GSTV
Home » News » ચૂંટણી હાર્યા પછી શરદ પવાર આ પગલું ભરશે? રાહુલ સાથે મુલાકાત બાદ અટકળો તેજ થઇ

ચૂંટણી હાર્યા પછી શરદ પવાર આ પગલું ભરશે? રાહુલ સાથે મુલાકાત બાદ અટકળો તેજ થઇ

લોકસભા ચૂંટણીમાં યુપીએની કારમી હાર થઇ છે. અનેક રાજ્યોમાં ભાજપ અને તેનાં સાથી પક્ષોએ જબ્બર જીત મેળવી છે. ભાજપનાં ગઢ ગણાતા મહારાષ્ટ્રમાં પણ ભાજપ-શિવસેના યુતિએ તમામનો સફાયો કર્યો છે. મહારાષ્ટ્રમાં એક તરફ ભાજપ-શિવસેના છે. બીજી તરફ કોંગ્રેસ-એનસીપી યુતિ છે. જો કે 2019ની ચૂંટણીમાં કોંગ્રેસ અને એનસીપી યુતિ નિષ્ફળ નિવડી છે.

કોંગ્રેસ અને એનસીપી હારનાં કારણો ચકાસવાની વેતરણમાં છે. તેવામાં એક ચર્ચા ચાલી રહિ છે કે, NCPનું કોગ્રેસમાં વિલય થશે. સોનિયા ગાંધીનાં વિદેશી કૂળનો મુદ્દો ઉઠાવીને કોંગ્રેસમાંથી અલગ થઇને શરદ પવારે NCP(રાષ્ટ્રવાદી કોંગ્રેસ પાર્ટી)ની રચના કરી હતી. જો કે બન્ને પક્ષોની વિચારધારામાં કોઇ ફેરફાર નથી. ત્યારે આ એનસીપીનાં કોંગ્રેસમાં વિલય થવાની વાતે જોર પકડ્યું છે.

બન્ને પાર્ટીઓએ વર્ષો સુધી મહારાષ્ટ્રમા અને કેન્દ્રમાં વર્ષો સુધી સરકાર ચલાવી છે. તેથી સરકારનાં વહીવટનો પણ અનુભવ છે. જો કે હવે સોનિયા ગાંધીની નાગરિકતાનો મુદ્દો પણ અભેરાઇએ પડ્યો છે. પહેલા સ્થિતી એવી હતી કે કોંગ્રેસ અને એનસીપી બન્ને પક્ષો સરખું કદ ધરાવતા હોવાથી વિલય શક્ય ન હતો. જો કે અત્યારે બન્ને પાર્ટી કપરા સમયમાંથી પસાર થઇ રહિ છે. તેવામાં ચર્ચા ચાલી રહિ છે કે મહારાષ્ટ્ર વિધાનસભાની ચૂંટણી પહેલા બન્ને પક્ષો એક થાય તો તેમનાં રાજકિય ભાવિ માટે સારૂ બની રહેશે.

મહત્વનું છે કે આજે કોંગ્રેસ પ્રમુખ રાહુલ ગાંધીએ એનસીપી સુપ્રિમો શરદ પવાર સાથે મુલાકાત કરી હતી. જો કે આ મુલાકાત પાછળનાં કોઇ ખાસ કારણો બહાર આવ્યા નથી. જો કે બન્ને પક્ષો આવનારા સમયમાં કેવા પગલા ભરશે તે તો સમય બતાવશે.

READ ALSO

Related posts

મોદી સરકારના આ મંત્રીએ ખાનગી બેંકોને ઝાટકી નાખી, ખાનગી બેંકો ભ્રષ્ટાચારનો ગઢ

Riyaz Parmar

નફ્ફટ પાકિસ્તાન: છેલ્લા 7 વર્ષમાં 5 હજાર વખત કર્યુ ફાયરિંગ, ગૃહ મંત્રાલયનો મોટો ખુલાસો

Riyaz Parmar

વાહ રે ચૂંટણીપંચ : ભાજપનો દબદબો છે તે 4 બેઠકોની જ ગુજરાતમાં જાહેર થઈ ચૂંટણી

Bansari
Do NOT follow this link or you will be banned from the site!