GSTV
News World ટોપ સ્ટોરી

પ્રથમવાર મહિલાના હાથમાં આવી અમેરિકાની સત્તા, જૉ બિડેને આ કારણોસર કમલા હેરિસને સોંપ્યો પ્રેસિડેન્ટનો પાવર

અમેરિકા

શુક્રવારે અમેરિકી રાષ્ટ્રપતિ જો બિડેનની કોલોનોસ્કોપી દરમિયાન, અમેરિકી સત્તાની લગામ થોડા સમય માટે ઉપરાષ્ટ્રપતિ કમલા હેરિસ પાસે ગઈ કારણ કે આ સમય દરમિયાન બિડેન એનેસ્થેસિયાના પ્રભાવ હેઠળ હતા. અમેરિકાના 250 વર્ષના ઈતિહાસમાં આવું પહેલીવાર બન્યું જ્યારે દેશની સત્તા કોઈ મહિલાના હાથમાં આવી. તબીબોના મતે રાષ્ટ્રપતિ બિડેન સંપૂર્ણપણે સ્વસ્થ છે અને પોતાના કામ માટે ફિટ છે. જો કે ડોક્ટરે તેની વધતી ઉંમર અંગે ચિંતા વ્યક્ત કરી છે.

અમેરિકા

85 મિનિટ સુધી હેરિસના હાથમાં હતી અમેરિકાની સત્તા

વ્હાઇટ હાઉસે અહેવાલ આપ્યો કે બિડેને યુએસ સમય અનુસાર સવારે 10.10 વાગ્યે ફરજો સ્થાનાંતરિત કરી અને સવારે 11.35 વાગ્યે સત્તા પર નિયંત્રણ ફરી પોતાના હાથમાં લઇ લીધું હતું. રાષ્ટ્રપતિની કોલોનોસ્કોપી વોશિંગ્ટનની બહાર વોલ્ટર રીડ મિલિટરી હોસ્પિટલમાં કરવામાં આવી હતી. વ્હાઇટ હાઉસના પ્રવક્તા જેન સાકીએ જણાવ્યું હતું કે કોલોનોસ્કોપી પછી રાષ્ટ્રપતિએ હેરિસ અને વ્હાઇટ ઓફિસના ચીફ ઓફ સ્ટાફ રોન ક્લેઇન સાથે વાત કરી હતી અને તેઓ સારા મૂડમાં હતા. બિડેનના હોસ્પિટલમાં રહેવા દરમિયાન ઉપપ્રમુખે તેમની વેસ્ટ વિંગ સ્થિત કાર્યાલય માંથી કામ કર્યું હતું.

અમેરિકા

જણાવી દઈએ કે આ પહેલા પણ રાષ્ટ્રપતિની સત્તા ઉપરાષ્ટ્રપતિને ટ્રાન્સફર કરવામાં આવી છે જ્યારે વર્ષ 2002 અને 2007માં તત્કાલિન રાષ્ટ્રપતિ જ્યોર્જ ડબલ્યુ બુશે કોલોનોસ્કોપી કરાવી હતી. કોલોનોસ્કોપીમાં ટ્યુબ નાખીને મોટા આંતરડાની તપાસ કરવામાં આવે છે. યુ.એસ.માં, તે રૂટીન પ્રોસેસ છે કે જ્યારે રાષ્ટ્રપતિ આવી તબીબી પરિસ્થિતિઓમાંથી પસાર થાય છે, ત્યારે રાષ્ટ્રપતિની સત્તા ઉપરાષ્ટ્રપતિને સોંપવામાં આવે છે. રાષ્ટ્રપતિ સત્તા સ્થાનાંતરિત કરવાનો અધિકાર યુએસ બંધારણના 25મા સુધારાની કલમ-3 હેઠળ આપવામાં આવ્યો છે. રાષ્ટ્રપતિ કાર્યકારી રાષ્ટ્રપતિ તરીકે ઉપરાષ્ટ્રપતિની નિમણૂકની જાહેરાત કરવા માટે અમેરિકી સંસદના હાઉસ ઓફ રિપ્રેઝન્ટેટિવ્સ અને સેનેટના અસ્થાયી પ્રમુખને પત્ર લખી શકે છે.

અમેરિકા

20 નવેમ્બરે બિડેન ઉજવશે પોતાનો જન્મદિવસ

બિડેન યુનાઇટેડ સ્ટેટ્સના રાષ્ટ્રપતિ તરીકે પદ સંભાળનાર દેશના ઇતિહાસમાં સૌથી વૃદ્ધ વ્યક્તિ છે. બિડેન 20 નવેમ્બર શનિવારના રોજ આજે પોતાનો 79મો જન્મદિવસ ઉજવશે. આ પહેલાં પણ કમલા હેરિસ ઉપરાષ્ટ્રપતિ બનીને અનેક ‘ફર્સ્ટ’ પોતાના નામે કરી ચૂક્યાં છે. તેઓ અમેરિકાના પ્રથમ અશ્વેત અને પ્રથમ દક્ષિણ એશિયામાં જન્મેલા ઉપરાષ્ટ્રપતિ બન્યાં.

Read Also

Related posts

દિલ્હી / એશિયાની સૌથી મોટી કાપડ માર્કેટની દુકાનમાં ભીષણ આગ, લાખો રૂપિયાનો માલ સામાન બળીને ખાખ

Hardik Hingu

મોટી દુર્ઘટના ટળી / હરિયાણામાં રાવણનું સળગતું પૂતળું ભીડ પર પડ્યું, 7 લોકો દાઝ્યા

Hardik Hingu

અમદાવાદ / પનીરમાંથી નીકળી જીવાત, હોટેલ દેવ પેલેસ સહીત ત્રણ એકમો સીલ

Hemal Vegda
GSTV