GSTV

VIDEO : વિકાસને ‘થીગડા’ મારવામાં આવતા હવે ડોનાલ્ડ ટ્રમ્પને ગુજરાતની ગરીબી નહીં દેખાય

Last Updated on February 14, 2020 by Mayur

ડોનાલ્ડ ટ્રમ્પની મુલાકાતને પગલે અમદાવાદ શહેરમાં પૂરજોશમાં તૈયારીઓ થઇ રહી છે. જોકે,એરપોર્ટ નજીક આવેલી ઝૂંપડપટ્ટીને તો આખેઆખી ઢાંકી દેવાઇ છે કેમકે,રખે ને અમેરિકન રાષ્ટ્રપ્રખુખની આ ગરીબોના ઝૂંપડા પર નજર ન પડી જાય. આ માટે મ્યુનિ.કોર્પોરેશનને ઝૂંપડપટ્ટી ન દેખાય તે રીતે આખી દિવાલ જ ચણી લીધી છે.

અમેરિકન રાષ્ટ્રપ્રમુખ ટ્રમ્પને જયાં દુનિયાનું સૌથી મોટુ સ્ટેડિયમ આકાર પામ્યું છએ તે અમદાવાદ શહેરના વિકાસની છાંટ પણ જોવા મળશે તે માટે નવા નક્કોર માર્ગો બનાવાયાં છે.રસ્તાની  બંન્ને રંગીન ફુલોની જમાવટ કરાશે ત્યારે એરપોર્ટની નજીક આવેલા ઝૂપડા શહેરના વિકાસની પોલ ખોલે તેમ હતાં તેના કારણે આ ઝૂંપડપટ્ટી ન દેખાય તે માટે તંત્રે આયોજન કર્યુ હતું.

આ અગાઉ ચીન-જાપાનના રાષ્ટપ્રમુખે અમદાવાદની મુલાકાત લીધી ત્યારે આ જ ઝૂંપડપટ્ટીને લીલા રંગના કાપડથી ઢાંકી દેવાઇ હતી પણ આ વખતે તો ઝૂંપડપટ્ટીના આગળના ભાગે સાત ફુટ ઉંચી દિવાલ ચણી લેવાઇ છે.

હવે આ દિવાલ પર કલાત્મક પેઇન્ટીંગ કરાશે જેના કારણે દિવાલની પાછળની અસલી હકીકત છૂપાઇ જશે. ટ્રમ્પને ગુજરાતની ગરીબીના દર્શન નહી થાય. જોકે,સાત ફુટ ઉંચી દિવાલ ચણી લેવાતાં ઝૂંપડાવાસીઓ તો રોષે ભરાયાં હતાં. તેમનુ કહેવુ છેકે, જયારે પણ કોઇ મહાનુભાવો આવે ત્યારે મ્યુનિ.તંત્ર-સરકારને જાણે અમારાથી  શરમ આવે છે અને અમારાં ઝુંપડા આગળ કયારે કપડું લગાવી દેવાય છે તો કયાર દિવાલ ચણી લેવાય છે.

READ ALSO

Related posts

માતમમાં ફેરવાઈ ખુશીઓની પળ! લગ્ન પ્રસંગમાં પડી આકાશી વીજળી, 16 લોકો જીવતા ભૂંજાયા: અનેક ઘાયલ

pratik shah

IND vs ENG: જસપ્રિત બુમરાહ- મોહમ્મદ શામીની ઘાતક બોલિંગ સામે અંગ્રેજો બન્યા પાંગળા, પ્રથમ ટેસ્ટમાં સામાન્ય સ્કોર પર ઓલઆઉટ

pratik shah

ખતરો વધ્યો: ચીનના વુહાનમાં ફેલાયો ઘાતક વાયરસ,મુખ્ય શહેરોમાં ફરી વખત પ્રતિબંધો લાગુ

pratik shah
Do NOT follow this link or you will be banned from the site!