Forbes Richest Indian 2018: સલમાન સતત ત્રીજા વર્ષે બન્યો ‘સુલતાન’, પ્રિયંકા પર ભારે પડી દીપિકા

સલમાન ખાન ફક્ત બૉક્સ ઑફિસનો જ સુલતાન નથી પરંતુ હવે તો તે બોલીવુડમાં કમાણીના મામલે પણ ટૉપ પર છે. ફૉર્બ્સ તરફથી જાહેર કરવામાં આવેલી વર્ષ 2018ની સૌથી અમીર ભારતીય સેલેબ્રિટીઝની યાદીમાં આ વાતનો ખુલાસો થયો છે.

વાર્ષિક 253.25 કરોડની આવક સાથે બોલીવૂડ સ્ટાર સલમાન ખાન ફોર્બ્સની યાદીમાં સતત ત્રીજા વર્ષે ટોપ પર , જ્યારે આ વખતે વિરાટ કોહલી શાહરૂખને પછાડી બીજા નંબર પર આવી ગયો છે .વિશ્વ વિખ્યાત મેગેઝીન ફોર્બ્સે ભારતની 2018 માં ટોચની 100 સેલેબ્રિટીઝની યાદી જાહેર કરી છે . ફોર્બ્સે 7 માં ઇન્ડિયા સેલિબ્રિટી યાદમાં આ વર્ષે પણ સલમાન ખાન પ્રથમ સ્થાને છે . મેગેઝિને પોતાની વેબસાઇટ પર ભારતના ટોપ 100 સેલિબ્રિટીની યાદી મૂકી છે .

વર્ષ 2018 ના લિસ્ટમાં 52 વર્ષિય સલમાન ખાન સતત ત્રીજા વર્ષે લિસ્ટમાં પ્રથમ સ્થાને છે . જેમાં તેની આ વર્ષે રીલિઝ થયેલી ટાઇગર જિન્દા હેં અને રેસ 3 ની આવકનો સમાવેશ થાય છે . ફિલ્મો સિવાય સલમાન ખાન ટેલિવિઝન શો અને જાહેરાતોમાંથી પણ કરોડોની કમાણી કરે છે . સલમાન ખાનની વાર્ષિક આવક 253.25 કરોડ છે . જે ટોપ 100 સેલિબ્રિટીની આવક 3,140.25 કરોડના 8 ટકા છે .

તો લિસ્ટમાં આ વખતે ભારતીય ક્રિકેટ ટીમના કેપ્ટન વિરાટ કોહલી બીજા સ્થાને છે . વિરાટ કોહલીની વાર્ષિક આવક 228.09 કરોડ રૂપિયા છે . જે ગયા વર્ષ કરતાં 116.53 કરોડ રૂપિયાનો વધારો નોંધાયો છે .

જ્યારે ત્રીજા નંબર પર અક્ષય કુમાર છે , જેમની વાર્ષિક આવક 185 કરોડ રૂપિયા છે .

તો ગયા વર્ષે 170 કરોડની આવક સાથે બીજા સ્થાને રહેલા શાહરૂખ ખાન આ વર્ષે ટોપ 10 માંથી જ બહાર થઇ ગયા , આ વર્ષ શાહરૂખ ખાન માટે નબળું રહ્યું છે , શાહરૂખ ખાનની આવકમાં 33 ટકા ઘટાડો નોંધાયો છે , આ વર્ષે SRK લિસ્ટમાં 17 માં સ્થાને છે .

હાલમાં જ લગ્નને લઇને ચર્ચામાં રહેલી દીપિકા પાદુકોણે અને પુરુષ સેલિબ્રિટીને પછાડી ટોપ ટેનમાં સ્થાન બનાવ્યું છે . દીપિકા આ વર્ષના લિસ્ટમાં ચોથા સ્થાને છે . સાથે જ પહેલી મહિલા બની ગઇ છે જેણે ટોપ પાંચમાં જગ્યા બનાવી હોય . દીપિકાએ આ વર્ષે 112.80 કરોડ રૂપિયાની આવક કરી છે . જેમાં તેની છેલ્લે રીલિઝ થયેલી પદ્માવત ફિલ્મ અને જાહેરાતને કારણે કમાણી વધી છે .

ઇન્ડિયન ક્રિકેટ ટીમ ઓલરાઉન્ડર હાર્દિક પંડ્યાની આવક ( રૂપિયા 28.46 કરોડ ) માં નોંધપાત્ર વધારો નોંધાયો છે . જે ગતવર્ષ કરતાં 9 ગણો વધારો નોંધાયો છે . તો સાઉથ ફિલ્મ ઇન્ડસ્ટ્રીઝની હિરોઇન નયનથારા એકમાત્ર મહિલા છે . નયનથારાની કોમેડી ફિલ્મ કલમાવુ કોકિલા અને થ્રિલર અરામને કારણે તેની આવકમાં વધારો નોંધાયો છે .ફોર્બ્સની લિસ્ટમાં સામે ટોપ 100 સેલિબ્રિટીની કુલ મળીને આવક 3,140.25 કરોડ છે , જે ગત વર્ષે 2.683.31 કરોડ હતી .

Read Also

ADVERTISEMENT
GSTVના લેટેસ્ટ News અને Videos માટે લાઈક કરો Youtube Twitter