બાયડમાં ધવલસિંહ જીતી જાત પણ નસીબ નડ્યું, આ સમીકરણોએ આપી હાર

ગુજરાત વિધાનસભાની ૬ બેઠકોની પેટાચૂંટણીમાંથી ભાજપનો ૩માં જ્યારે કોંગ્રેસનો ૩માં વિજય થયો છે. આ ૬ બેઠકમાં ભાજપ-કોંગ્રેસના ઉમેદવારોનું ભાવિ ઘડવામાં ‘નન ઓફ ધ અબોવ’ (નોટા)ની ભૂમિકા પણ નિર્ણાયક રહી છે. જેમાં બાયડ બેઠકની જ વાત કરવામાં આવે તો કોંગ્રેસના વિજેતા જશુભાઇ પટેલ અને ભાજપના પરાજીત ધવલસિંહ ઝાલા વચ્ચે મતનું અંતર માત્ર ૭૪૩ છે. આ બેઠકમાં ૧૬૮૧ મતદારોએ ‘નોટા’ દબાવ્યું છે. 

આમ, બાયડમાં ‘નોટા’ના અડધા મત પણ ભાજપને ફાળે ગયા હોત તો તે ૨૦૦૭ની વિધાનસભા ચૂંટણી બાદ પ્રથમ વાર આ બેઠકમાં તે વિજય મેળવવામાં સફળ રહ્યું હોત તેની પૂરી સંભાવના હતી. પરંતુ મતદારોએ ‘નોટા’ ઉપર પસંદગી ઉતારી એક રીતે પક્ષપલ્ટુ ધવલસિંહ ઝાલા સામે રોષ ઠાલવી દીધો છે. અન્ય એક પક્ષપલ્ટુ ઉમેદવાર અલ્પેશ ઠાકોરની રાધનપુર બેઠકમાં ૨૭૯૩ મતદારોએ ‘નોટા’ દબાવ્યું હતું. આમ, રાધનપુર બેઠકમાં કોંગ્રેસના રઘુભાઇ દેસાઇ (૭૭૪૧૦), ભાજપના અલ્પેશ ઠાકોર (૭૩૬૦૩), એનસીપીના ફરસુભાઇ ગોકલાણી ( ૭૨૦૦) બાદ ‘નોટા’ને ચોથા ક્રમે સૌથી વધુ મત મળ્યા હતા. આમ, કોંગ્રેસ-ભાજપ વચ્ચે હાર-જીતનું અંતર ૩૮૦૭ મતનું હતું. આ બેઠકમાં પણ એકંદરે ‘નોટા’ ની ભૂમિકા નિર્ણાયક રહી છે. 

અમરાઇવાડી બેઠકમાં ભાજપ-કોંગ્રેસ-બહુજન મુક્તિ પાર્ટી બાદ ‘નોટા’ને ચોથા ક્રમે વધુ વોટ મળ્યા હતા. આ બેઠકમાં ‘નોટા’ને મળેલા મતનું પ્રમાણ ૧.૨૨ ટકા હતું. થરાદ બેઠકમાં ૩૫૬૫ મતદારોએ ‘નોટા’ બટન દબાવ્યું છે. આમ, અન્ય તમામ બેઠક કરતા થરાદમાં સૌથી વધુ ૨.૩૭% મતદાન ‘નોટા’ તરફી હતું. ખેરાલુ બેઠકમાં ૧૮૨૨ મતદારોએ ‘નોટા’ દબાવ્યું હતું. આ બેઠકમાં ભાજપ-કોંગ્રેસ બાદ ‘નોટા’ને સૌથી વધુ મત મળ્યા હતા. 

વિધાનસભાની પેટા ચૂંટણી : કઇ બેઠકમાં નોટાને કેટલા મત?

READ ALSO

• જાણો આંખની સામે શા માટે દેખાય છે તરતાં ધાબા
• જે છોકરીનું નામ રાહુલ ગાંધી સાથે જોડાયું હતું તે હવે આ ધારાસભ્ય સાથે લગ્ન કરી રહી છે
• ‘આ તો બિરિયાનીનો કમાલ છે…’ ઇશાંત શર્માએ માગી બૉલીંગ ટિપ્સ તો શમીએ આપ્યો જબરદસ્ત જવાબ
• મિલનની પ્રથમ રાત્રીએ પતિએ પત્ની સાથે એવી રીતે શારીરિક સંબંધ બાંધ્યા કે પીડાથી યુવતી
• અજમાની અદભૂત ખેતી કરી સમગ્ર બોટાદમાં કાઠુ કાઢ્યું છે આ ખેડૂતે, સફળતાની કહાની વાંચી તમને પણ મળશે પ્રેરણા