ગુજરાતના દ્વારકા નજીક શુક્રવારે બપોરે 5.3ની તીવ્રતાનો ભૂકંપ આવ્યો હતો. ભૂકંપનું કેન્દ્ર દ્વારકાથી 556 કિમી પશ્ચિમમાં (પશ્ચિમ) હતું. ભૂકંપ ભારતીય સમય અનુસાર 12.37 વાગ્યે સપાટીથી 10 કિમીની ઊંડાઈએ આવ્યો હતો. જો કે એક દિવસ પહેલા ગુરુવારે હિમાચલ પ્રદેશના કાંગડા જિલ્લામાં ભૂકંપના આંચકા અનુભવાયા હતા. રાહતની વાત એ છે કે ભૂકંપના કારણે કોઈ જાન-માલનું નુકસાન થયું નથી.કાંગડાના મંડોલમાં ગુરુવારે બપોરે 2 વાગ્યે ભૂકંપના આંચકા અનુભવાયા હતા. રિક્ટર સ્કેલ પર ભૂકંપની તીવ્રતા ત્રણ માપવામાં આવી છે. ભૂકંપનું કેન્દ્ર જમીનની નીચે પાંચ કિલોમીટરની ઊંડાઈએ હતું.
Earthquake Magnitude 5.3.
— Prasar Bharati News Services पी.बी.एन.एस. (@PBNS_India) March 25, 2022
556km W of Dwarka, Gujarat, India
2022-03-25 12:37:29 (IST)
Lat: 21.90, Long: 63.58
Depth: 10km
Event Status: Reviewed pic.twitter.com/zz89Svlwj6
1 મહિના પહેલા કચ્છમાં ભૂકંપ આવ્યો હતો
કચ્છ જિલ્લામાં એક મહિના પહેલા 3.4ની તીવ્રતાનો ભૂકંપ આવ્યો હતો, પરંતુ કોઈ જાનહાનિ થઈ નથી. જિલ્લા વહીવટીતંત્રના એક અધિકારીએ જણાવ્યું હતું કે, ભૂકંપને કારણે કોઈ જાનહાની થઈ નથી. ગાંધીનગર સ્થિત ઇન્સ્ટિટ્યૂટ ઓફ સિસ્મિક રિસર્ચ (ISR) અનુસાર, ભચાઉ નજીક બપોરે 12:05 વાગ્યે આંચકા અનુભવાયા હતા. ભૂકંપનું કેન્દ્ર ભચાઉથી 12 કિમી ઉત્તર-ઉત્તરપશ્ચિમમાં 12 કિમીની ઊંડાઈએ હતું.જિલ્લા વહીવટીતંત્રના એક અધિકારીએ જણાવ્યું કે ભૂકંપના કારણે કોઈ જાનહાની કે સંપત્તિના નુકસાનના અહેવાલ નથી. કચ્છ ‘વેરી હાઈ રિસ્ક’ સિસ્મિક ઝોનમાં આવેલું છે અને ત્યાં નીચી તીવ્રતાના ધરતીકંપના આંચકા નિયમિતપણે અનુભવાય છે.
2011માં પણ ભૂકંપ આવ્યો હતો
કચ્છ જિલ્લામાં જાન્યુઆરી 2001માં 6.9ની તીવ્રતાનો ભૂકંપ આવ્યો હતો. જેના કારણે રાજ્યમાં અનેક લોકોએ જીવ ગુમાવ્યા હતા અને લાખોની મિલકતને નુકસાન થયું હતું. આ ભૂકંપના કારણે ઘણા લોકો બેઘર બન્યા હતા. આ કુદરતી આફતમાં લગભગ 20 હજાર લોકોએ જીવ ગુમાવ્યા અને હજારો ઘાયલ થયા. અમદાવાદ અને અન્ય શહેરોમાં પણ ભૂકંપના આંચકા અનુભવાયા હતા. પરંતુ ભુજમાં તેની અસર વધારે વર્તાઈ હતી અને લાખો લોકો બેઘર થઈ ગયા હતા. લગભગ 8,000 ગામડાઓમાં ભૂકંપની અસર જોવા મળી હતી. ઘણા લોકોના મકાનો ધરાશાયી થઈ ગયા અને લોકો કાટમાળમાં દટાઈ ગયા.
READ ALSO
- વલસાડ / સરકારી જમીન પર કબ્જાની ફરિયાદ કરનાર પર હુમલો કરનારા 15 લોકો સામે નોંધાયો રાયોટીંગનો ગુનો, જાણો શું છે મામલો
- પંજાબ / મુખ્યમંત્રી માન સહિત એક મંત્રી પર માનહાનિનો કેસ, જાણો શું છે સમગ્ર મામલો
- નડિયાદ / સ્કૂલમાં વિધર્મી વિદ્યાર્થીઓએ ગરબામાં ઘુસી શાંતિ ડહોળવાનો કર્યો પ્રયાસ, પ્રિન્સિપાલ અને વિધર્મી શિક્ષકને સસ્પેન્ડ કરવાની માંગ
- રાજસ્થાન / ગેહલોત-પાયલોટના ઘમાસાણ વચ્ચે પીએમ મોદીએ મોડા પડવા બદલ માફી માંગી, ‘હું ફરી આવીશ’
- ગાંધીનગર / કાલોલ અડાલજ હાઇવે પર હિટ એન્ડ રનની ઘટના, વાહનની અડફેટે એક યુવાનનું મોત, એક ગંભીર