર થાય છે અને રાત પડે ખાણી-પીણીની દુકાનોમાં ભીડ ઉમટે છે. રાતે 10થી 2 વાગ્યા સુધી 200 જેટલી દુકાનોમાં સ્વાદરસિક લોકોનો મેળાવડો જામે છે
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- હેલ્થ/ અજમાની ચા પીવાના આ 8 ફાયદા તમે નહીં જાણતા હોય, આ 2 રીતે બનાવો આ સ્વાસ્થ્યવર્ધક ચા
- મોટી દુર્ઘટના: રેલીંગ તોડીને પિકઅપ વાન ગંગામાં નદીમાં સમાઈ ગઈ, જોત જોતામાં 11 લોકો ડૂબી ગયા
- ન્યૂ ઈન્ડિયાની તસ્વીર: માસ્ક ન પહેરતા લોકો માટે મિસાલ, પૈસા નહોતા તો પક્ષીનો માળો મોં પર લગાવીને પેન્શન લેવા પહોંચ્યા વૃદ્ધ
- Long Covid/ કોરોનાની રિપોર્ટ નેગેટિવ આવ્યા પછી પણ આ સંકેતોની અવગણના ન કરો, 2-3 મહિના સુધી રહેશે લક્ષણ
- મહામારી/ કોરોના વાયરસના લક્ષણોના કારણે 25 ટકા ફેફસા થઇ રહ્યા છે ડેમેજ, આ બાબતો તમારા માટે જાણવી છે ખૂબ જ જરૂરી
