GSTV
Business Trending

ભારતીય કંપની જગતના એડવાન્સ ટેક્સના આંકડામાં જબરદસ્ત ઉછાળો

ભારતીય કંપની જગતના એડવાન્સ ટેક્સના આંકડામાં જબરજસ્ત ઉછાળો આવ્યો છે. ૨૦૧૯-૨૦ના પ્રથમ ક્વાર્ટરમાં તેના દ્વારા કરવામાં આવેલી એડવાન્સ ટેક્સ ચૂકવણીમાં ૧૭૧ ટકાનો ઊછાળો નોંધાયો છે. તેના લીધે ટેક્સ ઓથોરિટીનું કહેવું છે કે અર્થતંત્ર અગાઉના ક્વાર્ટરોની નબળી સ્થિતિમાંથી પૂર્વવત્ બની રહ્યુ છે.

મુંબઈમાં કુલ ટેક્સ કલેક્શન ૧૩૩ ટકા વધીને ૧૭,૧૭૪ કરોડ એડવાન્સ ટેક્સ થયું હતું, જે ગયા વર્ષે સમાન સમયગાળામાં ૭,૩૫૬ કરોડ હતું, એમ આવકવેરા વિભાગના આંકડા જણાવે છે. કોર્પોરેટ ટેક્સ કલેક્શન ૧૪,૮૭૩ કરોડ હતુ, જે ગયા વર્ષના સમાન સમયગાળામાં ૫,૪૭૭ કરોડ હતું.

વ્યક્તિગત વેરાની આવક ૨,૩૦૧ કરોડ હતી, જે ગયા વર્ષના સમાન સમયગાળાના ૧,૮૭૯ કરોડની તુલનાએ ૨૨.૪ ટકાની વૃદ્ધિ દર્શાવે છે. વર્તમાન નાણાકીય વર્ષમાં એડવાન્સ ટેક્સનો પ્રથમ હપ્તો ૧૫ જૂનના રોજ પૂરો થશે. એડવાન્સ ટેક્સ પેમેન્ટના પરિઘની અંદર આવતા કરદાતાએ તેની કર જવાબદારીના ૧૫ ટકાની ચૂકવણી કરવાની હોય છે.

આવકવેરા અધિકારીઓનું માનવું છે કે તબક્કાવાર વૃદ્ધિદર અર્થતંત્ર માટે હકારાત્મક સંકેત છે. આ શાનદાર આંકડા છે, જે બિનપરંપરાગત છે, પરંતુ તેની સાથે-સાથે પ્રોત્સાહક છે. અર્થતંત્ર ૨૦૧૮-૧૯ના ચોથા ક્વાર્ટરમાં ૨૦ ક્વાર્ટરની નીચી સપાટી ૫.૮ ટકાના દરે વૃદ્ધિ પામ્યુ હતુ.

તેના લીધે નાણાકીય વર્ષ ૨૦૧૮-૧૯નો વૃદ્ધિદર ઘટીને ૬.૮ ટકા જેટલો નીચો થઈ ગયો હતો. એડવાન્સ ટેક્સના આંકડામાં વૃદ્ધિ માટે અનેક પરિબળો ગણાવાય છે, તેમા અર્થતંત્રમાં થઈ રહેલો સુધારો પણ એક પરિબળ છે.

Read Also

Related posts

રેમ્પ પર બિલાડીના કેટવોકમાં મોડલને પણ કરી દીધી ફેલ, વીડિયો જોઈને તમે પણ થઈ જશો ફેન

HARSHAD PATEL

Health Care Tips / ગરમીની મોસમમાં દૂધીનું સેવન ‘વરદાન’, સ્વાસ્થ્ય માટે ખૂબ જ ફાયદાકારક

Hardik Hingu

Quad Summit / ઓસ્ટ્રેલિયામાં આગામી ક્વાડની મળશે બેઠક, પીએમ મોદી અને ઓસ્ટ્રેલિયાના પીએમ અલ્બેનીઝ વચ્ચે દ્વિપક્ષીય બેઠક

Hardik Hingu
GSTV