Last Updated on January 14, 2022 by GSTV Web Desk
ભારતના મોસ્ટ વોન્ટેડ ગુનેગાર અને અન્ડરવર્લ્ડ ડોન દાઉદ ઈબ્રાહિમનો ભત્રીજો સોહેલ કાસકર અમેરિકાથી પાકિસ્તાન ભાગી ગયો છે. અમેરિકામાં રહેતા સોહેલ કાસકરના પ્રત્યાર્પણ માટે ભારત સરકાર અમેરિકા પર દબાણ કરી રહી હતી. જેની ગંધ આવી જતા સોહેલ કાસકર વાયા દુબઈ પાકિસ્તાન નાસી ગયો હોવાના અહેવાલો સામે આવી રહ્યા છે.
સોહેલ દાઉદના ભાઈ નૂરાનો પુત્ર છે. નૂરાનુ 2010માં કરાચીની હોસ્પિટલમાં મોત થયુ હતુ. એ પછી 2018માં ભારત સરકારને યુએસ દ્વારા જાણકારી આપાવમાં આવી હતી કે, સોહેલની અમેરિકાની જેલમાં સજા પૂરી થઈ ગઈ છે.
સોહેલની 2014માં ધરપકડ કરવામા આવી હતી. તેના પર નાર્કો ટેરરિઝમ તેમજ કોલંબિયાના વિદ્રોહીઓને સમર્થન આપવાનો અને અમેરિકામાં ડ્રગ્સ ઘૂસાડવાનો આરોપ હતા. તેની તે વખતે સ્પેનમાંથી ધરપકડ કરાઈ હતી.
એક વર્ષ બાદ તેને અમેરિકા લાવવામાં આવ્યો હતો. તેને થોડા વર્ષો જેલમાં પસાર કરવા પડયા હતા. છેલ્લા કેટલાક સમયથી ભારત સરકાર તેના પ્રત્યાપર્ણ માટે અમેરિકા પર દબાણ વધારી રહી હતી.
ભારતમાં તેના પર ખંડણી ઉઘરાવવાના અને છેતરપિંડીના કેસ નોંધાયેલા છે. મુંબઈ પોલીસે તેનો કોલ ઈન્ટરસેપ્ટ કર્યો ત્યારે ખબર પડી હતી કે, તે પાકિસ્તાન ભાગી ગયો છે. જોકે ત્યાં સુધી સીબીઆઈ અંધારામાં હતી. દાઉદ મુંબઈ બોમ્બ બ્લાસ્ટનો આરોપી છે. આ બ્લાસ્ટમાં 257 લોકોના મોત થયા હતા.
દેશ દુનિયાના મહત્વપૂર્ણ સમાચારો, બિઝનેસ, ફાયનાન્સ, અજબગજબ, ઓટો અનેટેક્નોલોજી સહિતના સમાચાર વાંચો જીએસટીવીની વેબસાઈટ પર, સાથે જ તમારા મોબાઈલ પર તમામ સમાચારમેળવવા માટે અમારી Android App ડાઉનલોડકરો…
MUST READ:
- કેન્દ્રીય બજેટ / બજેટમાં બેંકોમાં મૂડી ઠાલવવા અંગે જાહેરાતની સંભાવના ઓછી, ગયા વર્ષે NPAમાં થયો ઘટાડો
- મહિન્દ્રાએ હીરો ઈલેક્ટ્રિક સાથે કરી ભાગીદારી, એક વર્ષમાં કરશે 10 લાખથી વધુ ઇલેક્ટ્રિક વાહનોનું ઉત્પાદન
- સુરત / છેલ્લા 15 દિવસમાં કોરોનાના કેસોમાં આવ્યો મોટો ઉછાળો, વિદ્યાર્થીઓ પણ મોટી સંખ્યા થઈ રહ્યા છે સંક્રમિત
- મોટા સમાચાર/ ખુલ્લા બજારમાં મળતી થશે કોવેક્સિન અને કોવિશિલ્ડ, સરકારની એક્સપર્ટ કમિટીની ભલામણ
- વિધાનસભા ચૂંટણીની તૈયારી / ગુજરાત યુથ કોંગ્રેસે જનરલ સેક્રેટરીઓને સોંપી મહત્વપૂર્ણ જવાબદારી, જુઓ કોણ ક્યા કરશે સંગઠન માટે કામ