GSTV

મહિલા કઈં પણ ખાતી તો ગાલ સૂજી જતો, ઓપરેશનમાં લાળ ગ્રંથીમાંથી નીકળ્યું એવું કે બની ગયો વર્લ્ડ રેકોર્ડ

66 વર્ષની એક ઈરાકી મહિલાને એક એવી મુશ્કેલી આવી ગઈ કે, તે કઈં પણ ખાય તો તેના ગાલ સૂજી જતા. આ સોજો એટલો બધો આવતો કે, તે ઘરમાંથી બહાર પણ નહોંતી નીકળી શકતી. તપાસ કરાવી તો કઈંક આશ્ચર્યજનક નિદાન આવ્યું. તેની લાળ ગ્રંથીમાં પથરી હતી. જેના કારણે સોજો આવી જતો હતો. આ પથરી એક-બે નહીં પણ 53 હતી.

રાજધાની દિલ્હી સ્થિત સર ગંગારામ હોસ્પિટલના ડૉક્ટરોએ આ મહિલાનું ઓપરેશન કર્યું અને લાળગ્રંથીમાંથી 53 પથરીઓ કાઢી. ડૉક્ટરોએ દાવો કર્યો છે કે, લાળાગ્રંથીમાં એકસાથે આટલી પથરી મળવાનો અને કાઢવાનો આ દુનિયાનો પહેલો કેસ છે.

સર્જરી કરનારી ટીમના ડૉક્ટર અને ગંગારામ હોસ્પિટલમાં ઈએનટીના કંસલન્ટન્ટ ડૉ. વરૂણ રાયે કહ્યું કે, આ બહુ મોટો પડકાર હતો કે, માત્ર 3 મિમી પહોળી નળીમાં કોઇ જખમ ન થાય એ રીતે પથરીઓને કાઢવામાં આવે. આખી પ્રક્રિયામાં બે કલાક લાગ્યા.

લાળ ગ્રંથીમાંથી 25 કરતાંવધારે પથરીઓ કાઢવાનો કેસ હજી સુધી ક્યાંય જોવા મળ્યો નથી. લાળગ્રંથીમાં પથરીના કેસ દુનિયામાં 0.02 ટકા કરતાં પણ ઓછા છે. જેમાં 53 પથરીઓ કાઢવી એ દુર્લભ કેસ છે. મહિલા કઈં પણ ખાતી તો તેની લાળ ગ્રંથીમાંથી લાળ નીકળી શકતી નહોંતી અને ચહેરો સૂજી જતો હતો. પથરીઓ લાળને નીકળવા દેતી નહોંતી.

Related posts

કોરોના/ સરકારે આપી ધોરણ ૯થી૧૨ની હોસ્ટેલો શરૃ કરવા મંજૂરી, જાણો શું છે ગાઇડલાઇન

Damini Patel

પ્રવાસીઓનું આકર્ષણ વધારવા સરકારનું મોટું પગલું, ઐતિહાસિક અડાલજની વાવ પાસે થીમપાર્ક બનશે

Damini Patel

મોદી સરકારની મોટી તૈયારી: પ્રાઈવેટ જોબ હોય કે સરકારી, દરેક કર્મચારીઓને મળવાની છે મોટી ગિફ્ટ

Pravin Makwana
Do NOT follow this link or you will be banned from the site!