GSTV

સિનસિનાટી માસ્ટર્સ : પાઉલેને હરાવીને યોકોવિચ સેમિ ફાઈનલમાં

Last Updated on August 18, 2019 by Mayur

સર્બિયાના વર્લ્ડ નંબર વન ટેનિસ સ્ટાર યોકોવિચે ફ્રાન્સના લુકાસ પાઉલેને ૭-૬ (૭-૨), ૬-૧થી હરાવીને સિનસિનાટી માસ્ટર્સની સેમિ ફાઈનલમાં પ્રવેશ મેળવી લીધો હતો. યોકોવિચે  એક કલાક અને ૨૬ મિનિટના સંઘર્ષ બાદ વિજય મેળવતા અંતિમ ચારમાં સ્થાન મેળવ્યું હતુ. સર્બિયન ટેનિસ સ્ટારે આ સાથે સતત પાંચમી ટુર્નામેન્ટમાં અંતિમ ચારમાં સ્થાન પ્રાપ્ત કર્યું હતુ.

હવે સેમિ ફાઈનલમાં યોકોવિચની ટક્કર રશિયાના મેડ્વેડેવ સામે થશે. નવમો સીડ ધરાવતા રશિયાના મેડ્વેડેવે ફેડરરને હરાવનારા રશિયાના જ રૃબ્લોવને સીધા સેટોમાં ૬-૨, ૬-૩થી પરાસ્ત કરીને અંતિમ ચારમાં સ્થાન મેળવ્યું હતુ. નોંધપાત્ર છે કે, ગત સપ્તાહે મોન્ટ્રિયલમાં રમાયેલા રોજર્સ કપમાં આઠમો સીડ ધરાવતા મેડ્વેડેવ ફાઈનલ સુધીની સફર ખેડી હતી અને નડાલ સામે હારતા તે રનર્સ અપ બન્યો હતો. યોકોવિચ અને મેડ્વેડેવ વચ્ચે ચાર મુકાબલા ખેલાયા છે,જેમાંથી ૩ યોકોવિચ અને ૧ મેડ્વેડેવ જીત્યો છે. 

સિનસિનાટી માસ્ટર્સની પ્રથમ સેમિ ફાઈનલમાં ફ્રાન્સના રિચાર્ડ ગાસ્કેટ અને બેલ્જિયમના ડેવિડ ગોફિન વચ્ચે મુકાબલો ખેલાશે. ગાસ્કેટે રશિયાના આગટને ૭-૬ (૭-૨), ૩-૬, ૬-૨થી પરાસ્ત કર્યો હતો. જ્યારે ગોફિન સામેની ક્વાર્ટર ફાઈનલ મેચમાંથી નિશિયોકા ઈજાગ્રસ્ત બનીને ખસી ગયો હતો.

READ ALSO

Related posts

Constipation દૂર કરવા માટે મંગાવી હતી EEL, હાલત બગડી તો કરાવવી પડી સર્જરી

Pritesh Mehta

IND vs SL / શ્રીલંકાએ ભારતને 4 વિકેટે હરાવ્યું, છેલ્લી ઓવર સુધી પહોંચી હતી મેચ: સીરીઝ 1-1થી સરભર

Zainul Ansari

પ્રાઇવસી / Instagramએ આ યુઝર્સ માટે કર્યા મોટા ફેરફાર, તમે પણ તેમા સામેલ તો નથી ને! એકવાર કરી લો ચેક

Zainul Ansari
Do NOT follow this link or you will be banned from the site!