આસામમાં ભારે વરસાદ અને પૂરના કારણે સ્થિતિ ગંભીર છે. રાજ્યના 28 જિલ્લાઓમાં 33 લાખથી વધુ લોકો પૂરથી પ્રભાવિત થયા છે. નાગાંવ જિલ્લાના 155 ગામો હજુ પણ ડૂબી ગયા છે. ઠેર-ઠેર પાણી ઘુસવાને કારણે લોકો હાઇવેની બાજુમાં તંબુ બાંધીને રહેવા મજબૂર બન્યા છે.
નાગાંવના રાહા વિધાનસભા ક્ષેત્રમાં પૂરથી લગભગ 1.42 લાખ લોકો ખરાબ રીતે પ્રભાવિત થયા છે. તેમના ઘરો ડૂબી ગયા છે. ન્યૂઝ એજન્સી ANI અનુસાર, સેંકડો લોકોએ તેમના ઘર છોડીને હાઇવે અને રોડની બાજુમાં તંબુઓમાં રહેવું પડ્યું છે. પાણી ન મળવાને કારણે પરિસ્થિતિ જલ્દી સુધરવાની આશા નથી. કેન્દ્રીય મંત્રી સર્બાનંદ સોનોવાલે તાજેતરમાં વિસ્તારની મુલાકાત લીધી હતી અને પરિસ્થિતિનો તાગ મેળવ્યો હતો.
રાહત શિબિરોમાં શાળાઓની સ્થાપના
નાગાંવ જિલ્લામાં બાળકોને રાહત શિબિરોમાં પ્રી-સ્કૂલ પ્રવૃત્તિઓ કરવી પડે છે. ઈન્ટીગ્રેટેડ ચાઈલ્ડ ડેવલપમેન્ટ સર્વિસીસના સુપરવાઈઝર એન.ડી.ડોલેએ જણાવ્યું હતું કે પ્રિ-સ્કૂલ એક્ટિવિટીઓમાં સવારની પ્રાર્થના, કસરત, ચિત્રકામ શીખવવામાં આવે છે.
1126 કેમ્પમાં 2.65 લાખ લોકો રહે છે
આસામના ડિઝાસ્ટર મેનેજમેન્ટ ઓથોરિટી અનુસાર, તમામ 28 જિલ્લાઓમાં 33 લાખથી વધુ લોકો પૂરથી પ્રભાવિત છે. 2.65 લાખથી વધુ લોકો રાહત શિબિરોમાં રહે છે. પૂર અને વરસાદ સંબંધિત અકસ્માતોને કારણે અત્યાર સુધીમાં 118 લોકોએ જીવ ગુમાવ્યા છે.
Read Also
- બિપાશા બાસુએ બોલ્ડ અંદાજમાં પ્રેગ્નન્સીની જાહેરાત કરી, 43 વર્ષની ઉંમરે એક્ટ્રેસ બનશે માતાઃ ફોટો જોતાં તમે પણ આહ પોકારી જશો
- ફૂટબોલના રસ્તા પર ચાલી રહ્યું છે ક્રિકેટ, કપિલ દેવને સતાવી રહી છે આ વાતની ચિંતા
- હિંદુ ધર્મમાં પવિત્ર પ્રતિક મનાતા સ્વસ્તિક પર ઓસ્ટ્રેલિયાએ મૂક્યો પ્રતિબંધ, કેનેડાએ અગાઉ આ બાબતે માગવી પડી હતી માફી
- સુરત/ અલ્પેશ કથીરિયાના ભાઇએ કરી મારામારી, હોબાળો મચાવતા ઉઠાવી ગઇ ક્રાઇમ બ્રાન્ચ
- ટાર્ગેટ કિલિંગ/ જમ્મુ-કાશ્મીરમાં આતંકીઓએ બે કાશ્મીરી હિંદુ ભાઇઓ પર અંધાધૂંધ વરસાવી ગોળીઓ, એકનું મોત