GSTV
Home » News » ફરી ચાનો ઘૂંટ કડવો બનશે? દૂધનાં ભાવ વધવાની શક્યતા, કારણ છે ખાસ

ફરી ચાનો ઘૂંટ કડવો બનશે? દૂધનાં ભાવ વધવાની શક્યતા, કારણ છે ખાસ

સામાન્ય માણસ માટે ફરી એકવાર દૂધ પીવું મોંઘું પડી શકે છે. મળતી માહિતી પ્રમાણે ડેરી બિઝનેસ માટે ચોમાસાની ઋતુ ખુબ જ મહત્વપૂર્ણ છે, પરંતુ ચોમાસામાં વિલંબને લીધે અને મોટાભાગના મુખ્ય ડેરી બિઝનેસ રાજ્યોમાં ઓછા વરસાદને લીધે, ઘાસચારાનું ઉત્પાદન ઘટ્યું છે. આ રીતે ખેડૂતોને ગાય અને ભેંસ પર વધુ ખર્ચ કરવો પડે છે. તેથી, ખેડૂતોના ખર્ચમાં વધારો થવાથી કાચા દૂધની કિંમતમાં વધારો થયો છે.

આ પરિસ્થિતિ પછી, અમુલ જેવી મોટી કંપનીઓએ ગયા મહિને દૂધના ભાવમાં લીટર દીઠ રૂ. 2 નો વધારો કર્યો હતો. તેથી હવે એવું માનવામાં આવે છે કે ખેડૂતોના ખર્ચમાં વધારો થયા પછી, કંપનીઓ ફરીથી ભાવ વધારવાનું નક્કી કરી શકે છે.  ચાલો અમે તમને જણાવીએ કે ગયા મહિને અમુલ કંપનીએ લીટર દીઠ 2 રૂપિયાનો વધારો કર્યો હતો. આ સાથે જ અન્ય દૂધ ઉત્પાદનોના ભાવમાં પણ વધારો થયો છે.

દૂધ શા માટે મોંઘું થશે! બિઝનેસ ડેઇલી ફાઇનાન્સિયલ એક્સપ્રેસના સમાચાર વેબસાઇટમાં મધર ડેરી ફ્રૂટ એન્ડ વેજિટેબલ્સ પ્રા. લિ. દ્વારા આપવામાં આવેલા એક નિવેદનમાં એવું કહેવામાં આવ્યું છે કે ચોમાસામાં વિલંબથી ખેડૂતોને કાચા દૂધના ભાવમાં વધારો થયો છે. પરંતુ આગામી થોડા દિવસોમાં, ચોમાસાની ગતિને પકડી રાખવાની આશા છે. તેથી જ આ સમગ્ર મુદ્દા પર કંપની દેખરેખ રાખી રહી છે.

આ સાથે જ પરાગ દૂધ ફૂડ લિમિટેડ દ્વારા આપવામાં આવેલા નિવેદનમાં, એવું કહેવામાં આવ્યું છે કે લાંબા ઉનાળામાં અને ચોમાસામાં વિલંબને લીધે ઘાસચારા પુરવઠો ઘટ્યો છે અને તેના કારણે દૂધમાં ઘટાડો થયો છે. આવા કિસ્સાઓમાં કાચા દૂધના ભાવમાં વધારો થયો છે.

જો કે, વર્તમાન પરિસ્થિતિમાં, એક સંપૂર્ણ આશા છે કે ચોમાસુ ફરીથી ગતિ પકડશે અને વરસાદ વધશે. તેથી, ચારાના પુરવઠામાં સુધારાને કારણે એવું લાગે છે કે આગામી 1 – 2 મહિનામાં દૂધની કિંમત સામાન્ય થઇ જશે.

READ ALSO

Related posts

સરદાર સરોવર ડેમ પાસેની ધરા ધ્રૂજી ઉઠી, રાત્રે બે વાગ્યે ત્રણની તિવ્રતાનો ભૂકંપ

Mayur

આરબીઆઇ સરપ્લસ કેપિટલ તબક્કાવાર રીતે ત્રણ થી પાંચ વર્ષમાં સરકારને ટ્રાન્સફર કરશે

Arohi

આજે કર્ણાટકમાં કુમારસ્વામીની અગ્નિપરિક્ષા, સરકાર તૂટવાના એંધાણ

Mayur
Do NOT follow this link or you will be banned from the site!