GSTV

Inside Photos: ગાંધીનગર રેલવે સ્ટેશન પર બની ભારતની પહેલી ફાઇવ સ્ટાર હોટેલ, તસવીરોમાં જુઓ તેની ખાસિયત

ગાંધીનગર

Last Updated on July 14, 2021 by Bansari

ગુજરાતના ગાંધીનગરમાં રેલ્વે સ્ટેશન પર ફાઇવ સ્ટાર હોટલ બનાવવામાં આવી છે. દેશના કોઈ પણ રેલ્વે સ્ટેશનમાં આજ સુધી એવી કોઈ હોટલ નથી બની અને ભવિષ્યમાં ભાગ્યે જ આવી હોટલ બનાવવામાં આવશે. આ રેલ્વે સ્ટેશન અનેક અદભૂત આધુનિક સુવિધાઓ સાથે બનાવવામાં આવ્યું છે. તેમાં પ્રાર્થના માટે એક અલગ રૂમ અને બેબી ફીડિંગ રૂમ તેમજ પ્રાથમિક સારવાર માટે એક નાની હોસ્પિટલ છે. આ રેલ્વે સ્ટેશન ફાઇવ સ્ટાર હોટલ હેઠળ બનાવવામાં આવ્યું છે. ચાલો આ હોટલ વિશે વિગતવાર જણાવીએ.

પીએમ મોદીના વિઝનની શરૂઆત

આ હોટલથી લોકો સમગ્ર ગાંધીનગર, મહાત્મા મંદિર અને વિધાનસભાને એક જ લાઇનમાં જોવાની મજા લઇ શકશે. અહીંથી લોકો મહાત્મા મંદિર અને દાંડી કુટીર જઈ શકે છે. ભારતીય રેલ્વેએ ગુજરાતના ગાંધીનગર રેલ્વે સ્ટેશનથી આ હોટલની મદદથી પીએમ મોદીના વિઝનની શરૂઆત કરી છે.

હોટલ પરથી આખુ ગાંધીનગર દેખાશે

આ રેલ્વે સ્ટેશન પર બનેલી ફાઇવ સ્ટાર હોટલથી લોકોને ઘણો ફાયદો થશે. સૌ પ્રથમ, બહારથી આવતા પ્રવાસીઓને હોટલની ચિંતા કરવાની જરૂર રહેશે નહીં. ખરેખર, આ રેલ્વે સ્ટેશન ફાઇવ સ્ટાર હોટલ હેઠળ બનાવવામાં આવ્યું છે. ફાઈવ સ્ટાર હોટલમાં પહોંચવા માટે સ્ટેશનની અંદરથી જ એક ગેટ તૈયાર કરવામાં આવ્યો છે.

ગાંધીનગરની સૌથી ઉંચી બિલ્ડિંગ

રેલવે સ્ટેશનની ઉપરની સાઇડ 300 રૂમની એક વૈભવી ફાઇવ સ્ટાર હોટલ બનાવવામાં આવી છે. જણાવી દઇએ કે તે હોટલ લીલા ગ્રુપ દ્વારા ચલાવવામાં આવશે. ગાંધીનગર રેલ્વે સ્ટેશન પર બનેલી આ ફાઇવ સ્ટાર હોટલ ગાંધીનગરની સૌથી ઉંચી બિલ્ડિંગ છે. એટલે કે અહીંથી તમે આખું ગાંધીનગર જોઈ શકો છો.

શાનદાર ઇન્ટીરિયર

સ્ટેશન પરિસરમાં બનેલી આ નવી બિલ્ડિંગમાં એન્ટ્રી ગેટ, બુકિંગ, લિફ્ટ-એસ્કેલેટર, બુક સ્ટોલ, ફૂડ એન્ડ ડ્રિંક સ્ટોલ સહિતની તમામ સુવિધાઓ પૂરી પાડવામાં આવી છે. તેના ઇન્ટીરિયરની વિશેષતા એ છે કે અહીંની દિવાલો પર ગુજરાતના વિવિધ સ્મારકોની તસવીરો બનાવવામાં આવી છે. આમાં રેલ્વે સ્ટેશનની અંદર બનેલા અયોધ્યાના રામ મંદિરની તસવીર લોકોનું ધ્યાન આકર્ષિત કરે છે.

ટ્રેનમાંથી ઉતરીને સીધા હોટલના દ્વારે

આ હોટલની વિશેષતા એ છે કે સ્ટેશનની અંદર બનાવવામાં આવેલા ગેટની મદદથી મુસાફરો ટ્રેનમાંથી ઉતરી શકશે અને સીધા હોટલ પર પહોંચી શકશે. ફાઇવ સ્ટાર બિલ્ડિંગની નીચે મુખ્ય પ્રવેશદ્વાર પાસે ટિકિટ બારી પાસે લિફ્ટ અને એસ્કેલેટર લગાવવામાં આવ્યા છે, જેથી લોકોને પ્લેટફોર્મ સુધી પહોંચવામાં કોઈ તકલીફ ન પડે.

Read Also

Related posts

રાહત/ SBI Home Loanને લાવી ખુશખબર, મોનસુન ધમાકા ઓફરમાં મળશે આ મોટો ફાયદો

Damini Patel

BIG NEWS / કોંગ્રેસ નેતાનું મોટું નિવેદન : રાજ્યના CM બદલાઈ શકે છે, જાણો કોને સોંપાઇ શકે મુખ્યમંત્રીનું પદ

Dhruv Brahmbhatt

સગીરનો હાથ પકડીને પ્રેમ વ્યક્ત કરવો જાતીય સતામણી નથી: પોક્સો કોર્ટે 28 વર્ષીય આરોપીને નિર્દોષ જાહેર કર્યા

Pravin Makwana
Do NOT follow this link or you will be banned from the site!