GSTV
GSTV લેખમાળા News Trending World

Free, Free, Free / બૂક્સ-થિએટર, મ્યુઝિક, નાટક પાછળ ખર્ચ કરવા માટે જર્મન સરકાર યુવાનોને આપશે વર્ષે 17,000 રૂપિયા: સંસ્કૃતિમાં ટીનેજર્સને રસ લેતા કરવાનો અનોખો પ્રયાસ

યુવાનો સંસ્કૃતિમાં રસ લેતા થાય એટલા માટે જર્મન સરકારે 18 વર્ષના થનારા સૌ યુવાનોને 200 યુરો ખર્ચ માટે આપવાનું નક્કી કર્યું છે. અલબત્ત, આ ખર્ચ માત્ર સાંસ્કૃતિક પ્રવૃત્તિઓ પાછળ કરી શકાશે. સાંસ્કૃતિક પ્રવૃત્તિઓમાં સંગીત, નાટક, થિએટર, પુસ્તકો, સંગ્રહાલય-મ્યુઝિયમની મુલાકાત વગેરેનો સમાવેશ થાય છે. 18 વર્ષના થનારા દરેક કિશોરને સરકાર આ રીતે સંસ્કૃતિ પાછળ ખર્ચ કરવા વર્ષે 200 યુરો ડોલર આપશે. રુપિયામાં ગણતરી કરીએ તો રકમ 17,000 કરતા વધારે થાય.


જર્મન સરકારના આ નિર્ણય પાછળ બે હેતુ છે. એક તો કોરોના પછી ધીમા પડેલા સાંસ્કૃતિક-કલ્ચરલ સેક્ટરમાં ખર્ચ વધારવો. બીજો ઉદ્દેશ કિશોરોને દેશની સંસ્કૃતિથી વાકેફ કરવાનો છે. યુરોપના દેશોમાં આ પ્રથા નવી નથી. જર્મનીએ ફ્રાન્સમાંથી પ્રેરણા લીધી છે. ફ્રાન્સે 2021માં જ આવી સ્કીમ લોન્ચ કરી હતી. એ પછી ઈટાલી અને સ્પેને પણ આ પ્રકારની કલ્ચરલ કુપનની શરુઆત કરી દીધી છે. અન્ય દેશોમાં આ રકમ 400-500 યુરો જેટલી છે. જર્મનીએ હાલ 200 યુરો નક્કી કર્યા છે. જો આ પ્રોજેક્ટ સફળ જશે તો 15થી 17 વર્ષનાકિશોરોને પણ આ સ્કીમમાં શામેલ કરી દેવાશે.

આ સ્કીમ 2023થી શરુ કરી દેવાઈ છે. જર્મનીમાં 7.5 લાખ કિશોરો એવા છે જે 2023માં 18 વર્ષના થઈ રહ્યા છે. આ બધાને ચૂકવણી કરવા જતા જર્મન સરકારે અંદાજે 10 કરોડ યુરો ડોલર (875 કરોડ રુપિયાથી વધારે) ખર્ચવા પડશે. પરંતુ જર્મન સરકારે પહેલેથી જ 1 અબજ ડોલર સાંસ્કૃતિક બજેટ માટે ફાળવી દીધા છે. કોરોના પછી રશિયા-યુક્રેનના યુદ્ધને કારણે પણ યુરોપના દેશોના અર્થતંત્ર પર વિપરિત અસર થઈ રહી છે. એ અસર વધારે બદતર થાય એ પહેલા જર્મનીએ આ નિર્ણય લીધો છે. અલબત્ત, ટીનેજર્સ આ રકમ ઓનલાઈન ખર્ચી ન નાખે એટલા માટે સરકારે શરત મુકી છે. પોપ્યુલર પોડકાસ્ટ એપ સ્પોટીફાઈ અને એમેઝોન પ્રાઈમ જેવી એપ્સ પર સાંસ્કૃતિક કાર્યક્રમો માટે આ રકમ ખર્ચી નહીં શકાય. જેથી ઓનલાઈન પ્રવૃત્તિને બદલે ઓફ લાઈન પ્રવૃત્તિને વેગ મળે.

કોરોના પછી અર્થતંત્ર ધમધમતુ થાય એ માટે ખર્ચ થવો જરુરી છે. અર્થશાસ્ત્રમાં બ્રોકન ગ્લાસ નામની એક થિયરી છે. જો કોઈ કાચ તૂટે તો કદાચ જેનો કાચ તૂટે એ વ્યક્તિને નુકસાન થાય પરંતુ દેશને ફાયદો થાય. કેમ કે કાચ તૂટે એટલે તેની ખરીદી થાય, કાચ ફીટ કરવાની મજૂરી ચૂકવાય અને એ રીતે અર્થતંત્રમાં એક પછી એક તબક્કે નાણા ફરતા થાય. એ થિયરી જેવો જ ઉદ્દેશ પાર પાડવા જર્મન સરકારે આ નિર્ણય લીધો છે.

READ ALSO

Related posts

શું તમે બ્લૂ-ટી વિશે જાણો છો? સ્વાસ્થ્ય માટે માનવામાં આવે છે ફાયદાકારક

Akib Chhipa

અખિલેશનું લોકસભા માટે પછાત-મુસ્લિમ કાર્ડ, 2022ની વિધાનસભા ચૂંટણી બાદ વિખેરી નાંખી હતી રાષ્ટ્રીય કારોબારી

GSTV Web Desk

કેનેડા પછી હવે ઓસ્ટ્રેલિયામાં પણ પગ ફેલાવી રહ્યા છે ખાલિસ્તાની? ભારતીયો પર  હુમલામાં પાંચ લોકો થયા ઘાયલ

HARSHAD PATEL
GSTV