GSTV

સિવિલ હોસ્પીટલમાં સાઈકલ કૌભાંડઃ વિકલાંગોની ટ્રાઇસીકલો બારોબાર ભંગારમાં વેચી નાખી

Nadiad Civil Hospital

ખેડા જીલ્લાના નડિયાદની સિવિલ હોસ્પિટલમાંથી વિકલાંગો માટેની ટ્રાઇસીકલો બારોબાર ભંગારમાં વેચી મારવાનું કૌભાંડ ઝડપાયું છે. સિવિલ હોસ્પીટલમાં જાણે ભંગારનો વેપાર ચાલી રહ્યો હોય તેમ હોસ્પિટલમાંથી ભંગારોનો વેપારી ટ્રાઇસિકલો ભરી જઇ રહ્યો હતો તે સમયે સ્થાનિક રહેવાસીઓ દ્વારા તેને રોકી તપાસ કરતા સમગ્ર મામલો બહાર આવ્યો છે.

કોઇ વિકલાંગને અવર જવરમાં સહારો મળી રહે તે માટે વિવિધ સંસ્થાઓની મદદથી સરકાર દ્વારા આ ટ્રાઇસિકલો નડિયાદ સિવિલ હોસ્પિટલમાં અપાઇ હતી. પરંતુ આ ગોરખ ધંધાનું પર્યાય બનેલી સિવિલ હોસ્પિટલના લાંચીયા અધિકારીઓ દ્વારા ગરીબ અને અપંગ લોકોની ટ્રાઇસીકલો પણ બારોબાર વેચી મારવાથી ચુક્યા નથી.

નડિયાદ સિવિલ હોસ્પિટલમાં ચાલતા ડિસ્ટ્રીક્ટ ઇન્ટરવેસન સેન્ટર (ડીઇઆઇસી) દ્વારા હોસ્પિટલનો મોટાભાગનો સ્ટાફ કામમાં વ્યસ્ત હોય તેવા સમયે પાછલા બારણે ભંગાર વાળાને બોલાવી રૂપિયા 200ના ભાવથી ટ્રાઇસીકલોને વેહેચી નાખવામાં આવી હતી. જોકે સ્થાનીક જનતાની જાગૃતીએ તંત્રની પોલ ખોલી નાખી હતી, ભંગારમાં વેચાયેલી આ ટ્રાઇસીકલો વેપારી સિવિલ હોસ્પિટલની બહાર લઇજતા સ્થાનિક રહેવાસીઓ દ્વારા તેને રોક્યો હતો. અને તપાસ કરતા ડીઇઆઇસીના મેનેજર દ્વારા ટ્રાઇસીકલો બારોબાર ભંગારમાં વેચીદીધી હોવાનું કૌભાંડ બહાર આવ્યું હતુ.

સિવિલ હોસ્પિટલ પાસે રહીએ છે. આજે આ ભંગારવાળો ટ્રાઇસીકલો લઇ બહાર આવતો હતો ત્યારે અમે તેને રોકીને પુછ્યુ હતુ કે, તમે આ સાયકલો ક્યાથી લાવ્યા તો તેણે કહ્યુ હતુ કે, અમે સિવિલમાંથી લાવ્યા છે. એટલે નવી સાયકલો ભંગારમાં વેચી હોવાનું દેખાતા અમે ડોક્ટરને બોલાવી પુછ્યુ હતુ. તો તેમણે કહ્યુ હતુ કે, સાયકલ ભંગાર થઇગઇ હોવાથી ભંગારમાં આવી છે. પરંતુ તેઓએ કોઇપણ પ્રકારની સરકારી પ્રોસેસ કર્યા વગર જ સાયકલો બારોબાર ભંગારમાં આપી હોવાનું તપાસ કરતા માલુ પડ્યું હતું.

સ્થાનિક લોકો દ્વારા ભંગારના વેપારીને પકડી હોબાળો મચાવતા ડીઇઆઇસીના મેનેજર દોડીને હોસ્પિટલ પહોચી ગયા હતા. જેઓએ જણાવ્યુ હતુ કે, આ ટ્રાઇસીકલો વર્ષોથી અહી પડી પડી ભંગાર થઇગઇ હોવાથી આજે ભંગારમાં વેચી છે. જોકે કેમેરા સમક્ષ ઉચ્ચ તંત્રની મંજુરી લીધી હોવાની ગુલબાંગો મારતા મેનેજર સાહેબ પાછળથી કોઇપણ સરકારી કાગળ બતાવી શક્યા ન હતા. અને તેમના ગપગોળા ખુલ્લા પડી ગયા હતા.

Read Also

Related posts

અમદાવાદ/ સિંધુભવન રોડ પર આવેલા ઝાપડી માતાના મંદિરને તોડવામાં આવે તે પહેલા જ થયો વિરોધ

Pravin Makwana

ગુજરાતમાં આવેલી અનોખી શાળા/ એક એવી શાળા જેમાં બાળકોને નહીં પણ મોટેરાઓને પણ જવાનું મન થાય

Pravin Makwana

કરજણ બેઠક/ કોંગ્રેસના વિજય સંકલ્પ સંમેલનમાં સોશિયલ ડિસ્ટન્સનો સરેઆમ ભંગ, માસ્ક વગર મનફાવે ત્યાં ફરતા દેખાયા કાર્યકરો

Pravin Makwana
Do NOT follow this link or you will be banned from the site!