કોંગ્રેસ સાથે છેડો ફાડનાર જમ્મુ કાશ્મીરના જૂના જોગી એવા ગુલામ નબી આઝાદે આજે પોતાની નવી પાર્ટીના નામની જાહેરાત કરી છે. તેમણે પોતાની પાર્ટીનું નામ ‘ડેમોક્રેટિક આઝાદ પાર્ટી’ રાખ્યું છે. આઝાદે 26 ઓગસ્ટે કોંગ્રેસમાંથી રાજીનામું આપી દીધું હતું. આ પછી તેણે કહ્યું હતું કે ટૂંક સમયમાં તે નવી પાર્ટીના નામની જાહેરાત કરશે. તેમણે એમ પણ કહ્યું હતું કે તેમની પાર્ટીની વિચારધારા સ્વતંત્ર હશે. જણાવી દઈએ કે ગુલામ નબી આઝાદ રવિવારે જ શ્રીનગર પહોંચી ગયા હતા. અને તેઓ 27 સપ્ટેમ્બર સુધી અહીં રહ્યા બાદ પાર્ટીની રચના કરીને દિલ્હી જશે.
ગુલામ નબીએ કહ્યું હતું કે માત્ર ધર્મનિરપેક્ષ લોકો જ તેમની પાર્ટીમાં જોડાઈ શકે છે. તેમણે જનતા પાસે પાર્ટીના નામ બાબતે મંતવ્યો પણ માગ્યા હતા. શ્રીનગરની મુલાકાત દરમિયાન પણ તેમણે સમર્થકો સાથે પાર્ટીના નામ પર ચર્ચા કરી અને ત્યારબાદ પ્રેસ કોન્ફરન્સ કરીને નવી પાર્ટીની જાહેરાત કરી.
પાર્ટીના ઝંડાનું કર્યું અનાવરણ
ગુલામ નબી આઝાદે પોતાની પાર્ટીના ઝંડાનું પણ અનાવરણ કર્યું છે. તેમણે કહ્યું કે ધ્વજનો પીળો રંગ સર્જનાત્મકતા, એકતા અને વિવિધતા દર્શાવે છે. સફેદ રંગ શાંતિનું પ્રતિનિધિત્વ કરે છે અને વાદળી રંગ સ્વતંત્રતા, ખુલ્લા વિચારો, કલ્પના અને સમુદ્રના ઊંડાણથી આકાશની ઊંચાઈ સુધીનું પ્રતિનિધિત્વ કરે છે. આઝાદે કહ્યું, લોકોએ ઉર્દૂ, સંસ્કૃત, હિન્દીમાં નામ સૂચવ્યા હતા. જોકે, અમને એવું નામ જોઈતું હતું જેમાં ડેમોક્રેટિક, શાંતિ અને સ્વતંત્ર ત્રણેય બાબતો હોય.
73 વર્ષીય ગુલામ નબી આઝાદે 26 ઓગસ્ટે કોંગ્રેસમાંથી રાજીનામું આપી દીધું હતું. આ સિવાય તેમણે સોનિયા ગાંધીને એક લાંબોલચક પત્ર પણ લખીને રાહુલ ગાંધીને નિશાના પર લીધા હતા. ગુલામ નબી આઝાદ જી-23ના નેતાઓમાંથી એક હતા. તેમણે પાર્ટી છોડ્યા બાદ નેશનલ કોન્ફરન્સના વડા ફારૂક અબ્દુલ્લાએ પણ તેમને ઓફર કરી હતી અને કોંગ્રેસની આલોચના કરી હતી.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અને ટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ ગુજરાત સમાચાર પર વાંચો રાજ્યના સૌથી વિશ્વસનીય અખબારના સમાચાર.
READ ALSO
- એલોન મસ્કને Twitterની ચકલી મોંઘી પડી, કંપનીની માર્કેટ વેલ્યૂ 33 ટકા ઘટીને માત્ર 15 અબજ ડોલર થઈ ગઈ!
- બોગસ કંપનીઓ ઉભી કરીને જીએસટીની ઇન્પુટ ક્રેડિટ લેવાનું કૌભાંડ પકડાયું: રૂ.36.95 કરોડની કરચોરી પકડાઇ
- IRCTS કંપનીએ ત્રણ મહીનામાં રૂ. 278.79 કરોડની કરી કમાણી, 100 ટકા અંતિમ ડિવિડન્ડની જાહેરાત
- Torrent Pharma Q4 results / ચોથા ક્વાર્ટરમાં ટોરેન્ટ ફાર્માનો ચોખ્ખો નફો 287 કરોડ થયો, 160 ટકાના ડિવિડન્ડની કરી જાહેરાત
- VIDEO: અમેરિકાના પ્લેનની સામે આવ્યું ચીનનું ફાઈટર જેટ, કોકપિટના કેમેરામાંથી રેકોર્ડ થયો સનસનાટી મચાવનારો વીડિયો