GSTV

મોદી સરકારે ખેડૂતો પર લાઠીઓ વરસાવી, કેજરીવાલ ખેડૂતોના કરશે વધામણા, ધરણા સ્થળ પર આવી સગવડો આપશે

કૃષિ કાયદાની વિરોધમાં દિલ્હી કૂચ કરી રહેલા ખેડૂતોને બુરાડીના નિરંકારી મેદાનમાં પ્રદર્શન કરવાની મંજૂરી આપવામાં આવી છે. ત્યારે આવા સમયે નિરંકારી મેદાનમાં ખેડૂતોને તમામ પ્રકારની સુવિધા આપવાની ખાતરી કેજરીવાલ સરકાર બતાવી છે. જે અંતર્ગત સૌથી પહેલા અહીં ખેડૂતોને પીવાના પાણીની વ્યવસ્થા કરી દેવામાં આવશે. કેજરીવાલે સ્વયં પોતાના મંત્રી રાઘવ ચઢ્ઢાને ધરણાસ્થળ પર જઈને વ્યવસ્થા કરાવી આપવા સૂચના આપી છે. બાદમાં ત્યાં ખેડૂતો માટે ટેંટ, શેલ્ટર, હાલતા-ચાલતા ટોયલેટ ઉપલબ્ધ કરવાની આપવાની પણ તૈયારી બતાવી છે.

દિલ્હી સરકારે નોર્થ અને સેન્ટ્રલ ડિસ્ટ્રીકના તમામ જિલ્લા અધિકારીઓને આદેશ આપ્યા છે કે, ખેડૂતોને તમામ પ્રકારની સુવિધા આપવા માટે તૈયાર રહો. કેજરીવાલ સરકારના મંત્રી કૈલાશ ગેહલોતે જણાવ્યુ છે કે, મુખ્યમંત્રીના નેતૃત્વમાં અમારો પ્રયત્ન રહે છે કે, ખેડૂતોને કોઈ તકલીફ ન પડે, તમામ પ્રકારની સુવિધા મળે. ડિવીજનલ કમિશ્નરને પણ આદેશ અપાયા છે કે, ત્યાં પાણી, મોબાઈલ ટોયલેટ, સાફ સફાઈની વ્યવસ્થા કરી દેવામાં આવે.

હજૂ તો ખાલી છે નિરંકારી ગ્રાઉન્ડ, બોર્ડર પર જ તૈનાત છે ખેડૂત

આંદોલન કારીઓ હજૂ દિલ્હીની બોર્ડર પર છે, રાતનું ખાવાનું ખાવાની તૈયારીમાં લાગેલા છે. જો રાતના સમયે તેઓ બુરાડી નહીં આવે તો, શનિવારે સવારે ફરી એક અહીં ગરમ માહોલ જોવા મળશે. હાલમાં બુરાડીનું નિરંકારી મેદાન ખાલી છે. દિલ્હી સરકાર અને ખેડૂત નેતાઓ બુરાડીમાં જરૂરી સુવિધા પુરી પાડવામાં લાગી ગયા છે.

દિલ્હી પોલીસે દિલ્હીમાં 9 સ્ટેડિયમમાં અસ્થાઈ જેલ બનાવાની પરવાનગી માગી હતી. જો કે, કેજરીવાલ સરકારે પોલીસની અપીલને ફગાવી દીધી છે. તેમને મંજૂરી નથી આપી. સરકારે અધિકારીઓને સૂચન આપ્યુ છે કે, ખેડૂતોને સમર્થન કરવામાં આવે. રાજ્ય સરકારનું કહેવુ છે કે, ખેડૂતોની માગ યોગ્ય છે. તથા તેમને પ્રદર્શન કરવાનો અધિકાર છે.

READ ALSO

Related posts

PM-CARES ફંડમાં પારદર્શકતા મામલે 100 પૂર્વ અધિકારીઓએ ઉઠાવ્યા સવાલ, વડાપ્રધાન મોદીને લખ્યો ઓપન લેટર

Ali Asgar Devjani

વેક્સિનની ભરપાઈ માટે મોદી સરકાર કરશે આ કામ, બજેટમાં આ લોકો માટે લાવી શકે છે વેક્સિન સેસ

Pravin Makwana

વેક્સિનેશન બાદ જો થશે આડઅસરો તો વળતર આપશે Bharat Biotech, કંપનીએ કરી આ મોટી જાહેરાત

Ali Asgar Devjani
Do NOT follow this link or you will be banned from the site!