LRDની પરીક્ષા માટે બે વિદ્યાર્થી બસ નીકળી ગયા પછી પહોંચ્યા, STના અધિકારીએ કરી આવી મદદ

ભાવનગરમાં એલઆરડી પરીક્ષા દરમિયાન એસટી વિભાગનો માનવીય અભિગમ જોવા મળ્યો હતો. અહી બે ઉમેદવારો મોડા આવતા તેઓ ચિંતામાં મૂકાયા હતા. એકને ઘોઘા અને સીદસર જવાનું હતું. આખરે એસટીના વિભાગીય નિયામકે આ બંને ઉમેદવારને પોતાની ગાડીમાં પરીક્ષા સેન્ટર પર પહોંચાડવાની વ્યવસ્થા કરી હતી. જીલ્લામાં ૪૩ હજાર કરતા વધુ પરીક્ષાર્થીઓને લઇને એસ.ટીતંત્ર, વહીવટી તંત્ર તેમજ પોલીસે સંયુક્ત રીતે કામગીરી પૂર્ણ કરી હતી. પરીક્ષાર્થીઓ માટે ભાવનગર એસટી ડેપો તરફથી ૧૭૦ કરતા વધુ વાહનો મુકવામાં આવ્યા હતા. તેમજ વધુ વાહનોની જરૂરિયાતને પહોંચી વળવા એસટી તરફથી ૫૦ ખાનગી શાળાના વાહનો સ્ટેન્ડ બાય રાખવામાં આવ્યા હતા. પરીક્ષાર્થીઓ શાંતિપૂર્ણ માહોલ વચ્ચે પરીક્ષા આપી હતી.

ADVERTISEMENT
GSTVના લેટેસ્ટ News અને Videos માટે લાઈક કરો Youtube Twitter