GSTV
India News ટોપ સ્ટોરી

એકનાથનો દાવો અમારા ગ્રુપમાં સંપૂર્ણ એકતા, અમારા જૂથમાં પૂરા 50 MLA, બધા તેમની મરજી અને રાજીપાથી આવ્યા

શિવ સેનાના બળવાખોર જૂથના નેતા એકનાથ શિંદેએ  મંગળવારે  ખોંખોરો ખાઇને કહ્યું હતું કે  શિવ સેના અમારી વિરુદ્ધ જે કોઇ   જાતજાતના દાવા કરે છે તેને હું જાહેરમાં પડકારું છું. શિવ સેનાના બધા દાવા અને આક્ષેપો સાવ પાયાહીન છે. અમારા જૂથમાં મજબૂત એકતા અને સંપ છે.

શિંદેએ  પત્રકારો સાથે વાત કરતાં આવી ભારપૂર્વક સ્પષ્ટતા  કરી

એકનાથ શિંદેએ  પત્રકારો સાથે વાત કરતાં આવી ભારપૂર્વક સ્પષ્ટતા  કરી હતી શિવ સેનાના પ્રમુખ ઉદ્ધવ ઠાકરેને  સણસણતો જવાબ આપતાં એકનાથ શિંદેએ કહ્યું  હતું કે હું બહુ જલ્દી મુંબઇ આવીશ. વળી, ઉદ્ધવ ઠાકરે સાથે  ઓછામાં ઓછા ૨૯  MLA સંપર્કમાં છે એવા શિવ સેનાના દાવાને હું પડકાર ફેંકું છું. અમારા કયા કયા MLAઉદ્ધવ ઠાકરે સાથે સંપર્કમાં છે  મને તે બધાંના નામ આપો અથવા તમે  જાહેર કરો.  

છેલ્લા એક-બે દિવસથી શિવ સેનાના અગ્રણીઓ એવી હવા ફેલાવી રહ્યા  છે કે ગુવાહાટીમાં એકનાથ શિંદે સાથે જે વિધાનસભ્યો છે તેમાંનાં ઓછામાં ઓછા  ૨૦ વિધાનસભ્યો ઉદ્ધવ ઠાકરેના સંપર્કમાં છે. આ બધા સભ્યો મુંબઇ આવવા ઇચ્છે છે. 

શિવ સેનાના પાયાના પથ્થર જેવા એકનાથ શિંદેએ પત્રકારો સાથે વાતચીત  કરતાં    ભરપૂર આત્મવિશ્વાસ સાથે  કહ્યું હતું કે અમારા જૂથમાં પૂરા 50 વિધાનસભ્યો છે.વળી, આ તમામ ૫૦  વિધાનસભ્યો  તેમની   સંપૂર્ણ  મરજી, સંમતિ અને રાજીપાથી   અહીં આવ્યા   છે. અમારા જૂથના બધા વિધાનસભ્યોનો એક જ હેતુ છે, શુદ્ધ  હિન્દુત્વની રક્ષા કરો. 

READ ALSO

Related posts

હિંદુ ધર્મમાં પવિત્ર પ્રતિક મનાતા સ્વસ્તિક પર ઓસ્ટ્રેલિયાએ મૂક્યો પ્રતિબંધ, કેનેડાએ અગાઉ આ બાબતે માગવી પડી હતી માફી

Binas Saiyed

ટાર્ગેટ કિલિંગ/ જમ્મુ-કાશ્મીરમાં આતંકીઓએ બે કાશ્મીરી હિંદુ ભાઇઓ પર અંધાધૂંધ વરસાવી ગોળીઓ, એકનું મોત

Bansari Gohel

મોંઘવારીનો માર/ અમૂલે દૂધના ભાવમાં એક ઝાટકે કર્યો આટલા રૂપિયાનો વધારો, આવતી કાલથી થશે લાગુ

Bansari Gohel
GSTV