ગુજરાત સહિત દેશભરમાં લગ્નની મોસમ ચાલી રહી છે ત્યાં બીજી બાજુ મધ્યપ્રદેશથી ચૌંકાવનારા સમાચાર સામે આવ્યા છે. મધ્યપ્રદેશના ઉજ્જનમાં એક લગ્ન સમારોહમાં ડીજે પર નાચતા-નાચતા અચાનક એક યુવક ઢળી પડ્યો હતો અને મોત નિપજ્યું હતું. યુવકનું મોત હાર્ટ ફેલ થવાના પગલે થયું છે તેમ પોસ્ટમોર્ટમ રિપોર્ટમાં કહેવામાં આવ્યું છે. એટલું જ નહીં તબીબોએ જણાવ્યું કે, હાર્ટ ફેલનું કારણ ડીજેના અવાજને ગણવામાં આવ્યું છે.
ઉજ્જૈન નજીક નારેલા કલાન ગામમાં રહેતા 18 વર્ષના લાલ સિંહ તેના મિત્રના લગ્નમાં તાજપુર આવ્યા હતા. તાજપુરમાં વિજય સિંહ પરિહારની જગ્યાએ લગ્ન સમારોહ યોજાયો હતો. લગ્ન દરમિયાન ગામમાં વરઘોડો કાઢવામાં આવ્યો હતો જેમાં આ યુવક પણ હતો અને તે તેના મિત્રો સાથે ડીજેના તાલે ડાન્સ કરી રહ્યો હતો. આ દરમિયાન અચાનક તેમની તબિયત લથડી હતી અને હાંફી જતા ઢળી પડ્યો હતો. પરિણામે તેને સારવાર માટે હોસ્પિટલ લઈ જવામાં આવ્યો જ્યાં ફરજ પરના ડોક્ટરોએ તપાસ કર્યા બાદ તેને મૃત જાહેર કર્યો હતો.
ડોક્ટર જિતેન્દ્ર શર્માએ જણાવ્યું કે લાલ સિંહના પોસ્ટમોર્ટમ રિપોર્ટમાં તેમનું હાર્ટ ફેલ્યુર સામે આવ્યું છે. આ પોતે ચોક્કસપણે આશ્ચર્યજનક છે. ડોક્ટર શર્માએ જણાવ્યું કે ક્યારેક ખૂબ જ જોરથી અવાજની પણ સીધી અસર હૃદય પર પડે છે. આનાથી હૃદયની નિષ્ફળતા પણ થાય છે. આ ઘટના બાદ લગ્ન પ્રસંગમાં શોકનું વાતાવરણ જોવા મળ્યું હતું. લાલ સિંહ ઔદ્યોગિક તાલીમ સંસ્થા ITIનો વિદ્યાર્થી હતો.
Read Also
- વર્ષ 2023ની કમાણી મામલે આ છે ટોપ 5 ફિલ્મો? 650 કરોડથી વધુની કમાણી કરવામાં થઈ સફળ
- સિંગાપોર રિપબ્લિકના ભારત સ્થિત હાઈકમિશ્નરને મળ્યા મુખ્યમંત્રી ભૂપેન્દ્ર પટેલ, વાયબ્રન્ટ સમિટમાં જોડાવા આપ્યુ આમંત્રણ
- ભારત અને ચીન સરહદ પર હવે ટાટાની એન્ટ્રી, ભારતની આ યોજનાથી ચીનને લાગી શકે છે મોટો ઝટકો
- સુરત/ અયોધ્યામાં રામમંદિરના નિર્માણ અને સ્વામી રામભદ્રાચાર્યના 75માં જન્મદિવસ નિમિતે યોજાયેલી યાત્રાના સ્વાગત સાથે 75 લાખનો ચેક અર્પણ કરાશે
- આજે વર્ષની છેલ્લી માસિક શિવરાત્રી, જાણો પૂજા વિધિ અને મહત્ત્વ