GSTV
World

Cases
3375127
Active
2872721
Recoverd
391234
Death
INDIA

Cases
110960
Active
109462
Recoverd
6348
Death

હિમાલયનાં ગ્લેશિયર્સ પર ગ્લોબલ વોર્મિંગની અસર, અમેરિકન રિપોર્ટમાં થયા ચોંકાવનારા ખુલાસા

ગ્લોબલ વોર્મિંગને કારણે સૌથી વધુ ખતરો હિમાલયના ગ્લેશિયરને છે. તાપમાનમાં સતત વધારાને કારણે હિમાલયના 650 જેટલા ગ્લેશિયર પર મોટું જોખમ તોળાઇ રહ્યું છે. તાજેતરમાં અમેરિકાના એક રિપોર્ટમાં ચોંકાવનારો ઘટસ્ફોટ થયો છે કે છેલ્લા 15 વર્ષમાં ગ્લેશિયર પીગળવાનો દર બમણો થયો છે. જો તાપમાન ઘટાડવાના યોગ્ય પગલાં લેવામાં નહીં આવે તો ભારતમાં આગામી દાયકામાં ગંભીર જળસંકટ ઉભું થવાની ભીતિ પણ વ્યક્ત કરાઇ છે.

ગ્લોબલ વોર્મિંગની સૌથી માઠી અસર હિમાલયના ગ્લેશિયર્સને થઇ રહી છે. પરંતુ જે ઝડપથી હિમાલયના ગ્લેશિયર્સ પીગળી રહ્યા છે તે ખૂબ ચિંતાજનક છે. ગ્લેશિયર્સની સ્થિતિ પર થયેલા એક અભ્યાસમાં દાવો કરાયો છે કે વર્ષ 2000 બાદ એટલે કે છેલ્લા બે દાયકાથી ગ્લેશિયર્સ પીગળવાની ઝડપ બમણી થઇ ગઇ છે. તાપમાનમાં સતત વધારો થવાને કારણે હિમાલયના 650 ગ્લેશિયર્સ પર મોટું જોખમ તોળાઇ રહ્યું છે.

અમેરિકા દ્વારા ઉપગ્રહથી કરાવાયેલા સર્વે બાદ રિપોર્ટ જાહેર કરવામાં આવ્યો છે. જે મુજબ છેલ્લા 15 વર્ષમાં ગ્લેશિયર્સ પીગળવાનો દર બમણો થયો છે. જેના કારણે હિમાલયન ક્ષેત્રમાંથી નીકળતી નદીઓના જળસ્તરમાં વધારો થયો છે. પરિણામે આગામી દાયકામાં ભારત પર ગંભીર જળસંકટનો ખતરો મંડરાઇ રહ્યો છે. હિમાલયના ગ્લેશિયર પર ગ્લોબલ વોર્મિંગની અસરનો અંદાજ મેળવનારી એક ટીમે જોયું કે વર્ષ 2000થી 2016 દરમ્યાન દર વર્ષે ગ્લેશિયર્સનો સરેરાશ 800 કરોડ ટન બરફ પીગળી રહ્યો છે. એ પહેલાના 25 વર્ષોમાં એટલે કે વર્ષ 1975 થી 2000 દરમ્યાન દર વર્ષે સરેરાશ 400 કરોડ ટન બરફ પીગળતો રહ્યો. પરંતુ તેના પછી દોઢ દાયકામાં ગ્લેશિયર્સ પીગળવાની ઝડપ બમણી થઇ ચૂકી છે.

વર્ષ 1975થી 25 વર્ષ સુધીમાં હિમાલયન ક્ષેત્રમાં ગ્લેશિયર્સ દર વર્ષે 10 ઇંચ સુધી ઘટી રહ્યા હતા. પરંતુ વર્ષ 2000થી 2016 દરમ્યાન દર વર્ષે સરેરાશ 20 ઇંચ સુધી ગ્લેશિયર્સ ઘટી રહ્યા છે. રિપોર્ટ મુજબ ગ્લેશિયર પીગળવાને કારણે દર વર્ષે લગભગ 800 કરોડ ટન પાણીનું નુકસાન થઇ રહ્યું છે. કોલંબિયા યુનિવર્સિટીના અર્થ ઇન્સ્ટિટ્યુટના સંશોધકોના મતે બે હજાર કિમીથી વધુ લાંબા પટ્ટામાં ફેલાયેલા હિમાલયન ક્ષેત્રનું તાપમાન 1 ડિગ્રીથી વધું વધ્યું છે. જો ગ્લોબલ વોર્મિંગના જોખમને ધ્યાનમાં રાખીને થતા ગ્લોબલ ક્લાઇમેટના પ્રયાસો નિષ્ફળ રહેશે તો વર્ષ 2100 સુધીમાં હિમાલયન ક્ષેત્રના બે તૃતિયાંશ ગ્લેશિયર પીગળી ચૂક્યા હશે.

READ ALSO

Related posts

ગુજરાતમાં હવે CORONAના ચોથા ભાગના જ કેસો રહ્યા છે એક્ટિવ, 75 ટકા કેસ થયા બંધ

Harshad Patel

લોહીનાં ટીપાં દ્રારા જાણી શકાશે હાર્ટ એટેકની સંભાવના, જાણો શું છે તેની રીત

pratik shah

કોરોનાનું વિષચક્ર: અમદાવાદ શહેરમાં વધુ 28 દર્દીઓનાં થયા કરૂણ મોત, નવા 291 કેસ નોંધાવાની સાથે આંક 13 હજારને પાર

pratik shah
Do NOT follow this link or you will be banned from the site!