GSTV

20મી સુધી આકાશમાં જોવા મળશે આ અદૂભૂત નજારો, સૌરાષ્ટ્રવાસીઓને મળશે સૌથી વધારે લાભ

Last Updated on November 12, 2019 by Arohi

ભારત સહિત સમગ્ર વિશ્વમાં ૧૩મીથી ૨૦મી નવેમ્બર સુધી ઉલ્કાવર્ષા જોવા મળશે. ઉલ્કાવર્ષા સિંહ રાશિમાં થવાની હોવાથી તેને લિયોનીડ્સ નામ અપાયું છે. દર કલાકે ૧૫થી ૨૦ ઉલ્કા આભમાં તેજ લિસોટા કરશે. તે નિહાળવાનો શ્રેષ્ઠ સમય રાતે ૧.૦૦થી પરોઢ સુધીનો છે. રાજકોટ, મોરબી, જૂનાગઢ, જામનગર, દ્વારકા, પોરબંદર, ગીર સોમનાથ સહિત સમગ્ર સૌરાષ્ટ્રના ખગોળ રસિયાઓ ઉલ્કાવર્ષાની મજા લૂંટશે.

દર વર્ષે નવેમ્બરમાં જોવા મળે છે આ નજારો

ઓક્ટોબરમાં દુનિયાએ ડેક્રોનિક્સ અને ઓરિયોનિડ્સ ઉલ્કા નિહાળી હતી. હવે લિયોનિડ્સ ઉલ્કાવર્ષા માણશે. લીયોનિડ્સ ઉલ્કાવર્ષા દર વર્ષે નવેમ્બર માસમાં જોવા મળે છે. મહત્તમ ઉલ્કાવર્ષા તા.૧૬ અને ૧૭ નવેમ્બરની રાતે જોવા મળશે. જ્યારે કોઈ ધૂમકેતુ પૃથ્વીની નજીકથી પસાર થાય ત્યારે તેની પૂંછડીમાંથી પદાર્થોનું વિસર્જન થાય છે.

આ રીતે દેખાય છે લિસોટો

આ પદાર્થોને પૃથ્વીનું ગુરુત્ત્વાકર્ષણ ખેંચે ત્યારે તે ઝડપથી આ તરફ ધસી આવે છે. તેની પૃથ્વી તરફ આવવાની ઝડપ ૧ સેકન્ડની ૩૦ કિ.મી. હોય છે. આ દરમિયાન આ પદાર્થો સળગી ઊઠે છે અને આકાશમાં તેજ લિસોટા પાથરે છે. આપણે તેને ફાયર બોલ, અગનગોળા કે ઉલ્કા તરીકે ઓળખીએ છીએ.

આ રીતે જુઓ ઉલ્કાવર્ષા

વિદેશમાં તો શોખીનો ઉલ્કાવર્ષા નિહાળવા પહાડ પર, દરિયા કિનારે અથવા નિર્જન જગ્યા પર જતા રહે છે. એક એક ઉલ્કાની નોંધ કરે છે. દુનિયાભરમાં કોઈ પણ છેડે દેખાતી ઉલ્કાવર્ષાની નોંધ ઇન્ટરનેશનલ મિટિયોર ઓર્ગેનાઇઝેશન રાખે છે. ઉલ્કાવર્ષા નિહાળવા ૧૦ બાય ૫૦ મેગ્નિફિકેશનવાળું દૂરબીન આદર્શ છે. દિવસે પણ ઉલ્કાવર્ષા થતી હોય છે, પણ તે ન દેખાય એ સ્વાભાવિક છે.

40 ટન ઉલ્કા પૃથ્વીના વાતાવરણમાં રોજ પ્રવેશે છે

રોજ ૪૦ ટન ઉલ્કા પૃથ્વીના વાતાવરણમાં પ્રવેશે છે. પૃથ્વી પર અત્યાર સુધી પડેલી ઉલ્કાની રાખનો થર એક ઇંચથી વધુ હોવાનો અંદાજ છે. તેમાં લોખંડ અને નિકલ હોય છે. ચુંબકની મદદથી ઉલ્કાની રજને સામાન્ય રજથી છૂટી પાડી શકાય છે. જૂના જમાનામાં લોકો ઉલ્કાવર્ષાને અગન વર્ષા સમજીને ડરી જતા હતા. આજે એવું નથી. આજે લોકો ઉલ્કાવર્ષાનો આનંદ લૂંટે છે. અંધશ્રદ્ધા અને જ્ઞાાન વચ્ચે આટલો ફેર છે.

Read Also

Related posts

ભ્રષ્ટાચાર / નીતિનિયમોને નેવે મૂકી વિકાસ કામો કર્યાનો આક્ષેપ, સરકારી યોજનાઓમાં થઈ રહી છે મોટાપાયે ગેરરીતી

GSTV Web Desk

એક્શનમાં વિપક્ષ / કોંગ્રેસે કોર્પોરેશનની ઓફિસો અને હોસ્પિટલોમાં બાઉન્સરો રાખવાનો ઉઠાવ્યો મુદ્દો, ઉગ્ર વિરોધ કરવાની ઉચ્ચારી ચિમકી

GSTV Web Desk

વિવાદિત દરખાસ્ત / કમર તોડી નાખે તેવી મોંઘવારી વચ્ચે શહેરીજનો પર કરબોજ વધારવાની તૈયારીમાં AMC

GSTV Web Desk
Do NOT follow this link or you will be banned from the site!