GSTV

મોદી સરકારની દરખાસ્ત ખેડૂતોએ ફગાવી/ કૃષિ કાયદા રદ કરવાની માગ પર અડગ રહ્યા ખેડૂત સંગઠન

દિલ્હીની સરહદ પર સતત 57 માં દિવસથી નવા કૃષિ કાયદા સામે ખેડૂતો આંદોલન કરી રહ્યા છે. ગુરૂવારે સંયુક્ત કિસાન મોરચાની મહાસભાની બેઠક દરમિયાન કેન્દ્ર સરકાર દ્વારા દોઢ વર્ષ માટે કાયદાને સ્થગિત કરવાનાં પ્રસ્તાવને ફગાવી દેવામાં આવ્યો છે. તમામ ખેડુતોએ MSP પર ત્રણેય કાયદાને રદ કરવા અને કાયદા ઘડવાની માંગને પુનરાવર્તિત કરી.

ખેડૂત નેતા જોગીન્દરસિંહ ઉગરાહાએ કહ્યું કે સંયુક્ત કિસાન મોરચા દ્વારા નિર્ણય લેવામાં આવ્યો છે કે જ્યાં સુધી તેઓ કાયદાઓ રદ નહીં કરે ત્યાં સુધી સરકારની કોઈપણ દરખાસ્તો સ્વીકારવામાં આવશે નહીં. આવતીકાલની સરકાર સાથેની બેઠકમાં, અમે કહીશું કે અમારી એક જ માંગ છે, કાયદાઓને રદ કરવા અને એમએસપી પર કાયદા બનાવવાની. આ સર્વસંમતિથી નિર્ણય લેવામાં આવ્યો છે.

મળતી માહિતી મુજબ, ખેડૂત સંગઠનો અને કેન્દ્ર સરકાર વચ્ચે બુધવારે યોજાયેલી 10 માં રાઉન્ડની વાતચીતમાં સરકારે વધુ એક પગલું આગળ વધીને આ કાયદાને દોઢ વર્ષ સુધી મુલતવી રાખવાની દરખાસ્ત કરી હતી, જેની આજે સંયુક્ત કિસાન મોરચાની બેઠકમાં વિચારણા કરવામાં આવી હતી. ગયો શુક્રવારે 11 મી રાઉન્ડની મીટિંગમાં ખેડુતો તેમના નિર્ણય અંગે સરકારને માહિતી આપશે. કેન્દ્રીય કૃષિ મંત્રી નરેન્દ્રસિંહ તોમરે ગઈકાલે કહ્યું હતું કે ખેડૂત સંગઠનો સાથે ખૂબ જ સકારાત્મક વાતચીત થઈ છે.

ચર્ચા દરમિયાન અમે કહ્યું કે સરકાર કૃષિ કાયદા એક કે દોઢ વર્ષ રાખવા માટે તૈયાર છે. મને ખુશી છે કે ખેડૂત સંઘોએ તેને ખૂબ ગંભીરતાથી લીધું છે અને કહ્યું છે કે તેઓ આવતીકાલે આ અંગે વિચારણા કરશે અને 22 જાન્યુઆરીએ પોતાનો નિર્ણય જણાવી દેશે. તોમરે કહ્યું કે મને લાગે છે કે વાટાઘાટો સાચી દિશામાં આગળ વધી રહી છે અને 22 જાન્યુઆરીએ એક પ્રસ્તાવ મળે તેવી સંભાવના છે. મીટિંગ દરમિયાન તમામ મુદ્દાઓ પર વિગતવાર ચર્ચા કરવામાં આવી.

READ ALSO

Related posts

પૂર્વ નાણામંત્રીની કોંગ્રેસ હાઇકમાન્ડને અપીલ, પ્રિયંકા ગાંધીને કન્યાકુમારીથી ઉમેદવાર બનાવવા કરી વિનંતી

Pritesh Mehta

સરકારી નોકરી: જૂનિયર એન્જિનીયર અને ટેકનિકલ ઓફિસર સહિતની કેટલીય જગ્યાઓ માટે આવી ભરતી, 537 જગ્યાઓ છે ખાલી

Pravin Makwana

બંગાળ ચૂંટણી: કોંગ્રેસ પાર્ટીએ જાહેર કરી ઉમેદવારોની યાદી, અગાઉ ભાજપ અને ટીએમસી જાહેર કરી ચુક્યા છે યાદી

Pravin Makwana
Do NOT follow this link or you will be banned from the site!