GSTV

હૈદરાબાદનું ‘ભાગ્ય’/ ભાજપે TRSની શાનદાર જીતને ફિક્કી પાડી, ઓવૈસીના ગઢમાં ગાબડૂ પાડવામાં સફળ રહી ભગવા પાર્ટી

હૈદરાબાદ નગર નિગમની ચૂંટણીની મતગણતરીમાં તેલંગણાની સત્તાધારી પાર્ટી તેલંગણા રાષ્ટ્ર સમિતિ (TRS) સૌથી મોટી પાર્ટી તરીકે ઉભરી આવી છે. જો કે, અહીં ભાજપનું શાનદાર પ્રદર્શન જોતા ટીઆરએસની જીત ફિક્કી પડી ગઈ છે. ભાજપે અહીં નગર નિગમની ચૂંટણીને પણ ગંભીરતાથી લેતા આ વખતે દમખમ લગાવીને પ્રચાર કરતા આ પરિણામ આવ્યુ છે. એટલુ જ નહીં પણ પાર્ટીએ દિગ્ગજોને પણ મેદાનમાં ઉતાર્યા હતા. ત્યારે આ વાતનો પરચો એ બતાવે છે કે, ભાજપે અહીં સત્તાધારી પાર્ટી તો ઠીક સાથે સાથે ઓવૈસીને પાર્ટીને પણ બરાબરની ટક્કર આપી છે.

દેશની સૌથી મોટી નગર નિગમ એવી ગ્રેટર હૈદરાબાદ નગર નિગમની ચૂંટણીમાં ભાજપે સારામાં સારૂ પ્રદર્શન કર્યુ છે, જ્યાં પાર્ટીએ 49 સીટો પર જીત મેળવી છે. તો વળી સત્તાધારી ટીઆરએસ પાર્ટીએ અહીં સૌથી મોટી પાર્ટી બનીને 56 સીટ પર જીત મેળવી છે. જ્યારે ઓવૈસીની પાર્ટીને 43 સીટ પર જીત મળી છે. આ વખતે એકેય પાર્ટીને સ્પષ્ટ બહુમત નથી મળ્યો કેમ કે, અહીં જીત માટે 76નો આંકડો જોઈએ છે.

પક્ષઆગળજીતકુલ
TRS15556
AIMIM04444
ભાજપ04848
કોંગ્રેસ022
TDP000
IND000
અન્ય000

2016માં ભાજપને મળી હતી માત્ર 3 બેઠકો

વર્ષ 2016માં થયેલ ગ્રેટર હૈદરાબાદ નગર નિગમ ચૂંટણીની વાત કરીયે તો ટીઆરએસએ 150 વોર્ડમાંથી 99 વોર્ડમાં જીત મેળવી હતી. જયારે અસદુદ્દીન ઓવૈસીની પાર્ટી AIMIM ને 44 વોર્ડમાં જીત મળી હતી જયારે ભાજપને માત્ર અને માત્ર 3 બેઠકો પર જીત મળી હતી.  તો કોંગ્રેસને પણ માત્ર 2 બેઠકો મળી હતી. આ રીતે ગ્રેટર હૈદરાબાદ અને જુના હૈદરાબાદના નિગમ પર કેસીઆર અને ઓવૈસીની પાર્ટીનો દબદબો રહ્યો હતો.

હૈદરાબાદ મહાનગર પાલિકાની ચૂંટણીનાં પરિણામો આવવાની આજે સવારે શરૂઆત થઇ હતી. પ્રથમદર્શી અહેવાલ મુજબ આ વખતે ભાજપ લીડમાં હતો અને ટીઆરએસ તથા ઓવૈસીનો પક્ષ પાછળ હતા.

સામાન્ય રીતે કોઇ શહેરની મ્યુનિસિપલ ચૂંટણી આટલી રસાકસી જમાવતી નથી પરંતુ ભાજપ કોઇ પણ ભોગે સાઉથમાં પગપેસારો કરવા આતુર હતો એટલે આ  વખતે હૈદરાબાદની ચૂંટણીમાં ભાજપના ધુરંધર નેતાઓ પ્રચારમાં ઊતર્યા હતા. આવા નેતાઓમાં કેન્દ્રના ગૃહ પ્રધાન અમિત શાહ, ભાજપના અધ્યક્ષ જેપી નડ્ડા, ઉત્તર પ્રદેશના મુખ્ય પ્રધાન યોગી આદિત્યનાથ અને સ્મૃતિ ઇરાનીનો સમાવેશ થયો હતો.

હૈદરાબાદ મ્યુનિસિપલ ચૂંટણીનાં પરિણામો પરથી આવી રહેલા સમયનો અણસાર મળવાની ધારણા હતી. આવતા વરસે પશ્ચિમ બંગાળ વિધાનસભાની ચૂંટણી છે. ભાજપની વગ ક્યાં કેટલી વધી ઘટી છે એનો અણસાર કદાચ આ ચૂંટણી પરથી આવી શકે. 2015ની ચૂંટણીમાં  ટીઆરએસ અને ઓવૈસી મેદાન મારી ગયા હતા. ભાજપને રોકડી એક બેઠક મળી હતી.

આ વખતે ભાજપને વધુ બેઠકો મળવાની અપેક્ષા હતી. ભાજપને વધુ બેઠકો મળે તો એનો એક અર્થ એવો પણ કરી શકાય કે ઓવૈસીની વગ પોતાનાજ વિસ્તારમાં ઘટી રહી હતી.

READ ALSO

Related posts

દિલ્હી રિંગ રોડ ટ્રેક્ટર રેલી કાઢવા ખેડૂતો મક્કમ, પોલીસે આપ્યો KMP એક્સપ્રેસ-વેનો વિકલ્પ

Pritesh Mehta

આર્મીમાં ઓફિસર બનવાની ઉત્તમ તક : આ વેબસાઈટ પર 1 જાન્યુઆરીથી લોકો કરી રહ્યાં છે એપ્લાય, તમે ના ભૂલતા

Mansi Patel

White Houseની નવી વેબસાઈટના સોર્સ કોડમાં ટેક્નિકલ ટીમે છુપાવેલ છે એક સિક્રેટ મેસેજ

Pritesh Mehta
Do NOT follow this link or you will be banned from the site!