GSTV
Home » News » જાણો આઈબી અને રૉના પ્રમુખોને છ-છ માસનો સેવાવિસ્તાર કેમ આવ્યો આપવામાં

જાણો આઈબી અને રૉના પ્રમુખોને છ-છ માસનો સેવાવિસ્તાર કેમ આવ્યો આપવામાં

ઈન્ટેલિજન્સ બ્યૂરોના ચીફ રાજીવ જૈન અને રિસર્ચ એન્ડ એનાલિસિસ વિંગના ચીફ અનિલ ધસ્માનાને છ-છ માસનો સેવાવિસ્તાર આપવામાં આવ્યો છે. આઈબી અને રૉના પ્રમુખોનો કાર્યકાળ ડિસેમ્બરના આખરમાં સમાપ્ત થવાનો હતો.

કેન્દ્રીય કાર્મિક અને પ્રશિક્ષણ મંત્રાલયે આના સંદર્ભે એક આદેશ પણ જાહેર કર્યો છે. આઈબી ચીફ રાજીવ જૈનનો કાર્યકાળ 30મી ડિસેમ્બરે અને રૉ ચીફનો કાર્યકાળ 29 ડિસેમ્બરે સમાપ્ત થવાનો હતો. માનવામાં આવે છે કે બંને ગુપ્તચર સંસ્થાઓના પ્રમુખોને સેવાવિસ્તાર આપવાનો નિર્ણય આગામી લોકસભા ચૂંટણીને ધ્યાનમાં રાખીને લેવામાં આવ્યો છે.

આઈબી અને રૉના આગામી ચીફ સંદર્ભેનો નિર્ણય લોકસભાની ચૂંટણી બાદ સત્તામાં આવનારી નવી સરકાર દ્વારા કરવામાં આવશે. અનિલ ધસ્માના 1981ની બેચના આઈપીએસ અધિકારી છે અને તેઓ 23 વર્ષોથી રૉમાં કાર્યરત છે. તેઓ પાકિસ્તાન ડેસ્ક સહીતના મહત્વપૂર્ણ પદો પર કામગીરી કરી ચુક્યા છે. જ્યારે ઝારખંડ કેડરના 1980ની બેચના આઈપીએસ અધિકારી રાજીવ જૈનને 30 ડિસેમ્બર-2016ના રોજ બે વર્ષ માટે આઈબીના ચીફ તરીકે નિયુક્ત કરવામાં આવ્યા હતા.

રાષ્ટ્રપતિ પોલીસ પદકથી સમ્માનિત રાજીવ જૈન સંવેદનશીલ કાશ્મીર ડેસ્ક સહીત આઈબીના ઘણાં વિભાગોમાં અલગ-અલગ મહત્વની જવાબદારીઓ નિભાવી ચુક્યા છે. તેઓ પુરોગામી એનડીએ સરકારના કાશ્મીર પરના વાટાઘાટકાર કે. સી. પંતના સલાહકાર હતા. તે વખતે શબ્બીર શાહ જેવા ભાગલાવાદી નેતાઓ સાથે વાતચીત થઈ હતી.

Related posts

કેજરીવાલને ખબર પડી ચૂકી છે કે મોદી સરકારને ચપટી વગાડતા જ કેવી રીતે હરાવી શકાય ?

Mayur

ભારતમાં મોદીની નહીં હોય પણ અહીં છે ટ્રમ્પની 6 ફૂટની પ્રતિમા, ભગવાનની જેમ થાય છે અહીં પૂજા

Karan

મોદી પ્રોટોકોલ તોડે કે અમદાવાદમાં 200 કરોડ ખર્ચાય, ભારતને નહીં થાય કોઈ ફાયદો : ટ્રમ્પે કર્યો આ ખુલાસો

Karan
Do NOT follow this link or you will be banned from the site!