હરિયાણાના પૂર્વ CM ભૂપેન્દ્રસિંહ હુડ્ડા અને કોંગ્રેસ નેતા CBI કોર્ટમાં હાજર રહ્યા, જમીન ગોટાળા છે

હરિયાણાના પંચકુલા જમીન ગોટાળા મામલે હરિયાણાના પૂર્વ મુખ્ય પ્રધાન ભુપેન્દ્રસિંહ હુડ્ડા અને કોંગ્રેસ નેતા મોતીલાલ વોરા સીબીઆઈ કોર્ટમાં હાજર થયા. બન્ને નેતા વિરૂદ્ધ સીબીઆઈને અભિયોગ ચલાવવાની મંજૂરી આપવામાં આવી છે. જે બાદ સીબીઆઈએ કાર્યવાહી શરૂ કરી છે. સીબીઆઈનો આરોપ છે કે, સી-17 નામની જમીનને ફરીવાર ફાળવવામાં આવતા રાજ્યને 67 લાખ રૂપિયાનું નુકસાન થયું હતું. ચાર્જશીટમાં જણાવ્યું કે, સી-17 નામની જમીન એજેએલને 2015માં ફરીવાર ફાળવવામાં આવી. આમ કરીને હુડ્ડાએ કેટલાક માપદંડનું ઉલ્લંઘન કર્યુ હતું.

જેથી તેમની વિરૂદ્ધ કાર્યવાહી કરવામાં આવી હતી. હુડ્ડા પર જમીન ડીલમાં સોનિયા ગાંધીના જમાઈ રોબર્ડ વાડ્રાને ફાયદો કરાવવાનો આરોપ છે. મહત્વપૂર્ણ છે કે, સીબીઆઈએ 25 જાન્યુઆરી, 2019ના રોજ જમીન ફાળવણી મામલે રોહતક, દિલ્હી અને નોઈડામાં કુલ 30થી વધુ ઠેકાણા પર દરોડા પાડ્યા હતા. જે બાદ આ કેસમાં સીબીઆઈએ ભુપેન્દ્રસિંહ હુડ્ડા વિરૂદ્ધ ચાર્જશીટ દાખલ કરી હતી.

ADVERTISEMENT
GSTVના લેટેસ્ટ News અને Videos માટે લાઈક કરો Youtube Twitter