GSTV

મોટા સમાચાર/ દિલ્હીમાં નોંધાયો ઓમિક્રોનનો પ્રથમ કેસ, દેશમાં ઓમિક્રોનના કુલ 5 કેસ થયાં, સ્વાસ્થ્ય મંત્રીએ આપી જાણકારી

કોરોના

Last Updated on December 5, 2021 by Pravin Makwana

દિલ્હીમાં પ્રથમ ઓમિક્રોન પોઝિટિવ દર્દી મળી આવ્યો છે. મળતી માહિતી મુજબ, આ મુસાફર તાન્ઝાનિયાથી દિલ્હી આવ્યો હતો. માહિતી અનુસાર, કોરોના સંક્રમિત દર્દી કે જેમાં ઓમિક્રોન વેરિઅન્ટની પુષ્ટિ થઈ છે તે 37 વર્ષનો છે અને તે પુરુષ છે. દિલ્હીના સ્વાસ્થ્ય મંત્રી સત્યેન્દ્ર જૈને કહ્યું કે 12 સંક્રમિત દર્દીઓના સેમ્પલ જીનોમ સિક્વન્સિંગ માટે મોકલવામાં આવ્યા હતા, જેમાંથી એક દર્દીના રિપોર્ટમાં ઓમિક્રોન વેરિઅન્ટ જોવા મળ્યો છે.

મંત્રીએ કહ્યું કે, જેઓ બહારથી આવી રહ્યા છે તેમની તપાસ કરવામાં આવી રહી છે. એલએનજેપીમાં અત્યાર સુધીમાં 17 પોઝિટિવ દર્દીઓ દાખલ છે, 6 તેમના સંપર્કો છે. 12 લોકોની જીનોમ સિક્વન્સિંગ કરવામાં આવી હતી, જેમાંથી 1 ઓમિક્રોનનો દર્દી હોવાનું જણાય છે. કાલે ફાઈલ રિપોર્ટ આવશે. આપણે કહી શકીએ કે, દિલ્હીમાં પ્રથમ ઓમિક્રોન કેસ છે.આ સાથે, દેશમાં હવે 5 ઓમિક્રોન કેસ છે. જેમાં કર્ણાટકમાં 2, ગુજરાતમાં 1, મુંબઈમાં 1 અને દિલ્હીમાં 1 કેસનો સમાવેશ થાય છે. કર્ણાટકમાં મળી આવેલા દર્દીઓની ઉંમર 66 અને 46 વર્ષ છે. બંનેમાં હળવા લક્ષણો છે અને બંને દક્ષિણ આફ્રિકાથી પરત ફર્યા હતા. ગુજરાતમાં પણ શનિવારે 72 વર્ષના દર્દીમાં ઓમિક્રોન વેરિઅન્ટની પુષ્ટિ થઈ છે. આ દર્દી ઝિમ્બાબ્વેથી પરત ફર્યો હતો. તે જ સમયે, મુંબઈમાં, દક્ષિણ આફ્રિકા અને દુબઈથી આવેલા એક વ્યક્તિમાં ઓમિક્રોનથી ચેપ લાગ્યો છે.

LNJP હોસ્પિટલમાં 15 શંકાસ્પદ દર્દીઓ દાખલ

અધિકારીઓએ જણાવ્યું કે, આ 15 શંકાસ્પદ દર્દીઓને એલએનજેપી હોસ્પિટલમાં દાખલ કરવામાં આવ્યા છે. તેમાંથી 9 કોરોના પોઝિટિવ છે. જ્યારે બાકીના 6માં ગળામાં દુખાવો અને તાવ જેવા લક્ષણો છે. ગયા અઠવાડિયે જ દિલ્હી સરકારે એલએનજેપી હોસ્પિટલને ઓમિક્રોન સંક્રમિતની સારવાર માટે આરક્ષિત કરી હતી.

શુક્રવાર સુધીમાં હોસ્પિટલમાં દાખલ શંકાસ્પદ દર્દીઓની સંખ્યા 12 હતી. હવે તે વધીને 15 થઈ ગઈ છે. LNJPના મેડિકલ ડિરેક્ટર ડૉ. સુરેશ કુમારે જણાવ્યું કે જે ત્રણ નવા દર્દીઓ મળી આવ્યા છે તે બધા યુકેથી પરત ફર્યા છે. માહિતી અનુસાર, કેન્દ્ર સરકારે યુકે, દક્ષિણ આફ્રિકા, બ્રાઝિલ, ચીન, બોત્સ્વાના, ન્યુઝીલેન્ડ, મોરેશિયસ, સિંગાપોર, ઝિમ્બાબ્વે, ઇઝરાયેલ અને હોંગકોંગને ઉચ્ચ જોખમી દેશોની યાદીમાં મૂક્યા છે. આ સાથે આ દેશોમાંથી આવતા પ્રવાસીઓ માટે RTPCR ટેસ્ટ જરૂરી છે. પરિણામ આવ્યા બાદ જ આ મુસાફરોને એરપોર્ટ છોડવા દેવામાં આવે છે. આ સિવાય અન્ય દેશોમાંથી આવતા મુસાફરોની પણ એરપોર્ટ પર તપાસ કરવામાં આવી રહી છે.

READ ALSO

Related posts

કેન્દ્રીય બજેટ / બજેટમાં બેંકોમાં મૂડી ઠાલવવા અંગે જાહેરાતની સંભાવના ઓછી, ગયા વર્ષે NPAમાં થયો ઘટાડો

GSTV Web Desk

મોટા સમાચાર/ ખુલ્લા બજારમાં મળતી થશે કોવેક્સિન અને કોવિશિલ્ડ, સરકારની એક્સપર્ટ કમિટીની ભલામણ

Pravin Makwana

UP Election 2022 : કેન્દ્રીય મંત્રી અનુરાગ ઠાકુરે યુપીમાં ચૂરણ વેચનારનો વીડિયો કર્યો શેર, જાણો શું છે સમગ્ર મામલો

Vishvesh Dave
Do NOT follow this link or you will be banned from the site!