ચિરાગ પાસવાન અને પશુપતિ કુમાર પારસ વચ્ચે વિવાદ અટકવાનું નામ નથી લઇ રહ્યો. દરમિયાન, હવે ચૂંટણી પંચે લોક જનશક્તિ પાર્ટીના ચૂંટણી પ્રતીક ‘બંગલા’ ને ફ્રિઝ કરી દીધું છે. આયોગના નિર્ણય મુજબ હવે બંને નેતાઓ અને તેમના પક્ષના લોકો લોક જનશક્તિ પાર્ટીના પ્રતીકનો ઉપયોગ કરી શકશે નહીં.
LJP નું ચૂંટણી ચિહ્ન ફ્રિઝ કરવાની સાથે ચૂંટણી પંચે કહ્યું કે ચિરાગ પાસવાન અને પશુપતિ પારસ બંનેને પક્ષના પ્રતીકનો ઉપયોગ કરવાની મંજૂરી આપવામાં આવશે નહીં. ચૂંટણી પંચે બંને પક્ષોને વચગાળાનો ઉકેલ શોધવાનું પણ કહ્યું છે. ચૂંટણી પંચે કહ્યું છે કે બન્ને પક્ષોએ ટૂંક સમયમાં પક્ષના નામ અને પ્રતીક સંબંધિત વિવાદનો ઉકેલ લાવવો જોઈએ.
Election Commission of India (ECI) freezes Lok Janshakti Party's symbol amid tussle between factions of Chirag Pawan and Pashupati Kumar Paras pic.twitter.com/YmWQb5tyMe
— ANI (@ANI) October 2, 2021
પેટા ચૂંટણી પહેલા ચૂંટણી પંચનો મોટો નિર્ણય
ચૂંટણી પંચનો આ નિર્ણય એવા સમયે આવ્યો છે જ્યારે બિહારમાં બે વિધાનસભા બેઠકો પર પેટાચૂંટણી યોજાવાની છે. મુંગેરના તારાપુર અને દરભંગાના કુશેશ્વરસ્થાનમાં 30 ઓક્ટોબરે મતદાન થશે. પેટા ચૂંટણી માટે નોમિનેશન પ્રક્રિયા શરૂ થઈ ગઈ છે. આવી સ્થિતિમાં લોક જનશક્તિ પાર્ટીએ ટૂંક સમયમાં વિવાદનો ઉકેલ લાવવો પડશે.
ચિરાગ પાસવાને ચૂંટણી પંચને પત્ર લખ્યો
હકીકતમાં, લાંબા સમયથી ચિરાગ પાસવાન અને પશુપતિ પારસ વચ્ચે પાર્ટી પર અલગ અલગ દાવા રજૂ કરવામાં આવી રહ્યા છે. ચિરાગે તાજેતરમાં જ ચૂંટણી પંચને એક પત્ર લખીને તેના કાકા પશુપતિ પારસના પક્ષના વડા હોવાના દાવાને ફગાવી દેવાની વિનંતી કરી હતી.
એલજેપીના સ્થાપક રામવિલાસ પાસવાનના નિધન બાદ જ કાકા અને ભત્રીજા વચ્ચે વિવાદ શરૂ થયો હતો. રામવિલાસ પાસવાનના અવસાન બાદ પક્ષના પ્રદર્શનથી નારાજ પાંચ સાંસદોએ પશુપતિ પારસના નેતૃત્વમાં બળવો કર્યો. પોતાની જાતને વાસ્તવિક જનશક્તિ પક્ષ ગણાવતા પારસ જૂથે લોકસભા સ્પીકર પાસે સ્થાન માંગ્યું હતું, જે મંજૂર કરવામાં આવ્યું હતું. આ સાથે, આ જૂથનું નેતૃત્વ કરનાર પશુપતિ પારસને પણ કેન્દ્રીય કેબિનેટમાં સામેલ કરવામાં આવ્યા હતા. તે જ સમયે, ચિરાગ પણ તેમના જૂથને વાસ્તવિક એલજેપી કહેતા રહ્યા.
ALSO READ
- રખડતા પશુઓ / ચાલુ વર્ષે ૧૪૮૯૯ રખડતાં ઢોર પકડી ૧.૪ કરોડનો વસૂલાયો દંડ છતાં પરિસ્થિતિ ઠેરની ઠેર
- ટાઈમ મેગેઝિન 100 સૌથી પ્રભાવશાળી લોકોની યાદી જાહેર, ગૌતમ અદાણી, કરુણા નંદી અને ખુર્રમ પરવેઝના નામ સામેલ
- સતર્કતા! કોરોના વચ્ચે મંકીપોક્સે વધારી ચિંતા, મુંબઈ એરપોર્ટ પર એલર્ટ
- ઇસુદાન ગઢવીએ ધ્રોલમાં આપઘાત કરનારા ખેડૂતના પરિવારજનો સાથે કરી મુલાકાત, આર્થિક સહાય કરવા સરકાર પાસે કરી માંગ
- પ્રેમ કહાનીનો ભયાનક અંત:વલસાડમાં પ્રેમિકાની ગળું દબાવી હત્યા કર્યા બાદ પ્રેમીએ પણ તળાવમાં ઝંપલાવી જિંદગી ટુંકાવી