GSTV
Home » News » દિલ્હી અગ્નિકાંડ : 43 લોકો માટે મોતનો કુવો બનેલી ફેક્ટરીનો માલિક રેહાન ઝબ્બે

દિલ્હી અગ્નિકાંડ : 43 લોકો માટે મોતનો કુવો બનેલી ફેક્ટરીનો માલિક રેહાન ઝબ્બે

દિલ્હી રાણી ઝાંસી રોડ પર જે ફેક્ટરીમાં આગ લાગી હતી તેના માલિક રેહાનને પોલીસે પકડી પાડ્યો છે. બેગ ફેક્ટરીમાં લાગેલી આગમાં અંદાજે 43 લોકોના મોત થયા છે. તો બીજી બાજુ કેટલાય લોકો ઘાયલ થયા છે. પોલીસે ફેક્ટરી માલિકના ભાઈને પણ ઝડપી પાડ્યો છે. સાથે પોલીસ ફેક્ટરી માલીકના સંબંધીઓની પણ પુછપરછ કરી રહી છે.

ગમખ્વાર ઘટનાની મુલાકાતે સીએમ અરવિંદ કેજરીવાલ પહોંચ્યા

દિલ્હીમાં ઘટેલી ગમખ્વાર ઘટનાની મુલાકાતે સીએમ અરવિંદ કેજરીવાલ પહોંચ્યા હતા. જ્યાં તેઓએ મૃતકના પરિવારને આર્થિક સહાયની જાહેરાત કરી છે. દિલ્હી સરકારે મૃતકના પરિવારને 10-10 લાખ રૂપિયા આપવાની જાહેરાત કરી છે. સાથે જ આગમાં ઈજાગ્રસ્ત થયેલા લોકોને એક-એક લાખ રૂપિયાની આર્થિક સહાય તેમજ તેઓની સારવાર નિઃશુલ્ક થશે તેવી પણ જાહેરાત કરી છે. સીએમ કેજરીવાલે આગની ઘટનાની મેજિસ્ટ્રેટ તપાસ થશે તેવી પણ ખાતરી આપી છે. આ પહેલાં કેજરીવાલ સરકારના મંત્રી ઈમરાન હુસૈને પણ તપાસના આદેશ આપતાં, જે લોકો દોષિત જાહેર થશે તેમના વિરૂદ્ધ કડક કાર્યવાહી કરવામાં આવશે તેમ જણાવ્યું હતું.

Arvind Kejriwal press

ગેરકાયદેસર રીતે ધમધમે છે ફેક્ટરીઓ

દિલ્હીની જે અનાજ મંડી વિસ્તારમાં રવિવારની સવાર ભીષણ બની રહી તે ઘણો જ ભીડભાડવાળો અને સાંકડો વિસ્તાર છે. જે ફેક્ટરીમાં આગ લાગી છે તે રહેણાંક વિસ્તારમાં ગેરકાયદેસર રીતે અનેક ફેક્ટરીઓ ધમધમે છે. આ સમગ્ર વિસ્તાર અનેક નાના અને ગેરકાયદેસર યુનિટથી ભરેલો છે. આ યુનિટને ન તો એનઓસી મળ્યાં છે કે નથી આગ પર કાબૂ મેળવવા માટેના કોઈ સાધનો. સાથે આ વિસ્તારમાં ચારે બાજુ વીજળીના તાર લટકેલા જોવા મળે છે. તો જે ફેક્ટરીમાં આગ લાગી તે 600 ગજમાં ફેલાયેલી છે. જ્યાં સ્કૂલ બેગ પેકેજિંગનું કામ થતું હતું. પહેલાં એક ઈમારતમાં આગ લાગી અને જોતજોતામાં આગ આજુબાજુના બે ઈમારતોમાં પણ ફેલાઈ હતી.

કેજરીવાલ પર ફોડાયું ઠિકરૂ

દિલ્હીમાં લાગેલી આગને લઈને હવે રાજકારણ શરૂ થઈ ગયું છે. ભાજપના સાંસદ વિજય ગોયલે દિલ્હીની આગનું ઠીકરું કેજરીવાલ પર ફોડવાનો પ્રયાસ કર્યો છે. વિજય ગોયલે કહ્યું કે દિલ્હીમાં ઘટનાઓ હવે સામાન્ય વાત થઈ ગઈ છે. દિલ્હીના મંત્રીનું આ ક્ષેત્ર છે, ત્યારે તેની જવાબદારી દિલ્હી સરકાર લેવી જોઈએ. તો ભાજપના નેતા વિજયેન્દ્ર ગુપ્તાએ દિલ્હી વિધાનસભાનું વિશેષ સત્ર બોલાવવાની માગ કરી છે.

અનાજ મંડીમાં લાગી હતી ભીષણ આગ

રાજધાની દિલ્હીના ઝાંસીની રાણી રોડ પર સ્થિત અનાજ મંડીમાં રવિવારે સવારે ભીષણ આગ લાગી હતી. અને જોતજોતામાં આ આગ મોતની આગ બની ગઈ છે. આગને કારણે શરૂઆતમાં 10 જે બાદ 34 અને હવે મોતનો આંકડો 43એ પહોંચ્યો છે. દિલ્હી પોલીસ અને હોસ્પિટલ દ્વારા 43 લોકોના મોતની પુષ્ટી કરવામાં આવી છે. આગને કારણે અનેક લોકો ગંભીર રીતે ઘાયલ થયા છે જેમાં 15 લોકોની સ્થિતિ હજુ ગંભીર ગણાવવામાં આવી રહી છે. પ્રાથમિક માહિતી મુજબ આગ શોર્ટ સર્કિટને કારણે લાગી હોવાનું સામે આવ્યું છે. હાલ તો ફાયર બ્રિગેડે આગ પર કાબૂ મેળવી લીધો છે. વિસ્તારમાં લોકોનું રેસ્ક્યૂ કરવામાં આવી રહ્યું છે.

કુલ 49 લોકો સારવાર હેઠળ

આગના કારણે ઈજાગ્રસ્ત થયેલા લોકોને એલએનજેપી, આરએમએલ, હિંદુ રાવ અને સફદરજંગ હોસ્પિટલ ખસેડવામાં આવ્યા છે. જેમાં એલએનજેપી હોસ્પિટલમાં જ કુલ 49 લોકોને સારવાર માટે લાવવામાં આવ્યા હતા. ઘટનાની જાણકારી મળતા જ ફાયર બ્રિગેડની ગાડીઓ પહોંચી હતી અને આગ પર કાબૂ મેળવવાના પ્રયાસો શરૂ કર્યા હતા. હાલ વિસ્તારમાં લોકોનું રેસ્ક્યૂ ઓપરેશન કરવામાં આવી રહ્યું છે.

મંડીની ઈમારતમાં લાગી હતી આગ

મળતી માહિત મુજબ અનાજ મંડીના એક ઈમારતમાં આગ લાગી હતી, આગ એટલી ભયાનક હતી કે આગ પર કાબૂ મેળવવા માટે ફાયર બ્રિગેડની 30થી વધુ ગાડીઓની મદદ લેવામાં આવી હતી. આ ઘટના વ્હેલી સવારે 5 વાગ્યાની આસપાસની છે. મંડીમાં ત્રણ માળની એક બેકરી છે, જેના ઉપરના માળે આગ લાગી હતી. જે બાદ આગે આખી ઈમારતને પોતાની ઝપેટમાં લીધી હતી. આગને કારણે મંડીમાં ચારેબાજુ ધૂમાડો ધૂમાડો થઈ ગયો છે.

READ ALSO

Related posts

સુલેમાની અમેરિકા વિશે અપમાનજનક વાતો કરી રહ્યો હતો એટલે જ મારવાનો આદેશ આપવો પડ્યો

Mayur

‘કાશ્મીરમાંથી 370ની કલમ હટાવી શકે તો આ કેમ નહીં ?’ કહી કર્ણાટક અને મહારાષ્ટ્ર બોર્ડરનો વિવાદ શિવસેનાએ અમિત શાહ પર ઢોળી દીધો

Mayur

કોંગ્રેસ ભોઠી પડી : ખૂદ એમના જ કદાવર નેતાએ નાગરિકતા કાયદાનું સમર્થન કર્યું

Mayur
Do NOT follow this link or you will be banned from the site!