ડીસામાં દીક્ષા માટે નીકળેલો વર્ષીદાન વરઘોડો આકર્ષણનું કેન્દ્ર બન્યો. આ વરઘોડામાં વિવિધ આકર્ષણ તો જોવા મળ્યા સાથો સાથ તેમાં તૈયાર કરાયેલી રંગોળીએ નવો રેકોર્ડ સર્જયો છે. ડીસાના રસ્તા પર આજે સૌ કોઇની નજર આ વરઘોડા પર હતી. દીક્ષા પૂર્વે નીકળેલો વર્ષીદાન વરઘોડામાં. હાથી ઘોડા ઉંટ સહિતના વિવિધ આકર્ષણ જોવા મળ્યા. બેંડ બાજા તેમજ આફ્રિકન ડાન્સ સૌ કોઇની નજરમાં કૂતુહલ સર્જે તેવો હતો. ત્યારે આ વર્ષીદાન વરઘોડામાં સૌથી ધ્યાનાકર્ષ રહી રંગોળી
જી હા વરઘોડો જેમ જેમ આગળ ધપી રહ્યો હતો. તેમ તેમ આગળના ભાગે રંગોળી તૈયારી કરવામાં આવી રહી. આ રંગોળી એટલી ઝડપથી તૈયાર કરાઇ રહી હતી કે સૌ કોઇ આશ્ચર્ય ચકિત થઇ ગયા.
બનાસકાંઠાના ડીસામાં તૈયાર થયેલી આ રંગોળી 2.6 કિલોમીટર લાંબી રંગોળી હતી. જે ગુજરાતની સૌથી લાંબી રંગોળી બનવાથી લિમ્કા બુકમાં સ્થાન પામી છે.
મુંબઈ સ્થિત રાજમલ જૈનના અઢાર વર્ષીય દીક્ષિતે દિક્ષા લેવાના કરેલા નિર્ધાર બાદ આ વરઘોડો આયોજીત કરાયો હતો. જેમાં રંગોની આ કરામતથી આ વરઘોડો જાજરમાન બની ગયો હતો.