GSTV

આજે સુપ્રીમ કોર્ટમાં નક્કી થશે કે રામ-જન્મભૂમી વિવાદ કેસ મુદ્દે સુનાવણી કેવી રીતે કરવી?

ram mandir verdict

Last Updated on January 10, 2019 by

દેશમાં બહુચર્ચિત રામ-જન્મભૂમી વિવાદ કેસની આજથી સુપ્રીમ કોર્ટમાં સુનાવણી થઇ રહી છે. આ સુનાવણી સીજેઆઇ રંજન ગોગોઇની આગેવાનીવાળી પાંચ જજોની ખંડપીઠમાં થશે. આજની સુનાવણીમાં નક્કી થશે કે સુપ્રીમ કોર્ટમાં અયોધ્યા કેસની સુનાવણી દરરોજ થશે કે પછી અન્ય કેસની જેમ જ થશે. સુપ્રીમ કોર્ટે આ કેસને પોતાની પ્રાયોરીટીમાં મુકશે કે નહીં. સામાન્ય રીતે બંધારણીય ખંડપીઠ કોઇ મુદ્દે બેસે તો તે જ કેસની સુનાવણી હાથ ધરે છે. આવી સુનાવણી સપ્તાહમાં મંગળવાર, બુધવાર અને શુક્રવારના રોજ યોજાય છે. આ પહેલા 4 જાન્યુઆરીના રોજ સુપ્રીમ કોર્ટે માત્ર 60 સેકન્ડમાં સુનાવણી આટોપી લીધી હતી. અને વધુ સુનાવણી માટે 10 જાન્યુઆરીની તારીખ નક્કી કરી દીધી હતી.

આ પહેલા અયોધ્યા કેસમાં સુપ્રીમ કોર્ટમાં સુનાવણી દરમિયાન હિન્દુ મહાસભાના વકીલે કહ્યું હતુ કે જો નવી ખંડપીઠ કેસની સુનાવણી દરરોજ કરે તો વર્ષો જૂનો આ વિવાદ 60 દિવસમાં ઉકેલાઇ જશે. હિન્દુ મહાસભાના વકીલે કહ્યું હતુ કે તે સુનાવણી દરમિયાન ખંડપીઠ સમજ પોતાની વાત રાખશે. અને દરરોજ સુનાવણી માટે કોર્ટને અપીલ કરશે. તેમણે કહ્યું કે આ કેસમાં બંને પક્ષો તરફથી પોતાના પક્ષ રજૂ થઇ ચુક્યા છે. ડોક્યુમેન્ટ્સનું આદાન-પ્રદાન થઇ ચુક્યું છે. ટ્રાન્સલેશનની પ્રક્રિયા પણ પૂર્ણ થઇ ચુકી છે.

અયોધ્યા કેસની સુનાવણી માટે સુપ્રીમ કોર્ટે પાંચ જજોની જે ખંડપીઠની રચના કરી છે તેની આગેવાની ચીફ જસ્ટીસ રંજન ગોગોઇ કરી રહ્યા છે. આ ખંડપીઠમાં જસ્ટિસ એસએ બોબડે. જસ્ટીસ એનવી રમના. જસ્ટિસ યૂયૂ લલિત. જસ્ટિસ ડીવાઇ ચંદ્રચૂડ સામેલ છે. સુનાવણી કરનારી ખંડપીઠમાં ચીફ જસ્ટિસ ઉપરાંત તે ચાર જજ છે કે જેઓ ભવિષ્યમાં ચીફ જસ્ટિસના પદ માટે દાવેદાર છે. સુપ્રીમ કોર્ટે 8 જાન્યુઆરીએ જ પાંચ જજની ખંડપીઠની રચના કરી હતી.

Related posts

ઉત્તરાખંડ અને કાશ્મીરમાં ભારે બરફવર્ષા/ દિલ્હીમાં આજે બદલાશે તાપમાન, ઘાટીમાં મોટા ભાગની જગ્યા પર શૂન્ય તાપમાન

Pravin Makwana

મોટા સમાચાર/ દિલ્હીમાં નોંધાયો ઓમિક્રોનનો પ્રથમ કેસ, દેશમાં ઓમિક્રોનના કુલ 5 કેસ થયાં, સ્વાસ્થ્ય મંત્રીએ આપી જાણકારી

Pravin Makwana

જામનગરમાં ઓમિક્રોનનો પ્રથમ નોંધાતા ચિંતા વ્યાપી/ મોરકંડા રોડ પરની સોસાયટીમાં કન્ટેઈન્મેન્ટ ઝોન જાહેર, પતરા લગાવી દીધા

Pravin Makwana
Do NOT follow this link or you will be banned from the site!